يا هـيه ما بعـد الفـراق إلا فراق بلا... لقا
لا تنشد دروب الشقا من سبب الجرح العميق
تنشد العذال عـن حــبٍ على وضح النقا
ساعة مماته ما لقي لـه غـير عذاله صديق
تنشد الحـساد وش باقي وش اللي ما بقى
ما باقي إلا أموت من حزني على هاك الطريق
هاك الطريق اللي يوديني على جرح الشقا
جرح معلم به صديق ولا رفـيق ولا شقيـق
جرح تعدى بالهقاوي في هقوة من.. هـقا
وكلٍ يحسبه جرح خفاق العشيق من العشيق
جرح خذا له من جروحي في خفوقي أصدقا
في كل يوم زايره من دامي جروحي رفيق
يعيش في صدري وذكره في الخفوق معـلقا
وله صرخة في داخل أعماقي كما صرخة غريق
هربت من هاك الـسؤال اللي على وجـهي بقى
لو مر بي لوي لحالي شب في صدري حريق
يا عزتي للي سواتي طاح بعد إنه... رقى
كتم بصدره ونةٍ عـلى سما وجهه تـويق
لو اتقى عن نظرة الحساد جرحه ما اتقى
أشهر مـن الأمثال وأبين مـن أبان ومن طويق
وش عاد أقول ألا متى نصبح من الوجد عتقا
يالعنبو صدرٍ بعد شيٍ حصل لي ما يضيق!
.
.
07-30-2007, 10:51 PM
الجرح العميق
النمط الخطي
