شوفو مسجاتنا((البنات))عشان تعرفون ليه سهم الاتصالات مرتفع؟!

أحترت أسمي نفسي · 08-22-2007, 09:55 PM

*·~-.¸¸,.-~*السلام عليكم ورحمة الله وبركاته*·~-.¸¸,.-~*

1- ياليت يا قلبي تجيبين معاكي بكره ملزمة علم النفس .

2- اسمعيني بسرعة حطي على قناة ( هي ) فيها عرض الأزياء اللي قلتلك عليه .

3- أهلين يا حلوة الحلى اللي عطيتيني طريقته اليوم كم مقدار السكر .

4- ما حبيت ازعجك بس ببشرك بشارة حلوه دكتورة العربي في آخر الدوام اعتذرت عن محاضرة بكره يعني نوما هنيئاً

5- معليش يا دنيتي دقيتي علىّ وكنت نايمه والحين ارسلك من جوال اختي لان جوالي استقابل .

6- مساء الخير وش رايك اتفقت مع البنات بنروح للسوق تخاوينا .

7- الله يعطيكي العافية اذا شفتي امي يا بنت خالتي الحلوه في الزواج قولي لها تدق على أخوي لانه يدق عليها وشكلها مع الطق ما تسمع يبي يعرف متى يجيها .

8- حبيبتي ياليت ترسلين لي رقم جوال أمل ابيها ضروري

9- لو سمحتي أقصد لطفا وليس امرا وانتي رايحه للسوق ياليت تسألين عن قيمة القماش اللي قلتي لي عليه .

10- اسمعي يا حلوه بدون مقدمات ما دمتي في بنده أسألي عن فواصل اذا كان العدد الجديد نزل .

11- السلام عليكم ما حبيت احرجك بس عظم الله اجرك وغفر الله على موتانا وموتاكم وخليكي من الصابرين .

12- مسائك هادي يا احلى ناسي والف حمد الله على السلامة في عدوينك ولا فيكي .

13- هلا وين عزمتو بكره عليه قبل لا يتأخر الوقت بقول لأهلي .

14- يا دنيتي افتحي ( ام . بي . سي . اف . ام ) الاغنيه اللي فيها إهداء مني لكي .

15- الله يعافيكي بلغي البنات اللي ما شفتهم ان نوف سوت حادث ودخلت المستشفى اذا بيسألون عنها .

16- نوف يا عيوني وانتي جايتنا ياليت تجيبين معاكي فستانك اللي بفصل عليه .

17- يا عيوني انا في السوق ياليت تعطيني نوع الروج الوردي ضروري .

18- يا حلاه من صباح وانا اسمع فيه خبر البيبي الف مبروك يتربى بعزكم .

19- يا حبي اعرفك نسايه ترى بكره عندنا اختبار انجليزي .

20- مساء الدلع والولع يا عمري اذا كنتي فاضيه ياليت تدقين على الثابت ابي احدد معاكي اختبار ملزمة بكره .

21- سارة . وش اسم آخر عطر من شنل اللي قلتي لي عليه اليوم .

22- كيفك اخبارك ؟؟ اذا شفتي نوف في الزواج سلميلي عليها كثيــــر .

23- يا هوه يا عرب وين الناس تزوجتي وقطعتي فينا من لقى احبابه نسى اصحابه والله لنا .

24- الله الله بحلى القهوه ترى القهوه عليكي بكره ولا تنسي .

25- اذا ما اكلف عليكي ياليت يا قلبي تجيبين لي معاكي كتاب الدكتوره عزيزه .

26- صباحك حلو لانك داخله الصيدليه على هالصباح جيبي لي معاكي بندول انا مصدعه وما حصلت مع البنات ولا بالجامعه .

27- أمل يا عمري انا بتأخر شوي لاني بطلع للمشغل على العموم اطلبوا لي عشا معاكم ليما اجي .

28- لا يفوتك اليوم المسلسل الحلقة الاخيره في قناة دبي .

29- يا عسوله دقيت عليكي وجوالك مقفل على العموم لا تدورين على نظارتك لانك نسيتيها عندنا . (( أتخيل شكلها.ههههه))

30- اهلين يا احلى الحلوات اعذريني ما اقدر اجتمع مع البنات عندك اليوم امي تعبت شوي وخيرها بغيرها سلمي على الجميع .

منقووووووووووول

بدور المملوحه · 08-22-2007, 10:06 PM

هههههههههههههههههههههااااااااااااااااااااااي طيب احنا كذا اجل انتوووااااا كيف ؟؟

اسأل نفسك وتالي رد علي ..

أحترت أسمي نفسي · 08-22-2007, 10:37 PM

بدور ياوخيتي أنا بنيه مثلي مثلك00
أسعدني مرورك يالغلا

الملكي.. · 08-22-2007, 11:15 PM

هههههه

- ما حبيت ازعجك بس ببشرك بشارة حلوه دكتورة العربي في آخر الدوام اعتذرت عن محاضرة بكره يعني نوما هنيئاً

الله يعطيك العافيه

أحترت أسمي نفسي · 08-23-2007, 01:32 AM

إقتباس

أرسل أصلا بواسطة الملكي..


	هههههه - ما حبيت ازعجك بس ببشرك بشارة حلوه دكتورة العربي في آخر الدوام اعتذرت عن محاضرة بكره يعني نوما هنيئاً الله يعطيك العافيه

هلا الملكي00
يعافيك اخوي
اسعدني مرورك

&*M!i!SSّ RORO*& · 08-23-2007, 02:16 PM

6- مساء الخير وش رايك اتفقت مع البنات بنروح للسوق تخاوينا

ههههههههههههههههههههههه كيف عرفتي خخخخخخخخخخخخخخخ

يسلمووو على الموضوع

أحترت أسمي نفسي · 08-23-2007, 05:45 PM

إقتباس

أرسل أصلا بواسطة الدلوعه الصغيره


	6- مساء الخير وش رايك اتفقت مع البنات بنروح للسوق تخاوينا ههههههههههههههههههههههه كيف عرفتي خخخخخخخخخخخخخخخ يسلمووو على الموضوع

نسيتي كنت تزعجيني عشان أخاويك(خخخخخخخخ)
يسلم قلبك ربي00نــــــــــــــــــــــــــــــــــــــــورتي

ShowTime · 08-23-2007, 06:11 PM

هههههههههههههههههههههههههه.....موضوع جميل

وتقبلي مرورك

ولك تحياتي