السلام عليكم ورحمة الله وبركاته
نار الجفا ياساقية لو تعرف شمعنى رماد
ما كان ضحَّت بالغلا و إستوطن الساقي جفا
والديم لو يفهم شعور الأرض في وقت الحصاد
كان إنحنى يطلب عفو زرعٍ .. وجوده إنطفا
يا ساقية: عمر الغلا ماطاع شور الإنقياد
وعمر القلوب العاشقة... ماتحن لاغاب الدفا
أبسألك: دام الغلا يفرض علينا الإبتعاد
ليه النوا لامن حكى يطعن غلانا بالقفا ؟
و أرواحنا وش ذنبها يم ساحة الضيقة تقاد..!!
و وجيهنا وش درعها لو رملها الحارق سفا ؟
مليت شرهات ٍ نمت. . فينيٍ تبنَّاها إعتقاد
إن الجفن ..لامن فلت دمعه يعبِّر عن أفا
مليت من طول السهر.. و صدور مبدأها سواد
تتعب على رمي النكد بصدور مبدأها وفا
إليا متى نرقى ألم .... و ظهور كلمتنا جياد !
إليا متى ننزف عتب و الحب بشواقه هفا
إليا متى واهاتنا ترقب حلولك يا الرقاد !
إليا متى و جروحنا تسأل حنينك يا الشفا !
كم لي و ألمَّك يا العنا..؟ ونارك تبعثرني سماد !
و كم لي أصافح مارد ٍ من نارك الخرسا لفا ؟
جيتك و زحمة شارعك أشباحها تحمل عتاد ؟
ما كنت أظن أشباحها تطعن حنيني بالخفا !
عزاه يا حب ٍ سكن روض و تمرد به جراد
عاث بقراح الساقية و أعدم نخيله وإختفا
مسكين جذعك يا النخل... كائن يسمونه جماد
تجاهلوا إن النخل عيسى تحت ظلِّه غفا
بكره مصير الناكرة تشكي عناها للسهاد
و تاقف على ماضي طلل عن جورها صد و عفا
ومصيرها تنادي غلا ناره قتلها .. الإنخماد
و تسمع صدى من شرهته يرتد... ياصوته كفا
يعني زلال الساقية..لو حس بذنوبه وعاد
يبقى على طين الظما ..عكْر ٍ زلاله لو صفا
نار الجفا ياساقية لو تعرف شمعنى ... رماد
ماكان ضحّت بالغلا.. وإستوطن الساقي جفا
للشاعر؟
ناصر حطاب العنزي
01-13-2008, 04:43 PM
الجفن لامن فلت دمعه يعبر عن افا
