ناديه..ساروووه

ساره..هااه لاتقطعين حبل افكاري خل اركز مع الدكتوره

ناديه..امحق تركيز الدكتوره في الصفحه الثالثه وانتي في الاولى يالسحليه

ساره..طيب اخلصي وش تبين لاني حاسه اني بلقط وجهي وانطرد من القاعه بسببك

ناديه...مقدر اركز بسبب نظرات البنت الي علي قسم بالله احس بالخوف

ساره..خل تناظر مثل ماتبي جعل عيونها بالفقع طنشيها

ناديه..ماقدرت احس بتاكلني بعيونها شكل بستأذن واطلع من القاعه

ساره..قاعة ابوك هي اقول انثبري وخل انركز الماده صعبه يالخبله

ناديه..ااااووووف والله لو جالسه جنب نجلا اصرف منك يالسحليه

ساره..صدق خير تعمل شر تلقى انقلعي

جلسو البنات على هالحاله وبعد ماقضت المحاضره طلعت نجلا وساره يشترون من الكافتريا الي بالمبنى وتركو ناديه تنتظرهم فجأه جتها بنت

البنت..هااااي

ناديه بنظرة استغراب..اهلين

البنت..ممكن نتعرف

ناديه بدهشه..نعم

البنت..صراحه انتي معجبتني و ودي تصيرين صاحبتي

ناديه..والله انا معاي صاحباتي وصعب اتركهم وانتي نفس الشي صعب تتركين صديقاتك وتجلسين معنا

البنت..بصراحه انا اتمنى نكون انا وانتي اصحاب و مابي غيرك وابيك تكونين معي وتتركين صديقاتك والي تطلبينه انفذه لك

ناديه وهي معصبه..اسفه اختي انا مشغوله ابي اطلع من القاعه وفي نفسها تقول صدق حركات بزران

البنت..انتي فكري في الموضوع وماراح تندمين صدقيني بس اذا رفضتي يمكن تندمين

استغربت ناديه من اسلوب التهديد هذا و ايش تقصد البنت منه وعلى طول طلعت من القاعه بسرعه وكان في وجهها ساره

ساره..هيييه يالمطيوره هدي السرعه بغيتي تشوهين وجهي وجمالي بهالسرعه

ناديه..مو وقته الاستهبال يالله بنطلع من الجامعه

ساره..احلفي خدامات عندك حنا تتأمرين علينا

ناديه..يالله نطلع وفي السياره اقولكم كل شي

على طول تركتهم واتجهت للبوابه وساره ونجلا معها وهم مو فاهمين ايش فيها وسبب زعلها وركبو السياره

ساره..هاااه وش فيه

ناديه..قايله انا لكم هالنظرات مو لله وراها مصيبه

نجلا..تسمعين بالتشويق انتي اخلصي علينا

قالت لهم ناديه كل شي

ساره..ههههههههههههههههه ياويلي بطني يعورني لا وتهدد بعد وجه العنز

نجلا..انتي بس تضحكين البنت جاده في كلامها ماتمزح

ناديه..ماعندها احساس هالبنت

نجلا..شوفي هذي وراها مصيبه والا ليه تقول تبيك صاحبتها لوحدها الا وراها بلا

ناديه..هذا الي مخوفني علشان كذا طلعت من الجامعه على طول

ساره..طنشيها ياشيخه الدنيا مو على كيفها بعد تهدد

نجلا..انتي اسكتي ولا تكلمينها ولا تفتحين معها السالفه مره ثانيه وحاولي تتحاشينها وانشاءالله مايصير شي

ساره..صح كلامها واكيد تهديدها بس كلام

لفت ناديه للجهه الثانيه وهي تفكر وش بتسوي في هالمصيبه

بعدها وصلت ناديه و سميه وتهاني للبيت وكل وحده شايله في قلبها سالفه وماتقدر تقول لاحد عنها بعدها راحت سميه عند امها وقالت لها سالفة منى وامها واخوها وقالت لها عن الاشخاص الي في بالها

الام..والله مادري انتي عارفه إن محمد وبدر يشتغلون في السوق ومحمد هو الفاهم اكثر

سميه..يمه انتي عارفه اني ماقدر اشوف هالبنت المسكينه وما اساعدها والله كسرت خاطري حرام

الام..خلاص انا بكلم لك محمد و اشوف وش يقول لي

سميه..خلاص دقي الحين اذا موافق يساعدني قولي له يجيني بكره للدوام علشان اقوله كل شي وياخذ كل الاوراق من البنت

محمد وبدر عيال خالتهم محمد عمره 25 سنه يشتغل اعمال حره وبدر عمره 23 سنه يدرس في الجامعه ويشارك اخوه في الشغل مربيتهم ام سلطان مع بناتها علشان كذا ماخذين عليهم بس بعد ماكبرو البنات ماصارو يشوفونهم الا نادرا
كلمت الام عيال اختها وقالها محمد انه مو فاهم عليها وايش الي تبي بس بكره بيمر سميه في دوامها وهي الي تفهمه ويصير خير اذا قدر يساعدها مو مقصر

تهاني اول ماوصلت دخلت على النت وارسلت للحنون رساله وقالت له انها بتنام وبالليل بتدخل علشان تكلمه

ناديه كانت مهمومه وخايفه من التهديد الي جاها ولانه هي خوافه مو قادره تسوي شي نامت وهي على هالحال

في الليل صحت تهاني و فتحت النت ولقت الحنون متصل ودخلت على طول عليه



يتبع..


اول مافتحت تهاني النت دخلت على الحنون

تهاني..السلام عليكم

الحنون..وعليكم السلام نوم العوافي

تهاني..الله يعافيك كيفك

الحنون..تمام وانتي

تهاني..الحمدالله عايشين

الحنون..عارف انك تبين تعرفين السالفه كلها صح

تهاني..اكيد

الحنون..راح اقولك قصتي من البدايه للنهايه واتوقع بتسوين مثل غيرك وبعد ماتسمعينها بتتركيني

تهاني..ليه لها الدرجه خايف

الحنون..اكيد لو مو خايف ماطلعت من الدردشه يوم شفتك انتبهتي للقصيده وبديتي تفهمينها

تهاني..اوكي قول وانا احكم

الحنون..انا يوم كان عمري 17 سنه توفى ابوي وفقدته صح عندي اخوان اكبر مني بس مع كذا كان همهم الفلوس وماهتمو فيني وامي هي الي كانت تهتم فيني وتسأل وين اروح واجي ولانهم مو فاضين لي كانو يعطوني كل الي ابيه من فلوس والتميت على شله من الشباب وصار همي اطلع الاستراحات معهم والشرب والبنات وطحت في الدخان وما اسمع كلام امي كنت عايش الدنيا لوحدي ولا كأن احد يفكر فيني حتى دراستي طنشتها الى ان صار عمري 20 وفي يوم كنت راجع مع اصحابي من البحرين وحنا في الطريق صار علينا حادث ودخلت المستشفى وبعد ايام صحيت وكان الصدمه لي إن اصحابي الي كانو معي ماتو ومو اي موته ماتو وحنا راجعين بعد ما استانسنا في البحرين وسوينا الي نبي صدق تأثرت بموتهم بس مو مثل ماتأثرت بموت شخص ثاني غالي علي وهي امي بعد ماطلعت من المستشفى ورجعت البيت صدموني اخواني إن امي ماتت وانا مسافر تذكرت كل شي كنت اسويه فيها وصوتي الي ارفعه في وجهها وما البي لها اي طلب يعني كنت عاق فيها تأثرت مره وحبست نفسي في البيت ابتعدو عني اخواني وانشغلو بحياتهم بعدها قررت اكمل دراستي واسوي اي شي كانت امي تتمناه في حياتها وبالفعل قلت لاخواني اني بكمل دراستي بس بسبب كبرسني درستها ليلي وكنت ادرس ثاني ثانوي ونجحت بتفوق بعدها كملت الثانويه العامه وتخرجت بأمتياز ولاني مابي الجامعات هنا قررت اروح بريطانيا ادرس فيها وانا فيها الحين علشان احقق حلم امي وهو اني اصير دكتور وهذاني صابر على الحياه الي انا فيها علشان اثبت للعالم اني اقدر اسوي شي والحين عمري 24 ولي سنتين وانا ادرس هنا لاني ماتخرجت من الثانوي الا في عمر 22 ومارجعت السعوديه الى الان

