ليتني ماشفتها ولاصادفتني = جددت في الجروح الماضياتي
بعد عشر اعوام انا احسبها نستني= وعذاب اهل القلوب العاشقاتي
في ممرات العيادة قابلتني= واذبحتني بالعيون الناعساتي
تقصر الخطوه شوي وناظرتني= ويشهد الله مانويت الالتفاتي
الصراحه سلهمت في واحرجتني= قمت غادرت العياده في سكاتي
يوم كنت احبها كم عذبتني = ولاحسبت حساب كل العاقباتي
كنت هائم في غلاها ومعجبتني= ودارت الدنيا بنا وصرنا شتاتي
واما ذلحينه مابيها لو بغتني= عندها رجال وعيال وبناتي
بعد شوفتها سهوم الحب جتني= والعيون من الصوادف ساهراتي
اتقلب والهواجيس اسهرتني= وعاد للماضي شريط الذكرياتي
ادخلت فكري وبالحيل اتعبتني= ولخبطت كل البرامج في حياتي
والهموم مع السنين مصادقتني= ولاخضعت الا لرب الكائناتي
والهواء عفناه وظروفي حدتني= وتبت من حب العذاراء الفاتناتي
والشعر وابيات فكري طاوعتني= انا وياها على اعلا النايفاتي
والحياة دروسها كم علمتني = واطلب الله فالهدايه والثباتي

كلمات قمه في الروعه والجمال
الف الف شكر لك