قصيدة نايف معلا العتيبي اخاف فالمنخل مع اللي يروحون

وافي العشره · 01-18-2008, 02:11 PM


	قصيدة نايف معلا العتيبي اخاف فالمنخل مع اللي يروحون في شاعر المليون الشعر تعريفة بـدون ايـة اجـدال كلام لـه معنـى مقفـى ومـوزون ولو قالو ابا اقول عن كل الاقـوال هذا الصحيح وقولو اللـي تقولـون ماهـو كـلام كيـف ماقيـل ينقـال وشلون مدري كيف ياكيف وشلـون لا قافيه لا وزن لا نعـت لا حـال لا وصف لا تشبيه لا شكل لا لـون يعني سوالف بس من غيـر منـوال سولف واسولف واكثر الناس يوحون حتى لو انك جبتهـا مالهـا اجيـال اهـم شـي تكـون رزه ومزيـون وفي يدك ساعه تعطي الوان واشكال ماغير تلمـع كـل ماقلـت هاللـون واشياء كثيره غير هذي على البـال ياناس ياعالـم هـو انتـم تشوفـون موروثنا الشعبي غدا نصـه خبـال بيديـن متشـدق وسـاذج ومجنـون من عقب ماكانت توارثهـا الأجيـال اصبح مجرد شئ زايـد ومركـون ومن عقب ماكـان يتنفـس ويختـال صار اكسجينه ثاني اكسيد كربـون تعرضوه صويـر وعويـر والفـال اللي علـى نهـج الثنينـه يسيـرون صوير جنب عوير وعويـر دجـال وعوير جنب صوير وصوير ملسون اعوير لا مـن قـال يـالال يـالال صوير يصرخ ياخي ابـداع بفنـون يامال فرقـا العيـن يامـال يامـال جنون يمكن لاكـن ابـداع تبطـون والشعر مهما صار باقـي ولا زال وشعارنا فـي كـل وادي يهيمـون مليون لاكن لو تجيب لـك منخـال تنخلهم بنمنخـال مامهـوب مليـون وانا ماابري نفسي بكـل الاحـوال اخاف فالمنخل مع اللـي يروحـون لاكـن والله مانـي قصّيـر احبـال ولاني من اللي فالقوايـل يضيعـون يقول ابن جدلان في عرض ماقـال تكفون صونو كلمة الشعـر تكفـون وانا بقول اليوم عـن كـل الاقـوال هذا الصحيح وقولو اللـي تقولـون

نواف الرشيد · 01-18-2008, 02:17 PM

وافي العشره
سلم لنا ذوقك
وصح لسانك قائلها
وسلمت يمين ناقلها
دمت بحب

dlw3h bkefe · 01-18-2008, 03:15 PM

صح لسان شاعرها
ولا هان ناقلها

يعطيك العافيه اخوي

ماننحرم منك

دمت بخيــــــر

وافي العشره · 01-18-2008, 06:55 PM

اخواني

نواف

والاخت

دلوعه

اشكركم على مروركم الكريم

تقبلوا ارق واصدق تحيه

حنين الجرح · 01-20-2008, 04:41 PM

ابداع

احتيااااااار ردي

دلا علي عجزي

ابداعك طاغي

قصيده روعه

لاعمت حروفك وابداعك

تحياتي يسلمووووووووووو

دمت بخير

KaMeL_AlzEeN · 01-21-2008, 11:34 AM

من احلى القصايد اللي تحكي عن الساحه الشعبية

صح لسانك يانايف وتسلم يمييييييينك ياوافي العشرة

تحياتي

كامل الزين

وافي العشره · 01-23-2008, 10:31 PM

حنين

و

وكامل

اشكركم على مروركم الكريم

واطرائكم الجميل

تقبلوا صااااادق ودي

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر

عدد الأعضاء الذي يتصفحون هذا الموضوع : 1 (0 عضو و 1 ضيف)