تهاني..بس قصتك مافيها اي شي يخلي الناس تتخلى عنك

الحنون..البنات هنا تبي بس الي يتزوجها وتعيش معه قصة حب واذا عرفو قصتي يقولون اهلهم ماراح يوافقون على واحد راعي ماضي وسوابق وكانت سمعته شينه ومايبون يصبرون لين اتخرج والشباب صح اني كونت بعض العلاقات بس مافي احد يعتبرني صديق له واحاول اتواصل معه ويصير انا وهو اصدقاء

تهاني..اهاا طيب ممكن اقولك شي بس ماتزعل

الحنون..عادي قولي تعودت على كل شي

تهاني..انت الي جبتها لنفسك ومحد ظربك على يدك وقال سو هالشي

الحنون..انا عارف هالشي علشان كذا افرغ كل الي احس فيه في القصايد

تهاني..طيب كيف تبيني اساعدك او بمعنى اصح انت لو تعرف كم عمري بتضحك على نفسك انك قلت لوحده بها العمر هالكلام

الحون..بس عقلك كبير صح او لا

تهاني..والعمر شي ظروري بعد

الحنون..طيب كم عمرك علشان احكم

تهاني..17 سنه

الحنون..العمر كله بس عقلك كبير ومايدل على هالعمر والي اعجبني فيك مع إن عمرك صغير بس يوم كنتي في الشات كان اسلوبك في الكلام مع الشباب واحترامك كان يدل على انك كبيره مو صغيره وهذا شي حلو

تهاني..مشكور على الاطراء بس ماتلاحظ اني الى الان اقول الحنون وماعرفت اسمك

الحنون..اسمي نواف واعذريني على ازعاجك وتطفلي على حياتك

تهاني..لا عادي وعلشان اثبت لك انك ثقه انا اسمي تهاني وادرس ثاني ثانوي

نواف..تشرفنا يا تهاني بس انتبهي لدراستك و ودي اقولك شي بس اخاف تزعلين

تهاني..لا قول عادي

نواف..الدردشه فيها الزين والشين بس للبنت اكبر خطر لانه يسبب لها مصايب وخاصه اذا كانت صغيره علشان كذا حاولي ماتدخلينها مره ثانيه نصيحه مني لان اكثر من بنت ضيعت نفسها في هالدردشه

تهاني..انا اول مره ادخلها هذاك اليوم مع صديقاتي ومن بعدها ادخل علشان اشوفك ويوم لقيتك مادخلتها مره ثانيه

نواف..اعرف هالشي حتى الماسنجر لا تستضيفين فيه شباب الا الشخص الي معتبرك مثل اخته ومستحيل يلعب عليك

تهاني استحت من كلامه عنها..غريبه لو غيرك راح يستانس انه مظيف بنت في ايميله

نواف..صح إن الشباب يستانس بس مو كلهم وانا ما حذرتك الا خوف عليك واذا تبين نصيحتي قبل ماتتعاملين مع الماسنجر والدردشه ادخلي المنتديات وشوفي القصص الي فيها عن المصايب الي فيها واقري المواضيع الي تفيدك اكثر من هالاشياء

تهاني..ابشر راح اسمع نصيحتك

نواف..مشكوره على تقبل كلامي ومازعلتي مني وانا اوعدك ما ازعجك ثاني مره

تهاني..بالعكس انت اذا شفت نفسك فاضي وماعندك شي و ودك تكلم احد انا في الخدمه وماراح احظرك

نواف.. شكرا ويالله انا بطلع لان عندي اختبار ابي اذاكر

تهاني..الله يوفقك وانتبه لدراستك

طلعت تهاني من الايميل وهي تفكر في كلام نواف ومستغربه نصيحته لها وقالت انها راح تسمعها وماراح تدخل اي دردشه ولا تظيف اي شخص وبتشوف المنتديات الي يقول عنها بس قبل بتسأله اي منتدى تدخل لانها ماتعرف عنها شي

في اليوم الثاني ناديه وساره ونجلا في الجامعه ويسولفون ويضحكون على سوالف ساره

ساره..بنات نفسي في شي

نجلا..ايييه بدت الاماني قولي وش نفسك فيه

ساره..نفسي اتزوج

نجلا و ناديه بأستغراب..نعم

ساره..مو مثل مافهمتو

نجلا..اجل وش معنى الزواج عندك

ساره..ابي اتزوج وانزف واتصور ويمشيني شهر بعدها يقلب وجهه لبيت اهله

نجلا..ايوووه كملت وتصيرين مطلقه

ساره..بسم الله علي لا ابي اكون عند اهلي واذا طفشت اتصل عليه يجي يمشيني بعدها يرجع لاهله

ناديه..اسكتي لاحد يسمعك ثم بتكونين عانس عند اهلك

ساره..صدق تحطمون الواحد مالت عليكم

وفجأه ناديه تسمع احد يناديها والتفتت انصدمت انها نفس البنت الي كلمتها قبل بس الي استغربته كيف عرفت اسمها من فين جابته

ساره..جاك الموت ياتارك الصلاه

نجلا..اللهم طولك يا روح

ناديه..وش اسوي

ساره..قومي نروح مع بعض

راحو البنت للبنت

ناديه..نعم اختي امري

البنت..اسمي اروى

ناديه..تشرفنا اخت اروى تبين شي

اروى..ابيك على انفراد

ناديه..اعذريني صديقاتي ما اتركهم وعلى فكره انا اقولهم كل شي

ساره..انا ونجلا وناديه خوات مانخبي على بعض اي شي

اروى بتأفف..طيب ايش قلتي على الكلام الي صار

ساره..انا اقولك اذا تبين تصيرين صديقه للكل واخت لنا حياك الله ونتشرف اما انك تقولين لناديه هالكلام اعذرينا لا

اروى بغضب..اتوقع سألت ناديه مو انتي

ناديه..وانا ردي هو الي قالته ساره غيره لا

اروى وهي معصبه..اوكي ناديه انا اروى محد يرفض لي طلب والي يرفض يتحمل الي يجيه مهما كان

التفتت اروى وابتعدت عنهم والكل مستغرب من كلامها

ساره..الله وش هالغرور الي فيها

نجلا..ماتستحي ابي افهم وش تبي في ناديه وش النهايه من كل هذا

ناديه..مدري عنها

ساره..انا مدري كيف ربي بلاني في ثنتين اغبياء واضح الي تبيه

نجلا..نورينا يالذكيه وقولي وش تبي

ساره..البنت معجبه وتبي ناديه تصير حبيبتها بالطيب او بالقوه

ناديه بخوف..نعم حبايب يعني ايش

ساره..ماعمرك شفتي مسلسلات بنت و ولد يحبون بعض هذا مثله بس بين بنت وبنت

نجلا..اعوذ بالله

ساره..ناديه انتبهي على نفسك هالشي خطر لا توافقين على كلام البنت وتعرضين نفسك لكلام الناس

ناديه انصدمت من الكلام الي قالته لها ساره وتفكر كيف هالشي وكيف بتتصرف فيه

اما اروى رجعت لصديقاتها وهي معصبه من كلام ناديه وساره وسألتها صديقتها وش فيك

اروى..رفضت تصير صاحبتي شفتي القهر والمصيبه قلت لعبود اني لقيت لي صاحبه وقالي عرفيني عليها علشان يشوف اذا هي تناسبني او لا

البنت..يوووه ليه تقولين له كان ماقلتي شي الين تثقين في ناديه

اروى..البنت اعجبني جمالها مرره و مدحتها له وقالي اني اذا خليته يشوفها يدفع لي 5000

