تذكرتك بعد غيبة سنين بزحمة الأحزان
ومرت في خيالي صورتك وأبكتني الصورة
مثل ماكان حبك باقي بقلبي مثل ماكان
إذا حسيت في ظلما حياتي شع في نوره
ولا نورٍ سوى نورك ينور لي سما الوجدان
ولا فرحة سوى فرحة وجودك عشت بسروره
غيابك عذب الحال الحزين وينطوي حرمان
وأحس إني مدينه موحشة بالبعد مهجوره
أسافر عن عذابي من عذابي وأحتريك أزمان
حنيني والوله خلا حياتي فيك مجبوره
دريت بخافقي يبكي عليك ولا دله النسيان
دريت شصاب حالي من فراقك حيل مخطوره
لزولك لاء لعيونك لكل مافيك أنا ولهان
أشوفك واقف قبالي سراب وضعت ببحوره
خبرتك حب حقيقي ما يفارق خافق الحيران
لقيتك أبعد الأقرب حكايا الحب بسطوره
جمعت أحلى أساطير الغلا بالشعر والألحان
ونثرت أشواق قلبي ما جمعت أشواق منثوره
أسافر بالخيال وأعبر بحبك كثير أوطان
وأعوّد والأماني كلها لاعدت منحوره
أنا مالي سوى ذكرى غلاك بزحمة النسيان
وأطالع صورتك عبر الخيال وأبكي الصوره