*__ حــلى × حــلى والطعـم يدوووووخ __*

¨••. ديـــــم .••¨ · 01-20-2007, 06:00 AM

السلام عليكم ورحمة الله وبركاته

مرحبا صبايا شفت اصناف الحلى اللي في القسم قليله فقلت ليه مانزل لكم اصناف متنوعه من الحلى خصوصاً واني احب اسوي الحلى واحب اكتشف اصناف جديده عشان كذا انا ماحبخل عليكم وراح احط لكم الحاجات اللي انا جربتها

ونبدأ بأول حلى ..

حلى عنقود العنب (حلى قهوه)

المقادير ...

4 اكياس من شوكلاته مالتيزرز وهذي صورته

واحد ونص بسكوت الشاهي ..(كبير).. مطحووون

نصف علبه قشطه

نصف علبه حليب نستله (إذا احتاج زيدي حليب نستله)

كاكاو بودره (إلين يصير لون العجين بني غامق )

شوكلاته هيرشي

الطريقه:

تعجنين المقادير كلها مع بعض ماعدا شوكلاته مالتيزرز وهيرشي

تمسكين شوكلاته (maltesers) وتغلفينها بالعجين السابق ذكره وتصير زي الكور

وتصفينها بالصينيه على شكل مثلث وتشكلين بالشوكلاته السائله (هيرشي)

كل طبقه لحالها ألين الأخير ...

وتكملينها بورق العنب ..

وهذا شكل ثاني.

مكعبات الشوكلاته ( أولكـر )

المقادير :

1 بسكويت الشاي اولكر (200 غرام) ( او اي بسكويت شاي )
1 كوب حليب سائل
2 كوب حليب بودر
2/1 كوب سكر
1 قالب زبده
1 قشطه
قطعه شوكلاته اولكر( على حسب حجم الصينيه )
2/1 علبة حليب مركز
12 قطعة جبن كريمه ( الكيري )
قليل من القهوه الفوريه

الطريقة

1- نغمس البسكويت بالحليب السائل ونصفهم في الصينية المستطيلة ويفضل صف عدد 2 طبقة من البسكويت .
2- نحمص الحليب الباودر لما يصير لونه ذهبي .
3- نخلط السكر مع الزبده والقشطه بالخلاط الكهربائي ونضيفله الحليب المحمص وبعدين نسكبه على البسكويت
4- نصف قطع الشكولاته على الخليط السابق .
5- نخلط بالخلاط الكهربائي الحليب المركز مع قطع الجبن لما يصير خليطا متجانسا ثم نسكب القليل منه على كل قطعه شكولاته ونرش عليها شوي قهوه .
بعدين نحطه في الثلاجة لما يجمد حتى تجمد تماما ثم تقطع وتقدم مع القهوه

حلـــى الرطــــب

حلى مميز أن شاء الله يعجبكم.

- اطحني باكيت بسكوت واخلطي معه زبده وحليب محلى ( حليب نستله) حتى تتكون عجينه متماسكه

- اقسمي العجينه الى قسمين القسم الاول اخلطى معه بودرة صفار الزعفران

- القسم الثاني اضيفي له بودرة كاكاو + شوي سكر مطحون ( لان الكاكاو البودره تكون مرّه )

- الحين صار عندك عجينه صفرا وعجينه بنيه

- خذي شوي من العجينه الصفرا وشوى من بنيه ولزقيهم مع بعض وشكليها على شكل الرطب

- اضيفي القرنفل في بداية الرطب حتى يكتمل شكلها النهائي .. قدميها مع القهوه وبالهناء والعافيه

ملاحظه : انا جبت شوكلاته جالكسي سايحه وغمست طرف البسكوت فيه بدل الكاكاو البودره

كنافة التوست بالقشدة

^
^
هذي صورتها وطعمها امممممممم جنآنـ

المقادير :-
1 كيس توست عادي .
1 قالب زبدة سائحة .
1 ملعقة أكل ماء زهر .
1 كوب شيرة .
قليل من الفستق المطحون .

مقادير صلصة القشدة :

1كوب حليب سائل .
3 ملاعق أكل نشا .
2 ملعقه سكر .
علبة قشطه ( قيمر ) .
1 ملعقة أكل ماء زهر .

الطريقة :

-1-تزال أطراف التوست ثم يوضع بالخلاط إلى أن يصبح مبشور ويضاف إليه الزبدو وماء الزهر ويخلط جيدا باليد , ثم يوضع نصف الكمية في الصينيه .
2- يخلط الحليب مع النشا والسكر ثم يوضع على النار حتى يغلي ثم يترك حتى يبرد , ويضاف إليه القشطه وماء الزهر ويخلط جيدا .
3- تسكب القشدة على التوست ثم تغطى بباقي التوست المبشور ويخبز في فرن ساخن حتى يتحمر السطح .
4- تقلب الكنافة في طبق التقديم ثم يسكب عليها الشيرة وتزين بالفستق .
ملاحظة :- يمكن اضافة جبن كيري مع القشدة .

وبالعافيه على قلوبكم

جربوها أن شاء الله يعجبكم .

ولاتنسون تسوون القهوة معاها

مع أطيب التحـايـا