اعذب حروف القاف لاجلك تنقيت= يامرويه قلبي بعشق وغرامي
واغرب رموز الحب لاجلك تمنيت= يامشغله قلبي بزود السلامي
واصدق كلام الحب لاجلك تغنيت =يامورده قلبي حياض الهيامي
غيبت في بحرك من الحب واصحيت= يا مسليه قلبي بعذب الكلامي
الحال مركيها على مر حلتيت= نش اللحم ما باقي الا العضامي
عدت ثمان اسنين غايب ولا جيت= يامثقله عيني بكثر الهمومي
الله من يوماَ اقهويك في البيت= يابايعه قلبي بسوق الحطامي
الروح يغشاها من البعد عفريت= والنفس لاعافت عليها السلامي
عهد المحبه باقياَ ما ترجيت= وسقمي على كيفه يتل المدامي
اضحك مع العالم وساعات اهيت= من لامني عساه يشكى اليتامي

لي الشرف اول من يرد على قصيدتك الرائـــعه

دمت بحفظ الرحمان

تقبل مروري