حركه حلوة تخلي زوجك ما يقدر يعيش من غيرك

أميـــ بكلمتي ــــرهـ · 11-24-2007, 08:22 PM


	اليوم معي لكم حركه..أو بمعنى أصح تجربه جربتها أكثر من زوجه والحمدلله كانوا يعانون من قلة اهتمام أزواجهم بهم أو سفرهم للخارج وتركهم..لكن بعدها أبداً.. وحده تقول: زوجي دايماً يسافر برا..واحترت معه لكن بعد ماجربت هذي الطريقه لمدة 8شهور الرجال كان مسافر بالليل لسوريا..من بكره الظهر لقيته عندي !! الطريقه هذي ماهي سحر ولاخلطه سريه..بس هي طريقه للتعامل مع الزوج مستقاه من الهدي النبوي..وكتب علم النفس..جربوها..أنا من قريتها طبقتها .. وللأمانه الموضوع منقول من البنت صاحبة الفكره..وصديقتها اللي زوجها دايم يسافر.. تقول: خللي زوجك يتعود عليك... أول تطبيق وقت ماأصحي زوجي من النوم....يقوم معايا على طول ( ماشاء الله)...يعني مايتعبني وأنا أصحيه... اش سويت...؟؟؟ الشخص لما يكون نايم....حاسة الابصارتكون معطلة...لاكن في حواس ثانية لسّا شغالة...وهي: السمع واللمس والشم... أقرب فمي من أذن زوجي...وأناديه باسمه...دايما بشكل وشوشة...هناأنبه حاسة السمع...وحاسة الشم ممكن تنبهينا بعطر هادي ورائحة حلوة .. فوقت ماأنادي عليه باسمه أمرر يدي بشكل خفيف على وجهه والمس كفوفه...هنا أنبه حاسة اللمس .. ووقتها على طول يفتح عيونو ويبتسملي....................وب كذا مايتعبني بالتصحية...رغم اني أول ماأتزوجنا كانت أختوتقوللي الله يعينك عليه ترى نومه ثقيييييييييييل.... ثاني تطبيق... أوقات يدخل زوجك البيت وهو بعدة حالات مثلا: معصب,محبط,متضايق....كيف تتصرفي بهذا الوقت... اذا جاكي وهو عنده مشكلة وحسيتي ان فيه شوية خوف...على طول حطي يدك على ظهره وامسحي عليه بقوة...وابدأي كلميه...حتلاقيه على طول اتطمن... اذا جاكي وهو محبط وحاس بالفشل والخيبة...امسكي يده واضغطي عليها بين كفوفك ...أو حطي يدك على ركبته...اذا كان جالس... اذاجاكي وهومتضايق وفيه حزن...حطي يدك على كتفه واربتي عليه... اذامربموقف ( يهز ثقته )...أي موقف حسيتي ان ثقته انهزت منه...حطي يدك على راسه...وحركي أصابعك بين شعره... اذاحسيتيه محتاج عاطفة...والعاطفة اللي أناأقصدها هي عاطفة الاهتمام...وانه حاس انك مقصرة معاه...أبدي له اهتمامك .. اذاكان معصب لاااااااااااااااتلمسيه أبدا.....طالعي بعيونه...عشان تقدري تديري تصرفاته...بابدأي كلميه بصوت هادي ونبرة متوازنة...ووقت ماتكلميه اجلسي على الأرض...وأطلبي منه يجلس ...اذا جلس ابدأي كلميه واتفاهمي معاه... طبعا هذا أمررسولنا الكريم...وذحين اكتشفوا بأوروبا ان الانسان اذا كان معصب وجلس...الدورة الدموية عنده تبطأوالضغط ينخفض ويبدأ الشخص يهدأ وضربات القلب تهدأ......بسبب القرب من الجاذبية الأرضية...وانحناءات الجسم... سبحان الله ( لاينطق عن الهوى)... طيب ليه اخترتنا هذي الأماكن مو غيرها؟ اذا حطيتي يدك على ظهر أي شخص يحس انه فيه أحد معاه وانه له سند بالدنيا... واذا كانت على اليد فيها دعم وتشجيع لأن أفعال الانسان تكون باليد أو الرجل....فاذا لمستي الركبة والكف يحس بالتشجيع... الكتف....فيه مواساة...............عشان كذا كان أنسب مكان للمواساة... طيب الراس؟...دايما يقولوا تاج راسي....واللي معتز بنفسه يقول راسي مرفوع....فعشان كذاكان لمس الراس والشعرفيه بناء ثقة...... التطبيق الرابع... معروف انو أقوى تواصل بين أي شخصين...هو العيون.... ومنها نقدر نقول كلام...مانقدر ننطقه بالواقع...أصلا مانعرف نقوله.... طيب اش علاقتها؟؟؟؟؟؟؟؟؟ اذا حسيتي زوجك يبغى يعترفلك بشي مخجل....وحسيتيه خايف أو محرج بقوله...لاتطالعي بعيونه ....حاولي تتجاهلي انك تركزي في عيونه...عشان يلاقي الجرأة بالاعتراف والحكي... لكن لوطالعتي فيه...حتلاقيه يرتبك ويتلخبط ولسانه ينربط وممكن مايكمل الكلام....وبعد مايحكيلك...حتلاقيه يتجنب يطالع بعيونك.....وشوي شوي يتجنب يتكلم ويجلس معاكي... لكن...اذا كان يبغى يقولك على شي غير مخجل ولا شي...مجرد اعتراف بمشكلة يمر فيها (مثلا)...ركزي بعيونه...لأن هذي النظرة تعطيه التشجيع وانك مهتمة للكلام اللي يبغى يقوله..." معليش طوييييله حبتين..بس أتحدى وحده ماتحس بالفرق حتى وهي تقرا.. الله يوفق المتزوجات ويسخر لهم أزواجهم..ويرزق البنات اللي ماتزوجوا بالزوج الصالح..ياربي ياكريم.. منـقول

سلطان السهلي · 11-24-2007, 08:59 PM

يا ربيه منك يالشينه

شوقتيني أني أتزوج

أبي أحد يسويلي كل اللي كتبتيه .. ؟؟ : (

وربي لو فيه مره مثل كذا .. صدقيني ماراح أتعداها شبر

عموماً أنا اشكرك ألف شكر على موضوعك الحلو ..

تقبلي شكري وتقديري

تحيتي لكي : )

أميـــ بكلمتي ــــرهـ · 11-24-2007, 09:04 PM

اسعدني تواجدك وتشريفا في صفحتي
المتواضعه

فجر المحبة · 11-24-2007, 09:58 PM

حركاااااااات خطيييييييييييييييييره لمن أتزووووووووووووج أعملهاااااااااااا

يسلمووووووو يا قلبي

أميـــ بكلمتي ــــرهـ · 11-24-2007, 10:07 PM

فجووووووووووره يسلمووووووو على مرورك الرائع

هليت دمعه حسايف · 11-26-2007, 01:37 AM

طباخه

يعطيك العافيه على الموضوع

انا ابغى اجربها يمكن اطلع بنتيجه

أميـــ بكلمتي ــــرهـ · 11-26-2007, 08:12 AM

هليت دمعه حسايف

الله يعافيك حبيبتي

~أيفانا~ · 11-26-2007, 12:08 PM

واااااااااااااااااااااااااااو منت بصاحيه حركات خطيره تخلي الرجال على قولتهم (يخق)