أنا داري و أداري وإنت داري ** على جروحي وظرفي و اعتذاري
أنا داري و أداري وإنت داري ** على جروحي وظرفي و اعتذاري
ولكن التغلي فيك عادة ** وأنا مليت من طول انتظاري
تسمع قول عدواني وتزعل ** حذاري يا بعد عمري حذاري
ترى العدوان نيتهم خبيثة ** يجيبون الغداري بالقماري
تأكد قبل ماتزعل عليّ ** تثبت مثل مسلم والبخاري
ألا ياطير صيدك لي تردى ** علامك وأنت صياد الحباري
أنا والله خطير ومتولع ** وجاري اللي من الأحباب جاري
وعيني ماتنوم الليل كله ** سهير الطرف وتهل العباري
أنا اللي ما بقاء ألا ثواني ** من مجافاك وأستدعي الطواري
يشوفون العلاج اللي يناسب ** قبل يكشف علي الاستشاري
أنا عارف من أشكيله همومي ** إلى من صارت الدعوى إجباري
أشاكي من يعرفون المودة ** مثل عـزام وإلا بومـشاري
رجال لا انتخيت بهم شفوني **رجالٍ نفتخر فيهم و أماري
أبشكي عندهم ظبي ظلمني ** رماني بالمشوت والتواري
وخلاني طريح ٍ في حباله ** أصوت مير مالي من مجاري
عليه الله و أكبر كل ما جاء ** مع العذال له ذكر ٍ وطاري
لعب بي لعبة الكورة وسجل ** هدف محسوب في بابي كباري
لعب بي لعب تاريخ البطولة ** وغدا فوز البرازيل انتحاري
يتل القلب مني تل طايش ** إلى من تلله جيب ٍ سفاري
مدلل واعذابي من دلاله ** على فرقات الناس ضاري
غزالٍ شايف ٍ نفسه علينا ** تقول مرشح لمنصب وزاري
وله حق يتدلل ويتكبر ** مادام أهل الجمال أصبح يداري
ولي حق اشتكي مادام قلبي ** يحب الزين رغبة واختياري
وختم الشعر صلى الله وسلم ** على محمد عدد رمل المذاري
07-07-2007, 08:55 AM
أنا داري و أداري وإنت داري
النمط الخطي