البنت..طيب والحل

اروى ..لا تخافين الطريقه عندي الي بخليها تجي غصب عنها مو بس كذا بتطلع معي انا وعبود وراح تشوفين

سكتت اروى وهي تفكر كيف بتسوي الي في بالها وهي في الداخل مقرره تصير ناديه صديقتها بالغصب


سميه كانت في مكتبها وفجأه دق الباب وانفتح ودخل عليها ولد خالتها محمد

محمد..السلام عليكم

سميه..وعليكم السلام اهلين محمد

محمد..هلا فيك كيفك

سميه..الحمدالله تمام وانت كيفك

محمد...ولله الحمد هااه وش السالفه

سميه..شوف محمد انا مهنتي لازم فيها السريه واني ما اقول اي شي لاي شخص عن المريض الا اذا هو موافق بس هالحاله لازم اقولك لاني ابي مساعدتك

محمد..حنا اخوان و الي تبينه ابشري اذا اقدر عليه

سميه..اوكي السالفه هي إن عندي مريض له اخت وام وهو تعبان مره هالمريض عنده محلات ولازم احد يهتم فيها واخته مو قادره لانهم لعبو عليها والام كبيره في السن والحين المحلات صارت تنسرق ومافي اي شخص يساعدهم ومالي غيرك

محمد..بس كيف وانا ماعندي اي معلومات عن هالمحلات وكيف كانت تشتغل واخاف اصحاب المال مايثقون فيني

سميه..انا اعرف البنت اذا تبي بجيبها هنا تسمع منها كل شي عن الشغل

محمد..لا ماله داعي انا راح اهتم فيها لانه مال بنت وامها مالهم ذنب ويحتاجون مساعده بس قبل ابي اعرف كل شي عن هالمحلات

سميه..خلاص انا راح اشوف البنت واتكلم معها بعدها بتصل عليك تجي هنا وتاخذ كل شي وتقولك كل المعلومات

محمد..اوكي انتظرك اول ماتعرفين كل شي قولي لخالتي تتصل علي

طلع محمد من عند سميه وهي اتجهت على غرفة ام سعود علشان تقابل منى

سميه..السلام عليكم

منى وامها..وعليكم السلام

منى..يمه هذي سميه الي قلت لك عليها

الام..هلا بنتي نورتي بشريني عن سعود

سميه..لاتخافين خالتي هو بخير وانشاءالله بعد يومين راح ابدا الجلسات معه

منى..هااه بشري سميه ايش سويتي في الموضوع الي قلتلك عليه

سميه..انا كلمت ولد خالتي لانه له خبره في السوق و هو وافق انه يساعدك بس خايف انكم ماتثقون فيه وغير كذا مو عارف كيف الشغل

منى..من ناحية الثقه لا تخافين اي شخص من طرفك واثقين منه اما الشغل الاوراق كلها عندي راح اجيبها له بس المشكله التوكيل كيف اعطيه

سميه..المحلات بأسم سعود

منى..لا كل شي بأسم امي

سميه..خلاص الوالده هي الي تكتب له توكيل بس يكون على ادارة المحلات بدون بيع او شراء

منى..خلاص اتكلنا على الله

استانست سميه انها قدرت تحل مشكلة منى مع المحلات وباقي لها سعود كيف تغيره بعدها اتصلت على امها وقالت لها تتصل على محمد وتقول له إن البنت وافقت على انه يستلم الشغل وتقوله يجيها المستشفى علشان يتكلم مع البنت وامها وياخذ االكلام منهم وبالفعل الام كلمته وقالت له يرجع المستشفى ورجع له

محمد..رجعنا مره ثانيه هااه وش صار

سميه..هلا والله ابد كلمت الام وبنتها ورحبو بكل شي بس حبيت تشوفهم وتكلمهم بس قبل ابي اخذك تشوف سعود وتشوف حالته علشان تعرف كيف هم مو لاقين احد يوقف معهم

محمد..يالله خل نشوفه

راحت سميه ومحمد لغرفة سعود وشافه وتأثر من حالته

محمد..الحين هو ماعنده عم او خال

سميه..حسب المعلومات لا حتى عيال خالته اكبر منه ومشغولين عنهم ومايزورونه ولايهتمون فيه مافي غير اخته وامه

محمد..والله كسر خاطري مره مسكين توه شباب

سميه..هذا الي كاتبه ربي له ومالنا اي اعتراض

محمد..طيب وين امه واخته ليه مو عنده

سميه..لان الام تعبانه وارتفع عليها الضغط وهي منومه هنا في المستشفى والبنت بين اخوها وامها مره هنا ومره هناك مسكينه احس بتموت من التعب

محمد..الله يعينها ويعطيها الصحه طيب ابي اشوفهم

طلع محمد وسميه وراحو لغرفة ام سعود ودخلو الغرفه بس كانت الصدمه لسميه ومحمد إن منى كانت توها طالعه من الحمام وانتم بكرامه وماكان عليها غطى على وجهها وسميه اول مره تشوفها بدون النقاب انصدمو من البنت كانت ملكة جمال رغم الهالات السود الى حوالين عيونها طلع محمد بسرعه من الغرفه وهو منصدم من الي شافه وفي خاطره مستغرب هالجمال محبوس طول الوقت في المستشفى بين امها و اخوها سميه كانت في الغرفه وقالت لهم إن ولد خالتها هو الي كان معها وجاي علشان يتكلم معهم منى كانت مستحيه من الموقف و مو متخيله كيف بتكلم الرجال و هو توه شايفها بدو نقاب رحبت ام سعود وقالت خليه يدخل

محمد..السلام عليكم

ام سعود..وعليكم السلام

محمد..اعذريني خاله لاني دخلت بدون استأذان

ام سعود..عادي ياوليدي ماصار الا كل خير

محمد..ايوه ياخاله سميه قالت لي كل شي والحين انا جاي وبقولك انا رجال ولله الحمد الله منعم علي و مو محتاج وقبلت اني استلم الشغل بدال سعود واراقبه ومابي منكم اي شي غير الاوراق وتوكيل بالاداره غيره مابي شي

ام سعود..الله يجزاك خير ونردها لك انشاءالله اذا طلع سعود من مرضه

محمد..الله يقومه بالسلامه وتشوفينه قدامك مافيه الا العافيه ومن بكره بجي اخذ الاوراق من سميه وراح اشرف على كل شي ورقمي بعطيه سميه اي شي تبونه حاضر ومردود الشغل بيوصل لك يوميا

ام سعود..ماتقصر الله يخليك لعين ترجيك ويوفقك دنيا واخره

محمد..هذا الي انا ابيه الدعاء غيره مابي شي والحين انا استاذن وقريب تسمعون اخبار زينه عن الشغل انه رجع مثل قبل واحسن

ام سعود..انشاءاالله ومشكور مره ثانيه

طلع محمد من الغرفه وهو يفكر في البنت الي شافها ليه ماتكلمت لايكون زعلت اني دخلت الغرفه بدون استأذان ويقول صدق اني غبي مافكرت إن فيه ناس في الغرفه على طول ادخل بدون ما اعمل حسابي لها الشي


وفي الجهه الثانيه تهاني كانت في المدرسه وتفكر في نواف لانه شغل بالها وهي سرحانه جتها وحده من صديقاتها وسألتها

البنت..تهاني ايش فيك خير انشاءلله

تهاني..مافي شي بس افكر في موضوع

البنت..وش موضوعه

تهاني..ابي اسألك اذا شفتي شخص مكسور ومحتاج توقفين معه بس كان راعي حركات وماضي بتخافين منه او لا

البنت ...الماضي من اسمه تعرفين انه خلاص شي صار وانتهى ومستحيل يتكرر الا اذا الشخص يبي يكرره بس مهمتنا اننا نوقف معه ونساعده على تخطي هالماضي ومساعدته على الرجوع احسن من قبل بس ليش سؤالك

