يا الله يا من بحالي والضمير اعــــــــرف
ومــــــــا بقلبي ومــــــا في نيتي مخــــــفي
عبدك على باب عفوك وأنت به ألطـــــف
اغـــــــــفــــــر لعبدك ذنوبة قبـــــــل يتوفي
والى الطريق اهدني من قبل لا أســـــرف
مالي غنا عــــــــن طلب عفوك ولا استكفي
رجائي بك خير يا من لا وعد ما اخلــــف
لأكون مـــــن رحمتك مطــــــــرود أو منفى
وكن دفاعي وعوني حينــــما اضعـــــــف
فيك اعتصامي وذي ليك اشتكي ضعـــــــفي
إليك مـــديت يدي يا كريــــــم الكـــــــــف
مـــــــــــــالي سواك الذي بامدله كـــــــفي
ليلة من البرد و الجـــــوع أمسي أتعطف
و أصبحـــــت حاوش بحملي ذي على كتفي
حمل الثقل ذي جـعلني حن و أتلهــــــــف
متى أرى مـــــــن يقـــــــــل لي لا هنا يكفي
مالي سواعد قوي اوجنب ذي يدهـــــــف
ولا خـــــــلف يقــــــــــاوم من وقف خلـــفي
خلفي طــــــــــوابير قلة حافية تزحـــــف
بعدي بســـــرعة هـــــــــدفهم يهدموا سقفي
برغم ما هم جمـــــــــــــاعة حاقده طرف
وناس ذي كانت بتر قــــــــــص على عزفي
ظليت منهم بمعــــــــزل راس جيد أهيف
أقول للقــــــــــلب لا صرفـــــك ولا صرفي
ذا صرف وقت العباد خلاني أتلطــــــــف
خلـــق لي أظلاف واتعثريت في ظــــــــلفي
لا سامح الوقــــــــــت ذي لازال يتخــــلف
لا ولـــــــــــع الـــــــنور لي كامـل ولا طفي
وكل ما قلت خفف يا زمن ما خـــــــــــف
أو كــــــل مــــــا قلت باجـــــــرب وباصفي
بشوف وان عاد وقتي والزمان اعـــــــيف
من حيث مـــــا سرت أرى وقت النكد سعفي
حكمت وقتي ولكن ما عدل وانصــــــــف
صادق على حكم قاضي محكـــمة عـــــــرفي
الحكم ذي كــــــنت دائم مــــــــــنه أتخوف
وأمسي من الخوف ساهر ماغمض طـــرفي
وذي بهم كنت واثق ما قضوا لي شـــــف
ما حســــوا الجــــــــوع ذي حسيت في نجفي
لو قلت محتاج حاجه قالوا أتقشـــــــــــف
قلنا قد الفقـــــر حاصل مــــــــــا معي قشفي
لا زاد كافي ولا ماء حلــــــــــو بأتنشف
ولا مــــــــــعي مــا يوقيني ومــــــــــا يدفي
فقير لا كني أفضل منكم واشـــــــــــــرف
ما غــــــــير الفقــــــــر لا شكلي ولا صنفي
وانتوا بلا حق ذا يبطش وذا يلهـــــــــــف
وما قـــــــــصر يانعاج العامـــــــــري وفي
ذا شل وقره وأخر لف لـــــــــــه ذي لف
وأنا اتفرج وساكت رغم عن انفي
ومن تولى على جبح العسل نظــــــــــــف
والمضطـــــــهد للقمامة زاقر العــــــــــزف
كم باتغيرواعلى ذي هــــــــو غشيم اخجف
ظلمتوا الشعـــــــــب يا قهــــــــري ويالهفي
اشكي لمـــــــــن ما بحالي راع أو ارغف
ظروف تحكم وأنا بحــــــــكــــم علي ظرفي
من باطل الوقت كــــــــــم باحن واتاسف
ذي كـــــــــــل ما قلـــت وجهك سابني واقفي
سلط علينا لفالف خارجه عـــــــــن صف
فيه الجماهـــــــير مصفوفه وعـــــــن صفي
لفلفهم الوقت لي مـــــن حي ما لفــــــــلف
واحتل ذا منـــــــهم وكـــــــــري وذا كهــــــفي
ما حيلتي ذا أو كيــــــــــف بااتصرف
عبر زماني وعـــــــــاده ما قضي شفـــــــي
عاد العرق من جبين الخالدي مـــــــا جف
وذاك وقتي مكانه ما ســــــمح واعفي
لازال شاهــــــر عليا سيفه المرهـــــــف
رضا لـــــــــمن حاولـــــــوا بايكظموا لقفي
ذا ما جعلني زماني ضــــــــــده اتعجرف
اكبر حنق مـــــــــن صبي ربيت في حدفي
راعي جعلته على كمن منيب اعكــــــــــف
وحارسي باب داري عسكـــــــــري عكفي
لكنه أصبــــــــح يربي لي غنم ألــــــوف
ما عاد خلة لنا في الزرعــــــــــــة علفـــــي
هذا وما عاد بعد اليوم باتحصف
لي حق اقول الصراحة دون ما اخـــــــــفي
ولأي دكتور ما اشــــــــتي علتي تكشف
طبيبي الخــــاص بايشرف على كشفــــــــي
ذكر النبي عد ما فوج الصبا رفـــــــــرف
صلاة تغشي محـــــمد كامـــــــل الوصـــف
وكل ما يقرا القارئ في المصحـــــــــــف
ســــــــور وآيات مـــــــــن حرفاً قفا حـــرف
08-29-2007, 11:03 PM
باطول الوقت للشاعر شائف الخالدي
النمط الخطي
