هــــــــــــــــلا..!!(ص.الحمود)

هلابك .. يا بعد حالي .. وعيني .. واصدق احبابي=هلا .. باللي عجزت آصل من ابعاد الوله .. بابه
هلا .. باللي إلى مني لقيته ضاع باهدابي=هلا .. باللي إلى منه لقاني ضعت باهدابه
هلا .. باللي يغيب من الفرح فيني ويصحابي=هلا .. باللي اغاب من السعاده فيه واصحابه
هلا .. باللي يمل من الزعل عني .. ويرضابي=هلا .. باللي كِثر مازعل عليه وعنه .. ارضابه
هلا .. باللي يموت من الغلا فيني .. ويحيابي=هلا .. باللي اموت من المحبه فيه .. واحيابه
هلابك .. كِثْرِ مامر الصباح الغث (.....)=هلابك .. كثر ماحن المكان لجلسة احبابه
سبقتك بالسلام وقمت اهليبك على بابي=نسيت اني انا اللي جا .. وجاب العيد من بابه
لك الله .. والغلا .. والشوق .. وشعرٍ فيك سوّّابي=سواة اللي لقا نفسه نحيل وضاق بثيابه
اخذتك بالكلام .. وما نسيت الاّ بَعَض مابي=احبك بس اخاف ان الكلام يطول والهابه
احبك حب .. إلى منه قتلني مات بثيابي=احبك ويش اسوي والمحبه تقتل اصحابه
احبك .. ايه احبك .. والكلام اكثر من ترابي=واحس اني معاك اوسع من التاريخ وكتابه

*·~-.¸¸,.-~*الزعيم *·~-.¸¸,.-~*


زعيم الحروف والكلمات البراقه


سلمت اناملك التي تخط لنا عذب القصيد


ابدعت كل الابداع


تحيتي أختـــك /


*·~-.¸¸,.-~*زهــــــــــــره*·~-.¸¸,.-~*