تهاني..مافي اي سبب بس قريت في منتدى مشكله مثل هذي وكنت افكر فيها

البنت..والله فاضيه قومي خل نروح للفصل افضل

بعدها طلعت تهاني مع صديقتها وهي مقرره توقف مع نواف وتساعده على تحقيق حلمه وياخذ الشهاده الي بترفع راسه قدام العالم

بعد يومين من هالاحداث دخلت تهاني الماسنجر ولقت نواف فيه

تهاني..السلام عليكم

نواف..وعليكم السلام هلا والله

تهاني..بشر كيف الاختبار

نواف..الحمدالله تمام

تهاني..كويس كنت افكر لايكون ماحليت

نواف..لا تخافين انا اذا حطيت شي في بالي انفذه

تهاني..حلوو خلك كذا متحمس ولا تيأس ابدا

نواف..وانتي كيف الدراسه ابي تجتهدين وتدخلين ثالث وانتي متفوقه

تهاني..انشاءالله هذاني اشد حيلي بس كنت ابي اسألك سؤال

نواف..امري

تهاني..انت طلبت مني اطل على المنتديات بس انا ما اعرف وابيك تقولي اي منتدى ادخل

نواف..وش رايك اسجلك معي في نفس المنتدى الي انا فيه وتشوفين مواضيعي وتردين علي

تهاني..اوكي بس كيف انا ما اعرف

نواف..انا اعلمك كل شي

تهاني..اوكي يالله نبدا

بالفعل نواف سجل تهاني معه في المنتدى وصارت هي واياه اعضاء في نفس المنتدى واعطاها المواضيع الي هو كاتبها وقالها كيف ترد عليها تهاني كانت تقرا المواضيع وهي مستغربه من اسلوبه في الاقناع وطريقة كتابته الحلوه والمواضيع المفيده الي اختارها وكانت مستغربه كيف انسان مر بتجارب كثيره هذي كتابته ولقت اشياء كثيره مفيده لها في المنتدى

كان نواف مبسوط من تهاني وانها تسمع كلامه وقدر يقنعها تترك الدردشه وتنتبه لنفسها كان يحس بشي يجذبه لتهاني ويحس بالراحه اذا تكلم معها عكس الغير واخذ عهد على نفسه انه يحافظ عليها وفي احساسه يقول إن هالبنت غريبه وفيها شي او سر في حياتها مخبيته عنه ويبي يعرفه مهما كان

تهاني كانت مقرره ماتتمادى بعلاقتها مع نواف وفي نفس الوقت تساعده على تخطي كل المشاكل الي فيه ويعيش حياته مثل باقي الشباب وتحمد ربها انه طرحها في شخص بدال مايلعب عليها نصحها و وجهها لطريق افضل من الدردشه

في اليوم الثاني في المستشفى سميه اعطت محمد الاوراق الي جابتها منى علشان يبدا الشغل بعدها قررت انه اليوم تكلم سعود وتبدا معه العلاج مهما كان الكلام الي بيقوله لها وبالفعل اتجهت لغرفته


وصلت سميه الغرفه ودخلت على سعود الي كان صاحي بس سرحان اول ماشافها غمض عيونه

سميه..سعود ماله داعي الهروب وياليت تتكلم معي

سعود..قلت لكم مابي اكلم اي شخص مفهوم

سميه..هذا يعتبر خوف

سعود..اي خوف الي تتكلمين عنه انا انسان ماحب اتكلم مع احد ياليت تتركيني لوحدي

سميه..ماله داعي الانفعال

سعود..............

سميه...لو كل شخص فكر نفس تفكيرك كان محد عاش في هالدنيا

سعود..اي تفكير تتكلمين عنه

سميه..انت عارف اي تفكير بس قبل ماتتكلم او تقول شي فكر في امك كيف حالها واختك

سعود بأنفعال..امي واختي مافيهم شي عايشين حياتهم ماصار لهم الا كل خير

سميه حبت تقهره وتحسسه بالذنب..من قال انه ماصار لهم الا كل خير امك مريضه في المستشفى

سعود بخوف..وش فيها لايكون صار فيها شي كله مني انا الي زعلتها

سميه..حاسس بالذنب على امك ولاحسيته على نفسك والاهمال

سعود..اي اهمال

سميه..صحتك هل فكرت فيها

سعود..ليه افكر فيها انا ماعاد باقي لي شي والموت ارحم لي من هالحاله

سميه..اي حاله الحمدالله انت بصحتك تشوف وتسمع وتاكل وتشرب وتتكلم

سعود بغضب ..بس ما امشي يعني عاجز

سميه..من قال انك عاجز تقدر تمشي

سعود..من قاله الاطباء كلام اما في الحقيقه ما اقدر او مستحيل

سميه..الغيب محد يدري عنه لا انت ولا انا

سعود..ولا الاطباء

سميه..صح بس الله ماخلقنا في هالدنيا علشان عند اول مصيبه نخاف ونسكت ومانسوي شي لا بالعكس لازم نكمل حياتنا ونحاول نعيش

سعود..للعاجز مستحيل

سميه..بالعكس انت شوف المسابقات الرياضيه كيف ناس عاجزين عن المشي كليا ويفوزون بالمراكز الاولى في المسابقات وناس فاقدين البصر ومن اهم المخترعين في العالم وغيرهم كثير الله اذا اخذ شي يعوض الانسان عنه وانت الله عوض عليك انك مو عاجز كليا يعني احمد الله واشكره على هالنعمه

سعود..بس ايش الي يأكد كلامك اني اقدر امشي

سميه..شوف انا اطلعت على ملفك كامل وقريت تقرير الدكتور يقول انك بعد العمليات تقدر تستخدم العكاز وتمشي عليه وهالشي ارحم من الكرسي المتحرك

سعود..كلها نفس الشي في النهايه عاجز

سميه..انت تخاف من كلمة عاجز وخايف الناس تعايرك فيها مثل الي عايروك

سعود بخوف..من تقصدين

سميه..انت عارف من اقصد بس احب اقولك إن هالشي خيره لك افرض انك تزوجتها وجبت عيال بعدها صار لك حادث وطلبت الطلاق وش بيصير في عيالك

سعود...................

سميه..سعود عيش حياتك وانسى الماضي ودور البنت الي تقبل فيك لاخلاقك ودينك مو لشكلك ومظهرك

سعود..مافيه وحده بهالمواصفات كل البنات يبتعدون عن العاجز

سميه..صدقني بعد ماترجع لحياتك الاولى وتهتم في امك واختك واعمالك راح تلاقي البنت الي ترضى فيك وبسهوله اما وانت متحطم وعايش بهالطريقه مستحيل تلاقي البنت

سعود..................

سميه..انا بترك الحين وابيك تفكر في كلامي وتقتنع فيه واذا وافقت عطني خبر وصدقني بساعدك ترجع مثل قبل واحسن

اول ماطلعت سميه قررت انها ماترجع لسعود الا بعد اسبوع يكون فكر في كلامها وقرر الي يسويه

بعد مرور اسبوع صار فيه كثير من الاحداث تهاني صارت تدخل كل يوم ساعه الماسنجر تكلم نواف وتشجعه على الدراسه وهو نفس الشي مايتركها الا بنصيحه وتشجيع وفي نفس الوقت يطلب منها تقول له عن حياتها بس هي ماترد عليه , ناديه صارت اداوم في الجامعه وتتحاشى اروى في المحاضرات ومستغربه إن اروى اذا شافتها تبتسم وماتكلمها ,سميه في هالاسبوع حاولت ماتروح غرفة سعود وقررت السبت تروح له

يوم السبت في الجامعه كانت ناديه جالسه هي وساره ونجلا في وحده من الممرات ويسولفون ويضحكون وفجأه جتهم اروى

