موقف حدث لي اثناء الدراسه في المرحله الثانويه بامريكا .. وبالتحديد بمدرسه سان جابريل بلوس انجلوس ..
جانا المدرس من اول الصباح ( شكله كان سكران ) واقترح علينا لعبة ..
ثلاثه طلاب من دول مختلفه .. يطرح علينا سؤال عام .. وعلى كل طالب أن يكتب الإجابة على ورقه ويرفعها فوق راسه ..الطالب اللي تختلف إجابته عن الآخرين يخلع قطعه من ملابسه .. !!
سألته هل من معلومات خاصة نحتاج أن نتعلمها قبل الموعد المرتقب غدا (شفتوا الشطاره كيف ؟؟ لاحد يحسدني )
قال: لا.. مجرد معلومات عن بلدك .. واللعبة للتسلية فقط
طبعا رشحت نفسي للعبه .. مع واحد امريكي وواحد ياباني ..
تاني يوم جهزت نفسي .. وجيتهم المدرسه لابس سروال داخلي .. وبنطلون صوف .. وجينز ..وشرابين ... وفلينله علاقي .. وفلينه بيضه ( ابو رحله ) .. وتي شيرت .. وقميص .. وجاكيت ... وفروه من جلد خروف ..
لاحظت أن الاثنين اللي معايا لابسين ملابسهم العادية ؟؟
ضحكت بصوت عالي... وقلت في نفسي .. والله يا أنا بشوف بلاوي اليوم .. خاصة الياباني من زمان نفسي اعرف هم زيينا ولا لا ؟؟
وبدأت المسابقة ..
سأل المدرس
1- اذا وقفتك سيارة شرطه...هل تنزل أنت ولا الشرطي ؟
الأمريكي: الشرطي
الياباني: الشرطي
انا قلت: على حسب .. إذا الوقت ظهر والجو حار .. نزلت انا .. وإذا الشرطي ماله خلق ممكن ينزل عشان يكفخ الغلبان اللي وقفه .. عموما العمليه تعتمد كليا على مزاج الشرطي ..
قال المدرس ... يا سعودي ... أنت مختلف عنهم
افسخ شي ... فسخت الفروة
2- إذا قدمت على خط تلفون .. متى يوصلونه لك؟؟
الأمريكي: خلال ساعات
الياباني: خلال ساعات
انا: على حسب البوكسيه مليانه ولا لا .. ومين الواسطه اللي عندك .. هذا اذا لقيت موقف بره مكاتب الهاتف اصلا عشان تقدم..
المدرس: افسخ ... فسخت الجاكيت
3- إذا قدمت معامله على دائرة حكومية ... متى تستلمها ؟؟
الأمريكي: نفس اليوم
الياباني: نفس اليوم
انا: يقول راجعنا بكره .. بس لا تراجعه الا بعد اسبوع احسن لك .. وخلال هذي الفتره دور على واسطه عشان تخلص بدون اي مشاكل ..
المدرس: يا سعودي ..
عارف .. عارف ... فسخت القميص
4- إذا انقطع خط تليفونك لانك ما سددت...ايش تسوي؟
الامريكي: ادفع بالفيزا ... يرجعوا الحرارة مباشرتا
الياباني: ادفع بالفيزا ... يرجعوا الحرارة مباشرتا
انا: اروح مكتب الخدمات وأجيب لهم صورة الفاتورة ..وصورة بطاقة أحوال جدي .. وبصمة امي .. وصورة دفتر العائله .. وصورة ولد الجيران .. وبعدين .........
المدرس: ايش بتسوي ؟؟ انتهى الوقت المحدد للسؤال ....
فسخت التي شيرت
5- عند مرورك من منطقه الى منطقه .. او مدينه الى مدينه .. هل توجد عوائق ؟؟
الامريكي : لا توجد ابدا
الياباني : لا توجد ابدا
انا: التفتيش .. عبال ما تروح من حاره لحاره .. يقابلك تفتيش ..ماشي في حال سبيلك، يطلعولك من تحت الارض .. حتى في الخطوط السريعه .. تفتيش .. وهالكين الشباب والاجانب.. وبعض الاحيان الحضر ( حسب الشكل ) .. هذا غير الحفريات في اغلب الشوارع كنك ماشي على القمر ..
وفسخت فلينة ابو رحله ..
6- عند انتقالك لمدينه جديده .. فان أهم عنوان تحفظه هو ؟؟؟
الأمريكي: عنوان بيتك
الياباني: عنوان بيتك
انا: اقرب بقاله .. ومحل فول وتميس .. وفين الشارع الرئيسي .. وان كان في دوار او اي معلم عشان لا اضيع .. ياخي ايش نسوي ؟؟.. لسه ما عندنا عناوين !!
وفسخت الفلينله العلاقيه بدون ما حد يقولي ..
7- اذا عندك رحله الساعه 2 بعد الظهر في الخطوط الجويه المحليه.. يعني الرحة تقلع متى ؟
الأمريكي: 2 بعد الظهر
الياباني: 2 بعد الظهر
انا: حسب الرحلة .. إذا حظك زفت وسافروا معك مهمين ... استني الرحله اللي بعدها .. او اذا الاتوبيس اتعطل .. استني ساعه ( هذا في مطار جده بس ) .. وممكن ..........
المدرس:ياسعودي..
بغيت افسخ الشراب .. بس قال المدرس انها قطع غير اساسيه .. فسخت البنطلون
8- أسرع وسيله حديثه للاتصال هي ؟؟
الأمريكي: الإنترنت
الياباني: الإنترنت
انا: الجوال طبعا .. أما أذا كان موسم عيد فحمامه زاجل اصرفلك
المدرس : سعودي ...... افسخ
فسخت البجامه الصوف .... طبعا عارفين ايش بقي
قطعه وحده بس ... يعني لازم اجتهد في الجواب
9- من هو الشخص الذي تتصل عليه في منتصف الليل عند الضرورة ويأتيك بأسرع وقت ممكن ... ولا تحتاج أن تصف له بيتك ؟؟؟
الأمريكي: البوليس 911
الياباني: بنق بانق بو
(بوليس911 .. بالياباني )
ضحكت انا عاد ، وبصوت عاااااالي ...اخيرا عرفت ... الجواب هو :
-
-
-
-
-
-
-
-
-
-
بيتزا هت !!!!
استغرب المدرس والطلاب ....
قلت لاااااااا ..
يا جماعه والله بلدنا حلوه واحنا متطورين ومتقدمين .. وهذه الأشياء بتصير عندنا بس اصبرو لنا كم قرن ....
لا حول ولا قوة الا بالله ..
ايش الامتحان هذا ..؟؟!!!
ياللا .. حافسخ ..!!! الرجاء اغلاق جميع الجوالات ...!!
وغمضوا عيونكم .. الله يحب الستر ..
منقول لعيونكم
فائق احترامي مسرا بدر
« آخـــر الــمــواضــيــع
»
10-31-2007, 04:24 AM
يــــــــــاســـعـــــــودي ... افـــــــــــــــســــــــــــخ .....................
