منتدى المجالس الرومانسية - عرض مشاركة مفردة

محموـد · 01-06-2008, 07:34 PM


	هاى هاى ممكن نتعرف ممكن مين معايا انا احمد وحضرتك انا سلمى اسمك جميل ياسلمى ميرسى كام سنة ياسلمى 19 سنة انتى عندك مايك ياسلمى لا طب عندك كام لا ولا صورة حتى لا لا طب سلام انت زعلت ولا ايه اضربيله جرس يابنتى سيبك منه انا اساسا هقفل الكمبيوتر عشان ننزل نلحق البت علا عشان قالتلى هستناكى قصاد باب تجارة طب ياللا ................ المواصلات حاجة تقرف بقلك ايه تعالى ناخدلنا تاكس اريح استنضفلنا تاكس عليه القيمة نركبه يابت .......... ايه ده يااستاذة دول كام نعم دول اربعه جنيه هاتى اتنين جنيه كمان ليه ان شاء الله انا على طول بدى السواق اربعه جنيه مبيتكلمش وبركب من نفس الحتة بس المواصلات زحمة دلوقتى يااستاذة مش هدفع اكتر من كدة خلاص خدى فلوسك ومع السلامة مش هاخد الاربعه جنيه دول ارمهوملو ياسلمى وياللا .............. اهى علا واقفة هناك تعالى يابنتى خلصتى المحاضرة مدخلتش اساسا رحت متاخر لاقيت المدرج قفل وانتم لاطعنى هنا بقالى ساعه معلش ياعلااصل سلمى كانت بتشيت وعايشالى فى الدور ههههههههههههههههه المهم انا لسة مفطرتش جعانة .................. ياسلمى ايوة ياماما انتى مش فلاحالى غير تقعديلى على الكمبيوتر تعالى اغسل المواعين دى ليل نهار قصاد الكمبيوتر انا هكسرهولك ان شاء الله ........................ ابو سلمى خير ياام سلمى الست جارتنا كلمتنى بتقلى عايزة تجوز ابنها لسلمى بنتنا لا اصرفى نظر ده واد ابن امه ميقدرش يحمى البت قليلها لما تخلص تعليمها وهى هتفهم حاضر ياابو سلمى .............. الو ايوة ياماما انا نجحت الف مبروك ياسلمى اخيراااااااا ده ابوكى هيفرح اوى اوكى ياماما سلام عشان الشحن قرب يخلص طيب سلام .................... الواد جاى يشوف البت ياام سلمى خليها تجهز نفسها بئى هو قال هيجى امتى ياابو سلمى قال بعد العشا طيب ........... سلام عليكم وعليكم السلام اتفضل اتفضل تعالى البيت بيتك ربنا يخليك ياحج نورت منور بااهله .............. انت عندك شقة لا ياحج والله هأجر شقة بتقبض كام يا احمد بقبض 300 جنيه فى الشهر وبشتغل شغلانة اضافية بالليل طيب نورت يااحمد نجبلك لمون ياام سلمى لمون لااحمد اشكرك ياحج انا مضطر انزل عشان الشغل سلام عليكم وعليكم السلام نورت ............... ازيك ياابو سلمى بنتك كبرت ياابو سلمى انا جايبلها بئى حتة عريس لقطة واد مؤدب وابن ناس شغال ايه شغال فى قطاع حكومى بيقبض ملاليم يعنى بس واد يعتمد عليه ياابو سلمى انا مجوزش بنتى لواحد يعيشها فقيرة البت متقلش عن المستوى اللى عاشت فيه ماهو كل الشباب كدة ياابو سلمى الشباب تعبان برضه وشباب اليومين دول كلهم غلابة هو ربنا كاتبلها رزقها والجواز قسمة ونصيب ............... مالك بتعيطى ليه ياام ياسلمى مفيش ياختى لا فيه الراجل هيبورلى البت كل مايجيلها عريس يرفضه والبت بئى عندها خمسة وعشرين سنة ومبقاش يجيلها عرسان زى الاول خليها على الله ياام سلمى ربنا يهديلك جوزك ياختى ............. انت اللى بورت بنتك بئى عندها 30 سنة انت هتشيل ذنبها ذنبها فى رقبتك انت ياستى اهدى محدش بياخد اكتر من نصيبه هدى نفسك بس انا اعرف سواق كان بيكلمنى على عروسة وانا فكرت اقله على سلمى بنتنا بس قلت اشوفها الاول ها ياسلمى اللى تشوفه يابابا خلاص هتفق معاه على معاد يجى يشوفك ........... السلام عليكم وعليكم السلام اتفضل اتفضل البيت بيتك نورت البيت منور بااهله ها عجبتك العروسة سيبنى فترة استخير ياعمى وهرد عليك كمان يومين سلام عليكم طب استنى طيب تتعشى معانا لا الف شكر ياعمى سلام عليكم مش هينفع كدة والله لازم تتعشى الف شكر مرة تانية نورت الله يخليك ياعمى .......... شكله البت معجبتوش ياام سلمى اهو عدى اليومين ومتصلش مش بتردى عليا ليه ياام سلمى صدقينى نصيبها هيجيلها مش عايزك تزعلى .......... السلام عليكم ازيك ياعمى وعليكم السلام ازيك يابنى عامل ايه تمام الحمد لله انا حبيت بس احدد معاد مع حضرتك شوف انت المعاد اللى يناسبك خلاص النهاردة بعد العشا ماشى اتفقنا سلام عليكم ........... ايوة يابنى طلباتك والله ياحج انا فى مقدرتى ااجر شقة فى بيوت اهالى لا يابنى انا عندى شقة فى العمارة بتاعتى ان شاء الله هجهزها فى خلال سنة تكون متشطبة سيبك انت من موضوع الشقة ده محلولة وفى مقدرتى ياعمى اجيب اوضة نوم والاجهزة تيجى واحدة واحدة وادفع مهر الفين جنيه يابنى احنا بنشترى راجل وان كان على الاجهزة انا اجيبهالكم من عندى نقرا الفاتحة بسم الله الرحمن الرحيم ............ ايوة ياحج انت حجزت النادى ايوة يابنى والجاتوه ربنا يتمم بخير ........... شوفى البت يام ايمان زى العسل ومعاها بكالوريوس تجارة ومتجوزة مين مبقتش تفرق احنا بقينا فى زمن العجايب الشهادات مبقتش تنفع بقت وجهة اجتماعية وخلاص اه والله عندك حق العروسة للعريس والجرى للمتاعيس ياللا انا اسااسا غلطانة انى جيت الفرح ده ليه ياام ايمان بس ماختش جاتوه ولا ساقع الواد ماشى من جنبى وابو سلمى ولا يقله وزع جاتوه هنا عمال يوزع جاتوه على زمايله وخلاص ........................... الست ام ايمان دى ست ارشانة ومش سهلة دى عليها بصة اعوذ بالله هتبوظ الجوازة انتى ايه اللى خلاكى تعزميها بس ياللا روحى اقفى جنب بنتك عشان تتصورى طيب تعالى يابو سلمى معايا ناخدلنا صورة جماعية ................................................................................. يارب الحتوته تكون عجابتكم واللي راحي يقلي مكرر راح اعطيه بالكيبورد في راس ثلاث نواضيع اليوم مكرر حاجه تتتقهر اللي متقهر ماش ي يا منص محموـد