اروى...هاااي

ساره..وعليكم السلام

ناديه..هلا

اروى..ناديه ممكن اكلمك على انفراد

ساره..قلنا لك من قبل حنا مانخبي على بعض شي

اروى..بس هالشي ظروري

ناديه..اوكي يالله تعالي

طلعت ناديه مع اروى على جنب

اروى..ناديه الى الان مصره على كلامك

ناديه..قلت لك حياك الله بينا اخت عزيزه وغاليه غيره اعذريني اختي

اروى.. طيب اذا وريتك شي بتوافقين غصب

ناديه..ههههههههههههه وشو هالشي الي يغصبني على شي انا مابيه

طلعت اروى جوالها وفتحتها واعطته ناديه وقالت لها شوفي

ناديه شافت الجوال وانصدمت من الي تشوفه وبغى يغمى عليها من الصدمه

اروى...هااااه ايش قلتي تبين هالشي وما اعطيه احد نصير اصحاب

ناديه بعصبيه..من فين جبتي هالصوره ومن اعطاك اياها

اروى..شوفي اللبس والمكان وراح تعرفين وين الصوره وعلى فكره شافها شخص ومدحك كثيرررر و وده يتعرف عليك ونصير انا وانتي وهو اصحاب

ناديه بعصبيه ..من هذا كمان ومو من حقك تورينه صورتي

اروى..لاتخافين هذا اثق فيه وما اعطيته الصوره من جوالي محتفظه فيها بس اذا رفضتي راح اوزعها وانا عند كلمتي

بعدها لفت وجهها عنها وراحت وناديه كانت مصدومه من الي صار وجتها نجلا وساره

نجلا..هاه ناديه وش تبي

ساره..بسم الله وش فيك وش قالت لك

ناديه وهي تبكي..مسويه المصيبه

ساره وهي معصبه..خير روعتيني وليه تبكين

قالت ناديه لساره ونجلا كل شي

نجلا..حسبي الله ونعم الوكيل وش هالوقاحه

ساره..روحي العميده وقدمي شكوا

ناديه..علشان تنشرها صدق وغير كذا اكيد مسويه احتياطاتها علشان ماتنكشف

نجلا..وش نسوي الحين

ساره..طيب ماتعرفين احد يقدر يساعدك عمك او خالك

ناديه وهي تبكي..عمي مقاطعنا لو درا الظاهر بيفصلني من الجامعه وعندي خال واحد ومتوفي

ساره..يالله نطلع من الجامعه وفي السياره نفكر

طلعو البنت وناديه خايفه من صورتها الي مع اروى

ساره..ناديه انتي متأكده من الصوره انها لك

ناديه..ايه متأكده مرره حتى وانا جالسه في القاعه وجالسه اضحك

نجلا..غريبه كيف صورتك واحنا ماشفناها

ساره..نسيتي الجوال بسهوله الوحده تقدر تصور بدون محد يدري عنها

نجلا..والحل الحين

ناديه..بفصل من الجامعه

ساره..نعم ليه تهربين من المشكله وثقي انه مو بس انتي الي صار فيها هالشي اكيد مسويته في غيرك

ناديه..طيب ايش اسوي مو لاقيه حل اما اني اصير حبيبتها لا والله ما اسويها

ساره..انتي اذا رحتي البيت حاولي تروقين وتنسين كل شي وربك فوقها

ناديه..والنعم بالله بس نسيتي الواحد الي تقول يبي يتعرف علي وش اسوي فيها بعد

نجلا..نعم مبتلشين فيها تجيب معها واحد كملت والله

ساره..مثل ماقلت لك انتي ارتاحي وفكري وش تسوين بعقل بس نصيحتي لك ماراح احد يفيدك الا رجال غيره محد يقدر يساعدك

ناديه..من فين اجيب رجال وانا ماعندي احد

بعدها سكتو البنت وكل وحده جالسه تفكر وش يسوون و وصلو بيوتهم واول ماوصلت ناديه دخلت غرفتها ورمت نفسها على السرير وجلست تبكي على حالها وتقول لو ابوي بخير كان الحين محد قدر يسوي فيني شي واثناء ماهي على هالحال جتها الشغاله وقالت لها إن فيه رجال يبيها على التلفون

استغربت ناديه من الاتصال الي جاي ومن الرجال الي طالبها وطلعت من الغرفه وهي تقول الله يستر رفعت السماعه

ناديه..الو

الرجال..السلام عليكم

ناديه..وعليكم السلام

الرجال..كيفك ناديه اعذريني سألت الشغاله عن اهلك وقالت لي مافي البيت الا انتي

ناديه..من معي

الرجال..ماعرفتيني

ناديه وهي معصبه..لا ممكن تقول من انت

الرجال..هدي ليش معصبه انا بدر ولد خالتك

ناديه..اييه اسفه بدر ماعرفتك والله

بدر..لا عادي ماصار الا كل خير بس كنت اسأل عن خالتي فينها

ناديه..مدري والله انا توني جايه من الجامعه بس اتوقع راحت مع ابوي للمستشفى اليوم موعده

بدر..طيب الله لايهينك بعطيك رقمي واعطيها اياه خل تكلمني علشان اوراق ابوك الي طلبتها منى وانا غيرت الرقم وهذا الجديد

ناديه..طيب هاته

كتبت ناديه الرقم وقفلت من عند بدر ورجعت غرفتها وهيي تفكر في عيال خالتها الي مو مقصرين معهم كل طلب يلبونه لهم من يوم مرض ابوها وكانت تفكر في بدر وتقول لو اقوله عن مشكلتي بيساعدني او لا بعدها اتصلت على ساره

ساره..هاااه خير انشاءالله

ناديه..ساره ابي اخذ رايك بشي

ساره..خير

ناديه..تو ولد خالتي دق يبي امي واعطاني رقمه علشان امي تكلمه وعيال خالتي دايم يهتمون فينا ويخافون علينا وجا في بالي اني اقوله يساعدني

ساره...اوكي قولي له

ناديه..خايفه يشك فيني

ساره وهي معصبه..اللهم طولك ياروح اقول اتكلي على ربك ومالك الا هو يمكن تلاقين الحل عنده

ناديه..والله استحي منه

ساره وهي تتأفف..خلاص لاتكلمينه الحين بكره في الجامعه جيبي الرقم معك ونكلمه بس اخاف يكون نايم

ناديه..لا هو يداوم في الجامعه

ساره..حلووو اجل بكره تكلمينه عندنا وحنا بنشجعك ولا تخافين مدامك محتاجه له ومالك الا هو ربي يغفر لك

ناديه..انشاءالله اوكي بكره اجيب الرقم معي ونتقابل

سكرت ناديه من عند ساره وهي مرتاحه من كلامها وتدعي الله إن بدر يقدر يوقف معها ويساعدها

سميه كان اليوم هو اخر مهله لسعود وتروح تشوف وش يقول في كلامها اول مادخلت عليه

سميه..السلام عليكم

سعود..وعليكم السلام

سميه..كيفك اليوم

سعود..مثل كل يوم مافي اي جديد

سميه..فكرت في كلامي الي قلته لك

سعود..فكرت بس ابي اي شي يقنعني

سميه..واذا قلت لك بسبب اهمالك لنفسك ولاهلك المحلات الخاصه فيك كل يوم تخسر وامك بسببك يرتفع ضغطها واختك لو تشوفها ماتقول هذي شباب

سعود..بس مو بكيفي انا الكل تركني بسبب عجزي ومافي احد بيوقف معي حتى لو بهتم بشغلي كيف وانا في المستشفى

سميه..الشغل لا تخاف ولد خالتي اخذ الاوراق من امك وهو الي يهتم فيها انت بس الي ابيه منك تساعدني على تخطي هالنفسيه وتسوي العمليات الي قالها الدكاتره وتهتم في نفسك

سعود..واذا مانجحت العمليه

سميه..اذا نجحت انت الي بتكسب واذا فشلت ماراح تخسر اي شي

سعود..اوكي انا موافق بس ابي اقابل الشخص الي ماسك اشغالي ويهتم فيها

سميه..اوكي ماعندي مانع

سعود..ليه انتي مهتمه في حياتي مع إن الي قبلك مافكرو فيني اذا رفضت اكلمهم تراجعو وماكملو العلاج معي

