بسم الله الرحمن الرحيم
الشاعر العذب بدر اللامي الشمري .. إسم شعري لامع ظهر للجمهور في شاعر المليون الأول .. إسم اشتهر داخل الوسط الشعري بالصراحة والصدق في أطروحاته الإعلامية المختلفة ..
الشاعر بدر .. يستعد هالأيام لطرح كتاب له بينزل قريب بالأسواق بعنوان : فضائح وأحداث شاعر المليون .. يتحدث فيه عن خفايا وأسرار النسخة الأولى من البرنامج مدعمة بأدلة وصور وأحداث لم تنشر في السابق على جميع الأصعدة سواءاً مرئية أو مقرية أو اذاعية ..
لتلفزيون المساطيل السبق كما عودناكم في الوصول للأستاذ بدر والحديث معه حول هذا الإصدار .. وتسليط الضوء عليه أكثر من كاتبه ..
وقام الشاعر بدر مشكوراً باهداء ( بوستر ) الكتاب حصرياً لأعزائنا أعضاء وزوار حارة المساطيل والذي لم يُنشر بأي وسيلة إعلامية أخرى .. فله كل الشكر والتقدير :fl:
بوستر الكتاب قبل نزوله للأسواق D13
* اضغط عليه عشان تشوفه بحجمه الطبيعي
,,
نعود لإكمال حديثنا ..
كان الحوار بالفعل شيق وجميل خصوصاً لما يكون الشخص المقابل إنسان صريح مثل بدر .. طبعاً بدر للحين مانسى ذبة المساطيل عليه ايام شاعر المليون الأول .. وش أخبار الفكسار يابدر خخخخخخخخخخ D11
دردشنا مع بدر بخصوص هالإصدار قال بدر عن الكتاب أنه بيكون مفاجأة من العيار الثقيل وإن شاء الله راح يوزع بالأسواق يوم السبت بعد القادم ..
حبيبنا بدر .. وش هدفك من الكتاب << تسمع بالأسئلة المباشرة D11
أنا دائماً أحب تكون الحقيقة عارية و الناس تبي تعرف الحقيقة والشي الثاني النعرة القبلية اللي سواها البرنامج نفسه .. خاصة هالأيام نشوف موضة ( مزاين الأبل ) اللي كانت أسوء من البرنامج في اثارة النعرة القبلية .. برنامج شاعر المليون يحصل ملايين من جيوب الناس .. والناس ماتدري ان البرنامج كله كذب في كذب ومافيه ولا شي .. والكتاب راح يكون بالأدلة .. ماراح يكون سوالف أو مجرد كلام أو اسلوب سردي .. الكتاب بيكون بأسلوب راقي لكن بأدلة ستفضح شاعر المليون والقائمين عليه .. !!
بدر انت تتوقع نجاح للكتاب؟!
إن شاء الله .. انا متفائل خير
طيب يابدر اذا بنعتبر هالكتاب رسالة .. هالرسالة توجهها لمن؟!
هي رسالتين :
الرسالة الجدية : إلى كل الشرفاء القائمين على البرنامج اللي تصير هالامور من وراهم ولايدرون عنها :)
الرسالة التهكمية : لكل المغفلين اللي صدقوا أمور التصويت وصوتوا :D
,,
بدر ذكر خلال الدردرشة أن هالموضوع هو الإعلان الأول للكتاب من بين جميع الوسائل الإعلامية لأن موقع حارة المساطيل يستحق كل خير ويكفي انه كان مفرحنا ومبسطنا بالتعليقات والفرفشة والضحك أيام ما كنا متسابقين بشاعر المليون الأول ..
وحنا نقولك يابدر عزيز وغالي ونتشرف بهالسبق الإعلامي وهالشي مب غريب على شخص مثلك :hrt:
وهذي رسالة صوتية من الشاعر بدر يتحدث
فيها عن الكتاب ..
الرسالة الصوتية