للتسجيل اضغط هـنـا




إضافة رد
#1  
قديم 27-09-2018, 11:57 AM
http://www.up.7cc.com/uploads/1441055243193.gif
القناص. غير متصل
Jordan     Male
لوني المفضل Chocolate
 رقم العضوية : 262234
 تاريخ التسجيل : Oct 2011
 فترة الأقامة : 2557 يوم
 أخر زيارة : 14-10-2018 (01:15 AM)
 المشاركات : 52,797 [ + ]
 التقييم : 2147483647
 معدل التقييم : القناص. has a reputation beyond reputeالقناص. has a reputation beyond reputeالقناص. has a reputation beyond reputeالقناص. has a reputation beyond reputeالقناص. has a reputation beyond reputeالقناص. has a reputation beyond reputeالقناص. has a reputation beyond reputeالقناص. has a reputation beyond reputeالقناص. has a reputation beyond reputeالقناص. has a reputation beyond reputeالقناص. has a reputation beyond repute
بيانات اضافيه [ + ]
افتراضي في مستشفى الولاده



في مستشفى الولاده
الممرضه:مبروك المدام خلفت وجابت بنت!
صفنت شوي وللامانه غصيت رغم اني عارف انو مرتي فيها بنت بس كان عندي أمل ربنا يجبر بخاطري الله يبارك فيك شكراً
-المدام صارت بغرفتها إذا بتحب تشوفها
رح اشوفها بس بعد مااكمل دفع حساب المستشفى
بصراحه كنت بحاول اتهرب من مرتي!
أو أهرب من الخيبة السادسة النا بكل مره بنستنى فيها ولد وبالاخر بتكون بنت!
طلعت من المستشفى وقررت امشي ببلاد الله الواسعه مشيت يمكن ساعتين ورنيت على ام دارين تروح لعندها وماتتركها وسكرت تلفوني قد مامشيت آخر اشي تعبت وقعدت قبال بسطه لزلمه كبير بالعمر كان حاط خضرتو وقاعد
حاولت أخفي دمعتي ومانزلها ملت براسي لتحت كنت اكثر انسان ضايع بهالحياة أكثر أنسان حاس انو الدنيا مش منصفيتو!
فجأة حدا حط أيدو على كتفي وحكى فيك اشي يابني؟
لا ياعم مافي اشي كل القصه اني تعبان!
-طيب قوم خليني اشربك شاي وتروق!
قمت معو وصب كاستين وقعد قبالي
-آه احكيلي من شو تعبان؟
هه من هالحياة اليوم اجتني البنت السادسة الي كان كل أملي انها تكون ولد يفرحني زائد انو المصاريف الي مابتخلص حتى بتصدق هلا علي 500 دينار للمستشفى مو عارف من وين ادبرهم بعرف ببالك بتحكي معقول ماكنت حاسب لهاليوم!
كنت حاسب والله بس صاحبي تضايق شوي وطلب واستحيت ارده واعطيتو اياهن وصفيت انا ضايع حتى شغلي الي يوم بكون ماشاء الله ويوم لاتسأل ...
-أنت مو مزعلتك الالتزامات والمصاري على قد مو مزعلك انو اجتك بنت صح؟!
تنهدت وماحكيت...
-بتعرف أنا حاسدك رغم انو ماصارلي عشر دقائق قاعد معك؟
هه حاسدني أنا على شو؟
-حاسدك على ٦ بنات رح تفوت الجنه من وراهم! حاسدك على ٦ شمعات رح ينورو حياتك ويعشوك ملك!
بتعرف يوم القيامة أنت ورسول صل الله عليه وسلم رح تفوتو من نفس الباب!(من عال جاريتين دخلتُ أنا وهو في الجنة كهاتين وضم أصابعه )
وبعيداً عن هالحكي فكرك أحنا الي كل خلفتنا كلها ولاد مبسوطين وماعندنا هموم بتعرف لو عندي بنت وحده بس مارح تخليني اقعد هالقعده!
ليش بتحكي هالحكي وين ولادك؟