سميه..لانك تذكرني بشخص غالي على قلبي

سعود..كيف مافهمت عليك

سميه..تذكرني في ابوي

سعود..ابي افهم اكثر

سميه..قصه طويله في يوم راح اقولها لك

بعدها طلعت سميه من عند سعود وهي شايله هموم الدنيا لانه ذكرها بحياتها الي كانت تحاول تنساها واتصلت على منى وقالت لها إن اخوها بيسوي العمليه بكره وبعدها اتصلت على محمد تطلبه انه يقابل سعود ويحاول يصير صديقه علشان مايحس بالوحده والعجز و وافق على كلامها بعدها راحت للدكتور وقالت له إن سعود وافق على عملية بكره ورجعت لمكتبها تنتظر محمد يجي يزور سعود

تهاني كانت على النت وتكلم نواف

نواف..تهاني انا قلت لك كل شي عن حياتي بس انتي لا

تهاني..لاني ما اتوقع إن حياتي تهمك في شي

نواف..من قاله انا قريت الكلام الي انتي كاتبته في موضوعي عن الاب وابي افهم وش قصدك فيه

تهاني حست بالضيق وتبي تقول لاي شخص ومالها الا هو الي تشكي له

نواف..وش فيك سكتي اذا مو مقتنعه خلاص لا تقولين

تهاني..بالعكس يمكن لو اقول برتاح كثير

نواف..اوكي قولي وانشاءالله ترتاحين

تهاني..انا عشت طفولتي كلها مدلعه وابوي مدلعني و مو مقصر علي بشي كل الي ابيه يلبيه لي حتى لو في اخر الدنيا ويوم صار عمري 14 سنه فجأه تعرض ابوي لجلطه اصابته بالشلل الكامل وصار عاجز عن المشي والكلام حسيت إن احلامي كلها ماتت قلت يمكن ربي يعوضني بعمي ويصير مثل ابوي بس صار العكس لقيت عمي قاسي ويحاول يلعب بخواتي وامي واذا قلت اي كلام قالي انتي صغيره وياويلك لو تتكلمين الى السنه هذي وابتعد عنا بسبب طلاق اختي من ولده بس ابتعد وهو مدمر نفسيتي ومخليني متحطمه وصرت اخاف من كل الرجال انهم مثله وكل يوم اشوف ابوي واتذكر الايام الي كان بصحته معنا وكان يضحك معي ويسولف واعطيه كل اخباري واذا زعلت اقوله بس الحين خلاص ماعندي احد خواتي لاهين بحياتهم وامي مشغوله في ابوي وفي اعمالنا وما اقدر ازيد همومها اكثر هذي هي قصتي

نواف..اهااا علشان كذا كتبتي في موضوعي ياليت اعود طفله واطيح في حضن ابوي وانا استغربت كيف تقولين ابوي عايش وفي نفس الوقت تقولين هالحكي

تهاني..لاني بالفعل اتمنى هالشي

نواف..طيب واذا قلت لك إن ابوك يتمنى انك تركزين في دراستك وتبعدين هالهموم عنك

تهاني..الهموم صعب ابعدها وانا اشوف ابوي كل يوم قدامي

نواف..بالعكس شوفته خليها تزيدك اصرار على انك تكملين حياتك وتعيشين

تهاني..انشاءالله اقدر

نواف..يالله الحين اطلعي ذاكري واجتهدي وبكره نفس هالوقت ادخلي الماسنجر علشان اتكلم معك

تهاني..اوكي

طلعت تهاني وهي تحس بالراحه انها طلعت كل الي في داخلها وشكت همومها لنواف وهو ماقصر معها نصحها تهتم في دراستها

في المستشفى محمد وصل لمكتب سميه وطلعو لسعود

سميه..السلام عليكم

سعود..وعليكم السلام

سميه..سعود هذا هو محمد ولد خالتي الي ماسك محلاتك

سعود..اهلين اخوي محمد

محمد..هلا فيك وانشاءالله قريب تطلع وتمسكها بنفسك

سعود..الله يعين بس ابي منك طلب

محمد..امر اخوي

سعود..ابيك تهتم في امي واختي وكل الي يطلبونه تنفذه لهم لان مالهم الا الله

محمد..ونعم بالله بس انت فيه وانشاءالله بترجع لهم قريب

سعود..والله مدري احساسي يقول العكس

سميه..توكل على ربك ولاتخاف اهم شي لازم تدخل العمليه بدون خوف او قلق لان هالشي يأثر عليك

بعدها كمل سعود ومحمد وسميه سوالف الى المغرب بعدها طلعو من عنده لان دوام سميه انتهاء ولازم ترجع البيت

في الليل كل وحده من البنات جالسه تفكر سميه تفكر في سعود وعمليته وكلمته انه حاس انه ماراح يرجع لامه واخته وهي خايفه من عمليته الي بكره , ناديه تفكر كيف بتكلم بدر و وش بتقول له وهو كيف بيفكر فيها تخاف يشك فيها او انها متفقه مع اروى وهذا الي مخوفها من مكالمة بكره , تهاني تفكر في نواف وكلامها معه هل ها الشي صح او غلط وهل هي تمادت في العلاقه معاه و وش بيفكر عنها انها من البنات الي يلعبون وماهمها اهلها او لا ..




يتبع..




في اليوم الثاني في الجامعه

ساره..هاااه ناديه يالله اتصلي الحين

ناديه..ساره والله خايفه مقدر

نجلا..ناديه مالك الا هالحل والا انك بتسوين الي تطلبه منك اروى

ساره..يابنت الحلال تكلمين ولد خالتك ويساعدك افضل من انك تطلعين مع اروى والشاب الي تعرفه وتصير سمعتك على كل لسان

ناديه..لا خلاص بتصل الحين والله يستر

طلعت ناديه جوالها واتصلت بس محد يرد عليها واتصلت مره ثانيه ونفس الشي محد يرد

ناديه..محد يرد علي شكله مايرد على اي رقم غريب

ساره..لا بالله احلفي مايرد على رقم غريب ليه بنت هو انا اعرف الي مايرد على اي رقم غريب البنات مو الرجال

نجلا..شوفي الساعه كم معك 8 ونص وهو في الجامعه اكيد عنده محاضره اتصلي الساعه 9 واذا مارد اتصلي 10 هذا اخر حد للمحاضره الاولى

ناديه..خلاص 9 ونص نتصل هذا افضل وقت وانشاءالله يرد علي

بعدها جلسو يتفقون على الكلام الي بتقوله ناديه لبدر والي بتسويه وهم مقررين انهم مايحضرون المحاضرات علشان مايشوفون اروى ولا يحتكون فيها الين يكلمون بدر

سميه دخلت مع سعود لغرفة العمليات وجلست معه لين تخدر وطلعت وجلست مع امه ومنى وهم على هالحاله وبعد ربع ساعه لاحظت فيه حركه غريبه عند الممرضات وعند باب الغرفه وراحت لهم وسألتهم وقالو لها إن المريض الي دخلوه العمليات مريض مره ودخلت الغرفه بسرعه وهي خايفه وسألت الدكتور وقالها إن المريض خدروه وهو خايف وهذا سبب انخفاظ حاد في الضغط ودخل في غيبوبه ومو راضي يصحى ولازم ينقل للعنايه بسرعه لان حالته خطيره
سميه اول ماسمعت كلام الدكتور خافت وفكرت في امه واخته كيف بتقولهم بعدها قررت تطلعت تقولهم واول ماوصل الخبر لام سعود ارتفع الضغط عندها ودخلوها الطوارى بسرعه اما منى كانت مو قادره تستوعب اخوها الي في العنايه او امها الي في الطوارى وتعبانه

في الجامعه الساعه 9 وثلث والبنات جالسين يسولفون دق جوال ناديه واول ماشافت الرقم التفتت لساره ونجلا وقالت لهم رقم بدر وقالو لها ترد عليه بسرعه

