السلام عليكم ,ورحمة الله وبركاتة
جبت لكم هالخبر اللي يوسع الصدر والله اني مستااانس>>>>>
انه تفاجاء مواطن سعودي من اهل الرياض يوم شاف سبعة فنس صينين حول محراب المسجد ومطيرين عيونهم على العالم اللي تتسنن بعد الصلاة ...
يقول هالمواطن اني رحت اسألهم وش عندك انت وياه ؟
قالو له : ابد بس مستغربين وش هالرياضة اللي تسوونه ؟
قال لهم كم كلمة عن الصلاة وعزمهم على الغدا
يقول عيوا اول الوقت انهم يتغدون معي الا اني ( لزّمت ) عليهم .... وقلت لهم ان المعزبة طابختن جريش
راحوا هالفنس معه يبي يشوفون وش هالجريش وبنفس الوقت يسألونه كم سؤال عن الصلاة ...
جاب لهم الغدا وتغدوا وعينوا من الله خير ...وفجأة !!
قام صيني منهم وقاله : يااا مستررر !!
قال له المستر ( اللي هو المواطن ) وش عندك يا صديق ؟ ..
قال له الصديق ( اللي هو الصيني ) : ( انا افدا هاللحية ان تقول تم ...! ؟
... ترا العشا الليلة عندي )
اللي صار ان المواطن قبل العزيمة بس تصير باستراحتة هو وهو اللي يبي يجيب العشا ( وشلون تصير عزيمة مادري )
عقب ماراحوا انطلز المواطن لم ( جمعية ندوة الشباب الإسلامي ) وقالهم السالفة ... وانهم عزمون مدري انا عازمهم اليوم على العشا وش رايكم تروحون معي
راحو معه حقين الجمعية و معهم داعية صيني وجريش يذوقونه اخويا الصينين اللي ماذاقوه
سألوهم حقين الجمعية وش تعرفون عن الاسلام ؟
قالو : اللي نعرفه انكم تفرضون الختان وانه عندكم مشكلة مع الدنمارك ! ..
يقول : شرحنا لهم الاسلام .. وعلمناهم مبادئ الدين العظيمة .. وجلسنا ناخذ ونعطي مع بعض الين اسلم 30 واحد من هاللي حاضرين ...
اللهم زد وبارك
اللهم اّميييييييييييين
04-21-2006, 09:29 PM
30صيني اسلمو عقب ما كلو جريش!!!!!
النمط الخطي