-بحكي هيك لانو هذا الواقع أحنا لما الله يرزقنا ببنت بتضل وجوهنا بالأرض وكأنه صايره مصيبه بعكس الولد غلطان ولا لا وانت أكبر دليل!
عندي 4 ولاد وكل واحد اللهم نفسي كل واحد ملتهي بمرتو وولادو بزوروني انا والحجه مره كل شهر ويادوب ساعه بحجة المشاغل حدا بسأل منهم علينا؟ تعال شوفها كيف متمنيه حدا يونسها!
جاري ابو احمد بناتو كل يوم وحده بتزوره بطبخن وبنظفن ومتونس فيهن بتصدق دخلت عليه المره الماضيه والله اني حسيت انو ملك بتصدق!
بتعرف شو حكالي؟
أنا ياابو رشيد إذا بموت رح أموت وانا مبسوط صحيح رح اروح من هالدنيا بس مارح يروح أثري بناتي هذول كل وحده فيهم انا متأكد أنهن مش رح ينسني رح يتصدقن ويدعلي فعلاً مابعرف شو عملت لرب العالمين لرزقني إياهم بس بعرف اني انسان محظوظ محظوظ كثير!
وفعلاً محظوظ وطلعت من عندو وانا دمعتي بعيني تمنيت أموت قبل مااحتاج اي حدا من ولادي بتصدق! ماعندي بنت تحن علي بكبرتي وتغسلي وتشربني وطعميني!
وانت ياابني زعلان!
وبعدين ال٦بنات الي عندك كل وحده اجت ورزقتها معها! وبعدك زعلان!
فعلاً حكيك كلو صح شكراً الك كثير مابتعرف قديش أثر فيي حكيك وانا اسف بدي اقوم مرتي خلفت ونسيتها ونسيت اشوف بنتي وشكراً شكراً كثير
-ولو ياابني ضلك متذكر انو في عندك كنز ثمين دير بالك علي ووركضت بسرعه على المستشفى
حبيبتي آسف تأخرت عليكِ صح بس كان في كم شغله خلصتهم وأجيت وينها اميرتي بدي اشوفها وفعلاً كانت مثل الاميرات بعيون خضر ووجها مثل الملائكه حتى مرتي لماشافت ردة فعلي قعدت تعيط!
ليش بتعيطي!
-أنا آسفه مافرحتك بولد
صدقيني فرحتي بهالبنت والله عندي بألف ولد ولاتحكي هالحكي احنا من الناس المحظوظين الي الله بحبهم!
بدي ادفع الفاتورة لو سمحتي!
الفاتورة اندفعت استاذ
ومين دفعها؟
-أنا ياصاحبي الف الف مبروك البنت تربى بعزك ودلالك
محمود؟ الله يبارك فيك ليش دفعت
شو ليش دفعت مصرياتك ورجعتلك إياهن! وانا صار وضعي تمام وكلو بفضلك ياصاحبي والمبلغ الباقي دخلتك فيي معي شريك بشغلي إذا بتقبل طبعاً؟
فعلاً اجت وكانت رزقتها معها... ابو البنات 💜
-رب العالمين بسخر لعبادو الي بحبهم الناس الي بتجبر بالخاطر مثل جبرت العم إلى بالوقت الي ماتوقعت حدا فيي يقدر يفهم علي ومثل دعائي ليه بهالوقت وطول العمر ؟
نيال ابو البنات وام البنات؟!



طوبى_لمن_رزق_المؤنسات_الغاليات





آخر تعديل القناص. يوم 27-09-2018 في 02:21 PM.
رد مع اقتباس
إضافة رد

مواقع النشر (المفضلة)


(عرض الكل الاعضاء اللذين قامو بقراءة الموضوع : 1
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

تصميم و وتركيب انكسار ديزاين

الساعة الآن 12:35 PM.


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved.
().
هذا الموقع يتسخدم منتجات Weblanca.com
HêĽм √ 3.1 BY: ! ωαнαм ! © 2010

جميع آلمشآركآت آلمكتوبه تعبّر عن وجهة نظر صآحبهآ , ولا تعبّر بأي شكل من آلأشكآل عن وجهة نظر إدآرة آلمنتدى 

تصميم وتركيب انكسار ديزاين لخدمات التصميم