ناديه وهي خايفه..الو

بدر..السلام عليكم

ناديه..وعليكم السلام

بدر..اسف اختي بس فيه احد داق علي

ناديه..ايه انا اتصلت عليك

بدر..نعم خير اختي اي خدمه

ناديه..اعذرني بدر بس مالقيت الا انت تساعدني

بدر..نعم من انتي وكيف تعرفين رقمي

ناديه..انا ناديه بنت خالتك

بدر وهو مستغرب..ناديه

ناديه.ايه ناديه انا عارفه انك مستغرب بس وش اسوي والله مو لاقيه الا انت الي يوقف معي

بدر..ابشري اساعدك بس انا مو فاهم اي شي منك

ناديه..انا بقولك كل شي وانت اذا تقدر تساعدني مشكور وماقصرت واذا ماتقدر ماراح الومك واعذرني على ازعاجك

بدر..لا انشاءالله اقدر قولي وانا اقرر

ناديه..اول مادخلت الجامعه كانت فيه بنت دايم تناظر فيني بس انا ما اعرتها اهتمامي وقلت تناظر بكيفها الى إن جا يوم وطلبت مني اكون صديقتها واترك صديقاتي وانا رفضت وقلت لها مابي وهي هددتني وبعد فتره جتني و ورتني صوره في جوالها وكانت صورتي وقالت لي اذا رافضه تصاحبيني بنشر الصوره

بدر..ماعليش وحده وحده علي انتي ليه ماصاحبتيها

ناديه..لان الصحبه عندها يعني اصير حبيبتها واصير انا وهي مثل البنت و الولد و مو بس كذا لا تقول انها ورت صورتي لواحد وطالب منها تعرفه علي

بدر وهو معصب..نعم تعرفك على واحد وتصيرين حبيبتها

ناديه..ايه

بدر..شوفي انا عندي محاضره الحين بس انتي مابيك تقابلين هالبنت وتطلعين من الجامعه وفي المغرب انا اكلمك واقولك وش تسوين بس هذا جوالك

ناديه..ايه هذا جوالي

بدر..خلاص المغرب انا اكلمك واقولك كل شي

قفلت ناديه من بدر وهي تحس بالراحه وقالت لساره ونجلا كل شي

ساره..هاااه صار فيكي شي يوم كلمتيه

ناديه..لا والله احس بالراحه

نجلا..خلاص الحين خل نشتري لنا اي شي ونروح عند البوابه لين تفتح ونطلع علشان مانشوف اروى ولا تشوفنا

قامو البنات وراح يشترون وبعدها على البوابه

سميه بعد ماتطمنت على ام سعود وبنتها راحت لسعود في العنايه تشوفه اول ماشافته تضايقت لانها تحس بالذنب وانها هي السبب لو انها ما اقنعته بالعمليه كان الحين مافيه شي وصاحي يكلم امه واخته وقررت انها تقدم استقالتها من الشغل بس بعد تفكير اجلت هالشي الين ترجع لسعود صحته ويتعافى ثم تستقيل من الشغل

تهاني اول مارجعت للبيت ادخلت الماسنجر علشان تكلم نواف بس مالقته واستغربت من هالشي لانه قالها بيقايلها اليوم عليه بعدها قالت اكيد مشغول ودخلت المنتدى بس صدمتها انها لقت موضوع لنواف وفيها يعتذر وانه يودع المنتدى والاعضاء وبيترك كل شي استغربت تهاني هالشي ولانها عارفه قانون المنتدى إن مواضيع ترك المنتدى والوداع ممنوعه راح تنحذف قررت تكتب موضوع له واكيد هو بيقراه وبالفعل كتبت الموضوع ونزلته وقفلت المنتدى والنت وراحت تنام وهي في بالها انه اكيد بيدخل ويرد على الموضوع وبيدخل الماسنجر




يتبع...

في المغرب رجعت سميه للبيت وهي شايله هموم الدنيا وتفكر في سعود وحالته

تهاني اول ماصحت على طول فتحت النت تبي تشوف نواف ورده عليها ودخلت الماسنجر بس مالقته قالت خل اشوف الموضوع في المنتدى واول مادخلت لقت الموضوع الردود فيه صفحتين استانست قالت اكيد رد علي وشافت الردود بس مالقت رد نواف على موضوعها وهي مقهوره منه وتتوعده على هالشي وتتحلف فيه اذا دخل الماسنجر وارسلت له رسالة ايميل تطلبه يدخل النت اخر الليل لانها تبيه وطلعت تذاكر دروسها

ناديه صحت من نومها المغرب ولقت رساله من بدر يقول فيها انه بيكلمها بعد نص ساعه وقامت تصلي اول ماقضت من الصلاه الا جوالها يدق وكان بدر

ناديه..الو

بدر..السلام عليكم

ناديه..وعليكم السلام

بدر..هااه بشري لايكون شفتي البنت اليوم

ناديه..لا سمعت نصيحتك وطلعت بدون ما اشوفها

بدر..حلوو شوفي انا فكرت في مشكلتك واستشرت صديقي فيها

ناديه..طيب ايش صار

بدر..اول شي ابي اعرف هي تعرف رقم جوالك او اي احد في الجامعه يعرفه

ناديه..لا محد يعرفه الا صديقاتي ساره ونجلا ليه

بدر..اجل شوفي انا بجيكم زياره للبيت وبحط لك في المجلس شريحة جوال جديده تستخدمينها في الجامعه

ناديه..ليه وجوالي

بدر..لا ابيك تستخدمين الشريحه الي اعطيك اياها وبكره داومي في الجامعه وقابلي البنت وقولي لها انك وافقتي على طلبها بشرط الصوره ماتطلع من جوالها واخذي رقمها منها واعطيها الرقم الي بجيبه لك شوي ولاتعطينها غيره حتى رقم البيت لا تعطينها واذا قالت تبي رقم بيتكم قولي ساكنين في بيت جديد والى الان ماركبنا تلفون نبي نستقر اول واذا قالت تبي عنوان بيتكم قولي الى الان اذا استقرينا فيه اعطيتك اياه خلاص

ناديه..اوكي بس ابي افهم ليه هالفه كلها

بدر..مو الحين اقولك بعدين تعرفين ليه بس اول ماتاخذين رقمها ترسلينه لي وغير كذا رقم جوالي لا تسجلينه في الرقم الي بعطيك اياه واكتبيه في ورقه واذا بغيتي تكلميني اخذيه من الورقه ودقي علي دقه بعدها انا اتصل عليك واذا كنتي في البيت عادي تكلميني من هالرقم هذا بس الجديد لا انتبهي

ناديه..خلاص اتفقنا بكره انا اخذ رقمها وارسله لك

بدر..اوكي بكره انتظرك وكل شي يصير لك تقولينه لي ولاتسوين شي من وراي ولاتكلمين احد تقولك عنه الا وانا اعرف ولا تطلعين معها اي مكان الا اذا قلت لك وغير كذا شوي اذا طلعت من بيتكم روحي المجلس وخذي الشريحه منه ورقمها بدون محد يدري عنك

ناديه..خلاص شوي اذا طلعت دق على جوالي دقه علشان اعرف انك طلعت من بيتنا واخذها و بكره اسوي كل شي

بعدها ناديه قفلت من عنده واتصلت على ساره وقالت لها كل شي

ساره..غريبه ليه مطلع شريحه جديده ومايبيك تقولين لها كل شي

ناديه..مدري انا بنفسي مستغربه وش يبي يسوي

ساره..احس إن فيه شي

ناديه..انا بعد احس بس مدري كيف بكره بقول اروى ابي اصير صديقتك

ساره..لا بتقولين لها غصب عنك وحنا بنشوف وجهك وبنجلس نضحك عليك

ناديه..هذا همك الضحك الله يعيني ويصبرني لين تنتهي هالمشكله

بعد ماقفلت لقت مكالمه من بدر على جوالها وعرفت انه طلع من بيتهم وراحت المجلس ولقت الشريحه حاطها تحت الكنب واخذتها وطلعت غرفتها وشغلتها واتصلت على ساره دقه وعلى نجلا دقه علشان يحفظون الرقم

