أسيرة القدس
السلامو عليكم او سلام هيه الي يجي بس المقصد سلام
صراحتون مالي خلق اكتب مقدمه ولا شي
بس من الطفش مادري وش اسوي يعني قلت بكتب موضووع
وعجزت حاولت اعصر هالدميجه مالقيت شي
قلت برووح انام يمكن اتحلم بشي يفتح النفس مو زي كل مره اتحلم بشريط فاضي
واحاول انام ولا قدرت وارجع اطعز الجهاز واشغله والغمص مسكر عيوني<--- ياكذبه توه يقوول مانام
المهم واجي للمنتدى والقا المواضيع هي هي ماتغيرت والماسنجر الظاهر معطيني بلووك يبوون الفكه
المهم واطفي الكنبيوتر وانزل تحت والقا جدتي موضي تحت تمشط قروونها الذهبيه وعاكسه نور الشمس
وااااااااااو تخيلوو روعة المنضر (بلاكم ماتدرون ان الشيب اكل منها وشرب )
المهم قالت هلا بشبووبي حياتي جعلني ماذووق حزنك
انا استغربت بس عاد جدتي واعرفها ماتقوول هالكلام الا اذا بغت مصلحه
واجي ارد عليها وانا عاقدن حجاجي <---- اتحداكم تفهموون ذس
قلت خير وين تبين ترووحين واقصري هالمصريات الي بتمسكيني خط عليها
قالت تكفى سروالي خط البلده منشق وابي ارووح سووق العجز ادوورله رقعه
قلت ليه طيب سووق العجز اي سووق وخلصنا خلينا مثلاً نرووح لراشد او لسويكت <--- اسماء اسواق الشرقيه جعلني والله ماخلى منها
قالت لا سروالي اخضر مشجر بأسود قلت واااااااااوك العن ابو المزاج حطمتي عتاب على المززاج ذا
واقوول وانا مقصر صووتي مادرت عنتس سندي كروفرد ولا كان انتحرت بقاز
قالتلي وش فيك تحلطم وش تقوول قلت لا بس عندي ضرس يبيله حشوو <--- الله من زين الترقيع
المهم قلت ياله انا بسبقتس لسياره وانتظرتس قالت هي طيب
وتأخرت علي وانزل من السياره واقووووول جدددددددده مويضي
قالت وطرمه وش تبي قلت الهمام <--- وس بعد اتحداكم تفهموونها
المهم وتجي تركب معي في السياره يوم اركبت واشم معها ريحة عطر بولقاري
والتفت عليها واقوول هاه للحين ماعقلتي
<---- والله الفضيخ بيفضح جدته
قالت لا بس انا مواعده ام متروك في السووق وبسلم عليها
المهم
واوديها لسووق وتنزل
وانتظر وانتظر وانتظر
الا جدتي سفط ماكن لها ولد ينتظرها
والله والقى السواقين مجتمعين عند الشجره يسولفوون وانزل واسوولف معهم
عاد طفشت منهم وارجع لسياره
واحطه على الرادوو ووووووووووع كله دعايات
المهم وشووي الا تجي جدتي
وتركب وما امداني امشي الا سوبر الهيئه وراي يكبس
وقفت ونزلت
الا يقولوون لي اركب معنا اقوولهم خير عسى ماشر
ويركبووني غصب
ويروحون ينزلوون جدتي وهم ينزلوونها اسمع العسكري يقوول وحاطه عطر بعد هاه زين
عاد جدتي عليها قل صحه
تقوولهم استروا علينا تكفووون (وقتها ودي ازنطها )
المهم يازين اشكالنا انا وجدتي في سووبر الهيئه
ونرووح لمكتبهم وكل ماجيت بقوولهم شي قالوا انطم
ابي اعلمهم انها جدتي بس مافيه فايده
المهم
اطلبو من جدتي رقم عشان يجي احد ياخذها
وعطتهم رقم ابووي
وكلموا ابووي قالو له لقينا امك مع واحد هع هع(حتى ابووي عادي غاسل يده من الفكره هذي)
وجدتي جنبي وتقوول ياخساره الحين من الي بياخذني
واطالعها ودي وقتها امعط قرنها واطلعها من المكتب
المهم
جلست انا ماقلت شي ابداً متحطم واقوول حرام الي ضيعت عمري في عشان سروال
دنيا دنيه
المهم ويجي ابووي ويقوول منهو ابن الكلب الي مطلع امي
ويقولوون اهووه الي هو انا ويلتفت علي
ويرجع لهم ويقوول قصدي منهو الكلب الي مطلعها هع هع
قالوا هو ده
وقال لا ماقلتلكم ولدي قلت من الي مطلعها قالوا هذا الي مطلعها
قال ابووي هذا ولدي
وقتها نفخت صدري وقلت لله درك يا ابووي عطني خشمك ابووسه
يعيش البابا
قال العسكري قوول ابووي قلت انطم مالك شغل بيني وبين ابووي هع
المهم قال ابووي انا بسامحكم هالمره والمره الجايه ياويلكم <------- هع هع عادي عند الوالد ياحليله
<------- اطال الله في عمره يموون على ابووه حتى مرات يكبتها عليه في البلوت
وبس هذي القووصه عاد كتبتها وانا مالي خلق لنت بس قلت بقيق جاها مطر والطلي يشبع <--- لحسة مخ
ع العمووم نصيحه كل واحد اذا جا يودي جدته يكبها ورى لحد يركب جدته معه قدام ويصير له ماصارلي
وهذا والله اعلم
طبعاً القصه من الخيال اما الهيئه الله يجزاهم خير ويكتبه لهم في ميزان حسناتهم على مجهوودهم الجبار
ودمتم كلبوكم
11-10-2007, 03:49 AM
ضاع العمر والسبب سروال جدتي
النمط الخطي
