يالله يـاوالــي المخـالـيـق يالله
يامسنـدي عنـد الحمـول الثقيلـه
أنت الذي في ساعة الضيق ننصـاه
وأنت الرجـا والمرتكـا والوسيلـه
أفرج لمنهـو مجزعاتـه خطايـاه
عجزت عـراوي قدرتـه لاتشيلـه
الحال جضّه لاهب الوقت وأقصـاه
وهوج العواصف حوّلت به نزيلـه
مثـل السفايـف للنبانيـب تـبـراه
يلقى الدبـا مـن بريهـا مايشيلـه
تخمني خم ّ الجما لا أسنـد أرشـاه
من فوق هدف(ن) بالعدود الطويلـه
وإليا ذكرت اللـي فعولـه مسمـاه
ينقضّ هاجـوس الضميـر وفتيلـه
ليث(ن) ركز في نابي الحيد مبنـاه
واحد ولكـن بالفعـل عـن قبيلـه
على الشكاله محفيا ًسبـت رجـلاه
وعلى المعزّه نابـزا ً سـرج خيلـه
ذبّاح.. حيلا ً فاهق الوسـم تغـذاه
نطّاح ..زافـات الجمـوع الشكيلـه
نمرود .. موسم بالعداء ضرب شلفاه
مروي لشذرات السيـوف الصقيلـه
يمناه في كسـب المغانـم مضـرّاه
وإليا عطت ما تعطـي الأ الجزيلـه
واللي جزاه الطيب بالطيـب يجـزاه
واللـي بـداء بالمخطيـه يرتكيلـه
من لابتـن فيهـا السبايـق معنّـاه
تفزع على قحص المهار الأصيلـه
شدد رسول أسبورهم كل من جـاه
هجّوا وكلا ً قارطـا ً فـي شليلـه
واللي نواهـم فـي نهـار المثـاراه
البـور وأدراس البوالـي حصيلـه
لاراح غيره روحة "مقاط وأرشـاه"
ياعنـك مانـدري بحطّـه وشيلـه
المدح في شيـخ المطانيـخ يزهـاه
وكل القصايد في حضـوره قليلـه
بحر القوافي يقتصـر دون معنـاه
جـزره ومـدّه مايوفّـي جميـلـه
للمبدعه ,, أخت من طاع الله