طاب القصيد وفايض الشوق في زود
والعيـن مايبعـد نظرهـا ولعـهـا
كان الهدب مرخي مراميشه السـود
هذاك من حزن القلـوب وصرعهـا
حدثني البارق عن الرعـي والـذود
والارض من عقب المزون ارتبعهـا
وان الربيـع بطلتـه ناسـه اتقـود
حلالهـا ترعـى ولاحـدن منعهـا
وانتي ربيعي ياشـذى فـل وورود
محبتي لـش ربـي اللـي شرعهـا
يا مدهل الحب البري واذفر العـود
معشوقـش الكلمـه بجوفـه بلعهـا
مقرها في صحصح القلـب موعـود
لاجت تبي تنـزل شهيقـي رفعهـا
لش فالضماير صوت للسمع مـردود
ولش نظرتن بالعين مااخطت نصعها
اسبوع وعيوني لها حس ورعـود
والصوت دون الشوف لا ما نفعهـا
اشتاق من شوقي ليا هبـت النـود
وروحي على فرقاش غايب ورعهـا
كل الامـل لازال هاليـوم موجـود
ولو ما الامل ماعاشوا البدو معهـا
وصلك قراح وعدك اليـوم مـورود
والنوه اللـي ساقـت الغيـم دعهـا
تهل مزنـن مـاه للعاشـق ايجـود
من غيث ربـي مزهـرن نتجعهـا
يا حسي الصادق لك ارفاق وشهـود
علـى وليفـن قمتـه قـد طلعهـا
يعود ماضينـا وحقـن لـه نعـود
والا ليالينـا علـى الحـب بعـهـا
يبقى القصيد وما علـى حبكـم زود
والا عيونـي دامعـه مـن ولعهـا
ايام ماهي لـوم ومعاتـب اصـدود
لكنهـا لحظـات وارجـوك طعهـا
07-11-2007, 04:40 PM
حدثني البارق منقول
النمط الخطي