في الفجر تهاني نفس الشي دخلت الايميل ومالقت نواف ولا لقت اي رساله له وشالت همه لايكون صار فيه شي ودخلت على الدردشه تحسبه بيكون فيها بس مالقته وطلعت على طول وطلعت من النت وهي مقهوره منه وتفكر وين راح

في اليوم الثاني في الجامعه دخلت ناديه القاعه ولقت اروى

ناديه..السلام عليكم

اروى بأبتسامه.. وعليكم السلام

ناديه..اروى حبيت اقولك اني وافقت على طلبك

اروى وهي مستانسه..جد حلو والله وصدقيني ماراح تندمين

ناديه ..اوكي انا برجع مكاني قبل تبدا المحاضره

اروى..لا تعالي اجلسي جنبي وبعدين ابي رقم جوالك

ناديه وهي مستانسه انها وصلت للي تبيه..اوكي خذي رقمي واعطيني رقمك

بعد ما اخذت ناديه الرقم ارسلته لبدر وهي مستانسه انها حققت اول خطوه تبيها

بعد مرور اسبوعين تطورت فيها العلاقه بين ناديه واروى وكل مكالمه توصلها ناديه لبدر وهو يقول لها كل شي تسويه وكيف تتعامل معها , تهاني طوال هالاسبوعين ترسل ايميل لنواف وهو مايرسل لها وخايفه عليه وكانت تحسبه محظرها في الايميل وسوت ايميل جديد واضافته بس ماقبل وعرفت انه مقفل الايميل , سميه كانت اداوم في المستشفى واغلب وقتها هي ومحمد ولد خالتها عند العنايه عند سعود وهو في غيبوبه ماصحى منها وكانت شايله همه مع إن الاطباء الى الان مو عارفين متى بيصحى من هالغيبوبه

وفي يوم وناديه تكلم اروى قالت لها اروى انها تعرفت على واحد وصارت علاقتها فيه قويه مرره وبتقابله قريب اذا حددو هالشي بس الي تبيه من ناديه انها تقابل عبدالله الي هو عبود الي بيدفع لها 5000 ريال اذا عرفته عليها وقالت لناديه تقابله وتتعرف عليه بدالها لانها خلاص عندها غيره بس ناديه قالت لها بعدين ترد عليها لانها في بالها تبي تستشير بدر اول وعلى طول اول ماسكرت من عند اروى دقت على بدر

بدر..هلا والله

ناديه..السلام عليكم

بدر..وعليكم السلام

ناديه..بدر اروى طلبت مني طلب صعب

بدر..وش طلبت منك

ناديه.قالت لي انها تعرفت على واحد وهي من قبل عندها صديق وتبيني انا اتعرف عليه واقابله

بدر..وانتي وش رديتي عليها

ناديه..قلت لها بفكر وبرد عليها بعدين

بدر..حلووو اذا سألتك قولي لها مو الحين بقابله لان اهلي مايرضون اطلع اوقات دوام الجامعه ومايسمحون لي اطلع لوحدي الا في الاجازات

ناديه..ليه طيب هالمشوار كله بقولها مابي وانتهينا

بدر وهو معصب..غبيه انتي تبينها تعطيه صورتك علشان تقابلينه بالغصب وتسوي مثل ماسوت قبل

ناديه وهي خايفه..بسم الله خلاص طيب بقولها مثل ماقلت

بعدها قفلت من عند بدر وهي تفكر ليش قالها كذا وليش يبيها تقابل عبدالله في العطله وقالت ماراح اقولها قراري الا بعد ما تسألني

تهاني على حالها كل يوم تدخل وماتلاقي نواف وتطلع وما يأست منه اما سميه كانت في البيت وجاها اتصال من المستشفى قالو لها إن باكر لازم تمر الدكتور الخاص بسعود لانه طالبها ظروري وقالت لهم طيب




يتبع...


--------------------------------------------------------------------------------

في اليوم الثاني راحت سميه للدكتور في غرفته

سميه..صباح الخير دكتور

الدكتور..صباح النور

سميه..امر دكتور قالو لي انك طالبني

الدكتور..ايوه سميه ابي اقولك إن المريض الي انتي مشرفه عليه حالته تتحسن بس ماصحى الى الان من الغيبوبه

سميه..ايه اعرف دكتور هالشي

الدكتور..علشان كذا بعد ماتحسنت صحته انا قررت اسوي له العمليات بس لازم موافقة اهله ومافي الا انتي الي توصلين لهم الحكي هذا

سميه..بس مافي عليه خطر

الدكتور..لا مافيه انشاءالله اي خطر

سميه..بس الغيبوبه متى يصحى منها

الدكتور..هذا شي طبيعي مع الايام واستقرار صحته ببيصحى من الغيبوبه

سميه استانست من كلام الدكتور لان طول الفتره الي سعود في الغيبوبه ماكانت تترك العنايه وتهتم فيه لانها تحس انها سبب غيبوبته لانها اقنعته بالعمليه وعلى طول طلعت وراحت لمنى وامها الي كانو في المستشفى يزورن سعود وطلبت منهم يطلعون معها المكتب

سميه..اعذريني خاله بس الموضوع الي بقوله لك ظروري وطلب مني اقولك هالحكي

ام سعود..وش فيه لايكون سعود فيه شي

سميه..مافيه الا العافيه انشاءالله بس الدكتور يبي يسوي له عمليه

ام سعود..اي عمليه وهو في غيبوبه

سميه..لا هو حالته مستقره بس الدكتور قال يبي يسوي له العمليه مدام حالته تمام والي كاتبه ربي له بيصير

ام سعود..يعني ماعليه خطر

سميه..لا انا سألت الدكتور وقالي مافيها اي شي وهذا العمليه خاصه برجوله

ام سعود..خلاص الي ربي كاتبه له بيصير واذا كاتب له عمر بيعيش وانا واثقه في كلامك يكفي وقفتك معه

سميه..هذي وظيفتي ولازم اوقف مع المريض مهما كان وانشاءالله خير

بعد ماطلعت ام سعود وبنتها من عند سميه كلمت الدكتور وقالت له إن اهل سعود موافقين وقالها إن بكره بيبدا في العمليه وهالمره كانت سميه مرتاحه مو مثل المره الاولى الي كانت فيها خايفه من العمليه

في الجامعه كانت ناديه جالسه وسألتها اروى

اروى..هاه ناديه ايش قلتي في عبدالله

ناديه..انا فكرت في كلامك بس عندي مشكله

اروى..وش عندك

ناديه..انا اهلي وقت الدراسه مستحيل يتركوني اطلع برا البيت لوحدي بس في العطله يوافقون علشان كذا افكر اشوفه في العطله

اروى..طيب فيه خميس وجمعه عادي تقدرين تطلعين فيها لان مافي دراسه

ناديه..لا هالوقت ماقدر السواق مع اختي الموظفه ومع صديقاتي مستحيل اطلع وبعدين مابقى الا شهر ونقضي من الدراسه

اروى..خلاص اعطيه جوالك ويكلمك في هالشهر

ناديه..لا لين اقابله وبعدين جوالي امي تستخدمه هالايام لان جوالها مفصول خل يصبر

اروى ..اوكي اقوله وبخليه يصبر عليك بعد

وفي هالاثناء دق جوال اروى وردت عليه وبعد ماقفلت قالت لناديه انه الشخص الي تعرفت عليه وهي مواعدته الاسبوع الجاي تشوفه

ناديه..كيف تشوفينه قدام الناس ماتخافين احد يشوفك

اروى..لا لاتخافين انا راح اشوفه في شقه

ناديه..شقه لوحدكم ماتخافين منه يسوي فيك شي