قصه تذرف لها العين فى حب الوفاء
ادري كانى مسرعه شوي
بس يالله قوللى شو ريكم
وصاتي لك من بعدي...تموت فيها على شاني
ابيها تعيش وتحيا بك... واظل بالذاكره مفقوده
وصاتي لك تنسيها ...ملامح وجهي وتنساني
تعزفها قصيده حب...على عكس اللي عزفته بعود
وصاتي لك تبعدها...عن اشعاري وقيفاني
تراها مغرمه بالحيل...ويشهد لي عدد الردود
وصاتي لك تسايرها...ترى فيها من احزاني
طلبتك لا يضيق بالك...طلبتك والطلب مردود
وصاتي لك تناديها حياتي وعمري ازماني
انا عودتها دايم...ادلعها وانا موجود
وصاتي لك تعاملها... بطيبه قلب واحساني
تراها تذرف الدمعه...ودمعتها بليا حدود
وصاتي لك تحفظها...سور وايات قراني
تخبرها عن الميت...رحل ولا يمكنه بيعود
وصاتي لوحه تبقى...على طول الزمن محدود
وصاتي لك تمازحها...وتشوف الضحكه باسناني
سعيتك يا ضحك هالكون...طلبتك لاتصير جلمود
وصاتي لك تقهويها...من دلالي وفنجاني
تراها تعشق السمرا...ويكفيها دخون العود
وصاتي لك تركبها...على خيلي وعلى حصاني
وربي فارسه من قلب...شهاده ماهي لشهود
وصاتي لك تسفرها...بلاد الشام و لبناني
ترى يحلي لها تقطف ورده...ورده من بلاد الورود
وصاتي لك تراقصها...على الحان رحباني
ترى فيها عرق خاله...وفيها من جنون السود
وصاتي لك تحببها...فابو نوره بعد هاني
وتنسيها ندم غلطه...انا فيها ترى المقصود
وصاتي لك تكرها...في تاريخي وعنواني
ابيها تلعن اللحظه...وتلعن كل فرح موعود
وصاتي لك تكلمها...عن المجني وعن الجاني
وتخليني انا الظالم...وآنا من حرق الأخدود
وصاتي لك تشبهني...بدم احمر قاني
وآنا ها لك تحلفها...تتوب تحبني ثاني
ترى يكفيها ماعنت...ويكفي حيلها مهدود
وصاتي لك تنسيها...وصيه قالها لساني
انا اخبرك رجل موقف...وآنت قدها وقدود
صديقي مالقيت غيرك...يعرف واشلون تنساني
امانه ضمها بقلبك...ترى خالد رحل مايعود
_________________
ملاحظه: هذا واحد اسمه خالد مرض وقالوله انك راح تموت فكتب هذا الشعر حق حبيبته وعطاها حق خويه وصيه ولازم يسويها.
وسلامتكم.
01-16-2008, 10:48 PM
وصاتي لك بعد ماموت
