احبه بس مكتوب لغيري ..,,

أناهيد · 11-17-2007, 01:42 PM

كبيرة فرحتي بحبه ... سعيدة بداية قصتي ..
لكن أنـــــا أدري .... نهاية قصتي أليمه ...
في النهاية أدري بتألم .. وبتألم ..
بيننا مسافات ... وقدر .. لو طوينــا المسافات .. ما نكسر القدر ..
هو ما يدري عن غلاه الساكن بالخفايا ..
ما يدري شكثر أهواه .. وأحبه ..
أحبه .. والله أحبه .. اموت في حبه ..
بس ما هو مكتوب اللقاء بيننــا ..

وأداري أحاول اخفي أحساسي المجروح
وأدفنه بوسط الحشا.. دمعه من فرقاه طاحت ...

احساسه ... وشوقه ... وأوصافه .. أحلامي الوردية
لكن مكتوب أنحرم حتى من أحلامي ..

صوته يحرك كل أحاسيسي ..
بس مجبورة أكتم حبي له وشعوري ..
وأتركه ......... ايه ياعذابي الكبير أتركه ..
اه شلون أقدر أقول اتركه ..
يا قساوة القدر أتخلى عن روحي ..
لازم أتركه يعيش حياته ... مع غيري ..
يا حبيبي .. لو تدري شلون أعاني وأتألم ..
أحبك ............ وأغليك
لو تطلب الروح ما تغلا عليك ..
من يحب .. يتمنى يشوف غلاه متهني ..

بس أنا أتعذب ... يا حبيبي تعرف شلون أتعذب .. أنك تكون لغيري
غيرتي تصرخ وتنوح .. انت لي .. لي وبس ..
فراقك يعني موتي .. ياروحي ..

بس أنا أدري إنك ما تكون لي ..
أحبك يا هوى الروح والمنى .. بس لغيري مكتوب تكون ..
أدري إيه ... أدري إنك ما بتكون لي .. اعيدها وأزيدها
وأنا أدري اني اطعن قلبي بخنجر ..

شنو بيدي أسويه ... أسجنك بعيوني ... أسجنك بقلبي ..
أبيك .. يا غلاي .. أبيك لي ..
بس مردكـ تخليني .. وينكسر قليبي ..
ويظل الشوق يحرقني ويكويني ..
وذكراك قدر مكتوب على جبيني ...
مهما رحت ... مهما غبت عني ..
تراك غالي ..
بس ماراح تكون لي
أحبك .... أحبك

قلــ وراح ــب · 11-17-2007, 01:51 PM

صح لسآنك ودم قلمك

جذاب مو كذاب · 11-17-2007, 01:53 PM

عزيزتي أناهيييييييييييييييييييييييييد
جميلة وقوية
وخصوصا أنها بلهجة محليه
ومن حلاها أثرت فيه
بس ليه حبيبك لغيرك وأيه مستنيه
كل مرة أجد ليكي الاقوى
تعبت معك وصرت اللهث
وتبعثي فيني الحب مبعث
لازلت عنك أبحث
من أي قطر من أي جنس أحك برأسي صرت أشعث
جننتيني بشعرك جننتيني بنثرك
من أين هذا الابداع
سلمت وسلم لكي كل أختراع
لك تحياتي وأجمل ورودي
أرجوكي أقرأي وردي بشكل منفرد
أنتظر جديدك بلهفة المحب

هـ م ـس · 11-17-2007, 02:49 PM

اناهيد

كلماتك رائعه راقيه

مليئه بالاحاسيس الصادقه

بوح رائع لمشاعرك

دام نبض قلبك

لكٍ كل الود

أناهيد · 11-17-2007, 06:29 PM

أشكر الأخ قلب وراح
ونورت الصفحه بنورك.

أناهيد · 11-17-2007, 06:53 PM

أخي جذاب مو كذاب شكرآ
لكلماتك الجميله التي عطرة
صفحتي .
ولكن عندي تعليق بسيط
اتمني ان توضحه لي في
موضوع اشعرتني بحبك
ماذا تقصد با أنا اكتب
وغيري وتركت لي علامة استفهام
حول ذالك ماذا تعني .

أناهيد · 11-17-2007, 06:59 PM

hms alglob
شكرآ لك لمرورك الجميل .

رايش · 11-19-2007, 07:08 AM

كلمات مليئة بالحس الصادق يشد القارىء ويتعايش مع الموقف بوجدانه تناهيييييييييييد لقد أبدعتي وأنا من المعجبين جدا بما ترسمه ريشة تلمها أناملك الذهبية وأدعو الله لك بالصحة والعافية.
تقبلي تحياتي وتقديري أرجوا ألا يكون مروري ثقيلا عليكي:
رااااااااااااايش

أناهيد · 11-19-2007, 09:09 AM

شكرآ لك اخي رايش على الأطراء
الجميل وقد اسعدتني حقآ بمرورك
ولك اجمل تحيه.

خالد السلطان · 11-20-2007, 09:19 AM

اناهيد كلااامك حيييييييييييل يجنن ويهبل بصراحه اعجبني اسلووبك بالكلاام ويا ليت ما تحرمينا من ابداعك لانك غاايه بالروعه
تقبلي صاااااادق الوووود