--------------------------------------------------------------------------------
حكاية شاب وسيم عمره بين 22و23 مايعرف عن الحب شي ولا مره بحياته حاول انه يعرف شي عن الحب .
له طله مقبوله واللي يشوفه على طول يحبه .
سافر والله وفقه بوظيفة بس بعيد عن منطقة أهله اللي ساكن فيها والمكان اللي توظف فيه يمشي الحال بس زيارات البنات على المكان هذا كثيرة
وفي يوم جات وحده ودخلت المكان هذا وشافت الولد هذا فأعجبت فيه وأخذت رقم المحل لانه موجود على اللوحة برا ولما راحت بيتها اتصلت عليه...
وحاولت تحتك فيه بالكلام بس حست أسلوبه جاف شويه ولا قدرت تاخد وتعطي معاه .
وصار كل يوم الساعة 11 في الليل تتصل عليه على شان تتعرف اكثر عليه وتتكلم معاه وهوا مايعرف ايش يقول بس يسمع ويقول ( ايه ) ولما طولت الايام على الطريقة هذه اتشجع مره
وسألها: انتي ايش الهدف من مكالماتك هذه ولوين تبين توصلين ؟؟؟؟؟؟؟؟؟؟؟؟
هي جاوبت على طول لأنها تستنى سؤاله هذا
قالت: ابي أوصل لقلبك !!!!!!!!!!!!
قال: طيب انا ما اعرف شي عن الحب ولا حتى اعرف اتكلم فيه ولا افهم لغته قالت انا بعلمك ايديني واخليك فيلسوف حب .
المهم طالت المحادثة وجات أيام وراحت أيام وعلى الطريقة هذه وهي تعلم فيه وهو يستوعب بسرعة لين خلاااااااااااااااااااااااااااااااااااااااااااااااا اااااص
حب الولد من كل قلبه لدرجة انه صار مايقدر ينام الليل من كثر التفكير فيها وكل اصحابه صاروا حاسين انه متغير ولا ياكل ونحف وصار يفكر كثير ويسرح كثير وأحيان يخطي باسمها وينادي اصحابه وهم ما يبغوا يسألوه من الاسم هذا لأن من شكله باين انه حب وخلاص أعلى مراحل الحب وصل .
دارت الأيام ومرت سنة على الطريقة هذه .
اتصل عليها في يوم وكان مزعوج
قالها: انتي شفتيني وشفتي شكلي وعرفتي أسلوبي وصار لنا سنة ألحين ولاشفتك ولاحتى شفت صورتك
قالت له: انتظر شوي لين يضبط وضعي واخليك تشوفني
قال: لا .. لا .. لازم أشوفك وماراح اسكر لين توعديني متى...
قالت: طيب الخميس الجاي راح نطلع للمكان الفلاني نتقابل هناك والكلام هذا كان يومالسبت .
( تخيلو الانتظار كيف راح يكون من يوم السبت لين الخميس اصعب لحظات عمره كان مقضي يومه كله نوم على شان بسرعة الأيام تمشي )......
وصل يوم الأربعاء بدا يفكر كيف راح يكون شكلها طويلة قصيرة بيضا سمرا نحيفة دبدوبه حلوة زي ماهوا راسمها في خياله .
كان يفكر في كل شي .
واتصلت عليه يوم الخميس .
قالت له: يالله طالعين وسيارتنا كذا شكلها ولونها كذا ورقم اللوحة كذا
قال: تمام ،،قال: اسمعي انا كل الطريق مقدر اصبر ابيك كل دقيقتين تشيكين على جوالي علشان أس انك معاي موجودة وادري انك ماتقدرين تكلميني لان أهلك معاكي صعبة بس اقل شي كل دقيقتين شيكي
قالت: ok
تحركت السيارة وهو حرك بعدها على طول وكل دقيقتين تجيه تشييكه وعلى الجوال
ألين انقطعت التشييكات اكثر من عشره دقايق !!!!!!!!!!!!!!!
ماقدر يصبر أرسل رسالة ولاردت عليه تردد بالاتصاااال تردد وتردد كثير ما يدري يتصل او يخاف يحرجها مع اهلها،
المهم قرر ولمن دق على جوالها مرت من جنبه سيارة اسعاف متجهة بنفس الطريق اللي هوا يمشي فيه
من كثر ماهوا مخبوص نزل الجوال جنبه أسرع ورا السيارة وخلى الجوال يدق ( معاودة الاتصال آليا )
المهم وصل شاف حادث اكثر من رعب منظره مافي .
عائلة كاملة يمين الخط منتثرة فيها أربع بنات وشايب و وحده عجوزة كلهم حالتهم واشكالهم ميؤوس منها بشكل خيالي .
السيارة هيا نفس السيارة ونفس اللوحة ونفس اللون
بس ،،،
كيف راح يعرفها بين البنات الأربعة وهيا ماوصفت له حتى شكلها ؟؟!!!!
نزل مع اللي نزلو يشوف بقايا حلمه وبقايا أمله
صار يطالع يمين يسار ولو يشوفها ماراح يعرفها !!!!!!!!!!!!!!!
سمع صوت جوال يرن حاول يتبع الصوت...
لقا وحده من البنات ماسكه الجوال ويرن في يدها وهي شبه ملطخه بالدم ومافي أمل من انها تعيش الا بعد إذن الله شاف اسم المتصل بجوالها لقا مكتوب !!!!!!!!!!!!!!!!!
(( أمل عمري ))
قال يمكن هذه وحده من صحباتها لكن بدون شعور رفع الجوال وشاف الاسم (( امل عمري ))
وفتح الرقم وكانت الصدمة ؛؛؛!!!!!!!!!!!!!!!!
انه شاف الرقم حقه
لان الجوال لقاه مع وحده كان الجمال ما انخلق لغيرها بس للاسف فارقت الحياة وانقلبت اسعد لحظات عمره بثواني الى اتعس أيام العمر الرقم لقاه رقمه ولقا اسمه مكتوب (( امل عمري )) صدمه خلته ينهار ويغمى عليه نقلوه معاها للمستشفى هيا انتقلت الى رحمة الله بس هوا عاش او اقصد ما عاشت الضحكة بعدها يوم .
وترك الوظيفة وتعقد من عيشته وصار يكره نغمة الجوال ولايتكلم مره غير اذا كان مجبور انه يتكلم ويكره اي واحد يجيب أبجدية كلمة حب عنده ،،؛؛.....
سافر عن المنطقة اللي كان موظف فيها واتعرف على امل عمره اللي انــتـها فيها .
واخد عهد على نفسه انه مايجي المنطقة هذه الا بنفس اليوم اللي اتوفى فيه حلمه وصار كل سنة بنفس اليوم يسافر للمنطقة ويمر نفس المكان ويجلس فيه ساعة ويرجع لمنطقته .
انتهى ....................... (( منقول))
27-05-2006, 10:49 PM
أمل عمرى :قصة حب
مواضيع مشابهة
النمط الخطي
