البارحه والجوع مس الذيـب يـوم انـه يعـوي=
اخايلـه واقـول واعـزي لحالـك يالـقـوي=
واللي باساميك يتقلدهـا الخـوي مـع الخـوي=
واسمك على النخوه يعد وكل روس(ن) تشتـوي=
الجوع لو يدفعك للمـوت الذحـاح المستـوي=
ودامك طليق(ن) ما قهـرك المعتـدي والمهتـوي=
يا ذيب يا ذيب الخلا اللي ليلك يـروح سـروي=
يا موجل(ن) قلب حضري يا موجل(ن) قلب بدوي=
عامل خوي الذيب في عصـر الفـوات المنطـوي=
نحر ذلول(ن) مـن وصايفهـا شحمهـا مرتـوي=
يا ذيـب يكوينـي قنيبـك لا توحّيتـه كـوي=
مدري غبى مدري ذكى مدري تسـرع فوضـوي=
ياذيب عزك في زمان السيف مـن قبـل يهـوي=
وقبل يغيـب المنطـق الحسـي ويبقـى المعنـوي=
وقبـل النوايـا المستقيمـه ماتعـاج وتلـتـوي=
يا ذيب مدري كيف ابوصف حالتـك يالمنـزوي=
لا جيث ابرثي حالتك ضـاع الكـلام اللغـوي=
والهاجس اللي كل مـا فليـت حويـه ينحـوي=
واخاف لا تكمـل وينحـاك النزيـف الدمـوي=
ياذيب واقنب خل صوتـك يـدوي العالـم دوي=

صح لسان الشاعر وسلمت يمينك