أحبك لو يحكومون علي ............

سعوديهـ وكلي فخر · 03-31-2008, 06:13 PM

من حبه منعوني

جننوني .. عذبوني .. ومن حبك منعوني
أأسروني .. وسجنوني .. ورجعوا واهملوني
يقولون .. عيب البنت تكلم رجال
ويقولون اللي اسويه انه جنون أطفال
مايدرون هم المجانين و هم الخبال
ابعدوني عنك .. ومن حبك حرموني
لا .. ورجعوا يقولون ..
يقولون كل الرجاجيل كذابين
يقولون كلهم لعوبين
ونصحوني .. لا تخدعج الظنون
فالرجال دائما يقولون مالا يفعلون
بس كيف .. وانه اللي لوطلب عيوني قلت له حاضر تمون
كيف اترك روحي وكياني وقلبي الحنون
هو بحبي صار أسير ومجنون
وانه اللي افديه بروحي ودنيتي والكون
كيف ابنساه بعد ما صرت له أسيره
كيف وانه الحين ضايعة بنار الحيرة
كأني مخيره بين مسجونه وأسيره
مدري كان في القول هم يصدقون أو قلوبهم مليانه حقد وغيره
قلت لهم اتركوني لحالي .. انا لا يمكن أعيش مع غيره
و ... ردوا يقولون ..
يقولون الرجل ماياخذ إلا البنت المليانه عقل والرزينه
قلت .. وش اللي ينقصني عن العقل والزينه
قالوا .. لو كلمتيه .. بتكلمين عشره مثيله
قلت وربي مالغيره ألتفت بصيره
قالوا .. يابنيتي فكري بعقلج .. وابتعدي عن هالامور الحقيرة*
قلت والله اني أحبه وصرت لقلبه أسيره
تنهدوا .. عسى الرحمن يحفظج .. بس بترجعين ندمانه ، صغيره .. وكسيره
سكت .. ومشيت لحالي .. وعيني من الدموع صارت غزيره
احترت بين كوني مسجونه أو اسيره
أصرخ احبه ..
وأقولها له اليوم واللي بعده وحتى في أيامي الاخيرة
هو ملك عقلي وقلبي وروحي الصغيره
وسكن بحشاي واعماقي والوريد
ما قبله انسان سكني واستوطني ..
ولا لغيره راح أفكر في يوم أصير
بس اعترف اني انسانه هيوفه وجبانه
وهم يجروني وراهم مثل الحيوانه
سامحني .. ياقلبي واعذرني رحلت عنك
لا تظن اني بعدك اعيش مرتاحه وآنا بحبك هيمانه
لا والذي خلقني .. طول ليلي اعيش سهرانه
ابيك تعرف انك بقلبي دوم وبشريك بأغلى انسان
لو عشانك بيذبحوني ويحكمون علي بالاعدام

صوص · 03-31-2008, 06:30 PM

يرجى عند المشاركة الرد برأيك بالموضوع
ودون التطرق لأمور جانبية وشخصية ليس هذا المكان المناسب لها

تم تحرير المشاركة من قبل
.

.

.

الإدارة

سعوديهـ وكلي فخر · 03-31-2008, 06:37 PM

ههههههههههههههههههه

اي وقت عادي

مشكور على مرورك الطيب

سعوديهـ وكلي فخر · 03-31-2008, 06:52 PM

ههههههههههههههه لا مابي سجن ابي اموات وارتاح من الحب ودربه

نديم الحب · 03-31-2008, 10:01 PM

سعوديه

ما أجملها من كلمات وما أجملها من مشاعر صادقة تنبض وتضحي لأجل الحبيب فهنيئا له هذه النعمة وهذا الحب،،،،،،،، المشكلة عندما يكون الحب من طرف والجفاء من طرف آخر

تسلمين على هذه الرائعة

سلطان السهلي · 04-01-2008, 01:52 AM

ابيك تعرف انك بقلبي دوم وبشريك بأغلى انسان
لو عشانك بيذبحوني ويحكمون علي بالاعدام

أختي سعوووديه

كلامك مررررررره روعه

وحبك مررررررره دافي

وعشقك حيللل خييييييالي

كلماتك جداً صادقه ..

شيء مو طبيعي ..

تسلمين على هيك أحاسيس ومشاعر

................

تقبلي مرور أناملي المتواضعه

سلطان ..؟؟

دانه ولا كل الدانات · 04-01-2008, 05:43 AM

،،،،،،،،، سعووديه ،،،،،،،،،،،،،،،،،،

اخترتي فابدعتـــــــــــــــــــــــي

وصلت الكلمات بسهوووله

روووووووعه ماتقتنتيه بالاختيار

تسلمين ,,,,,,,,,,,,,,,,,,,

كيف اترك روحي وكياني وقلبي الحنون
هو بحبي صار أسير ومجنون
وانه اللي افديه بروحي ودنيتي والكون
كيف ابنساه بعد ما صرت له أسيره
كيف وانه الحين ضايعة بنار الحيرة
كأني مخيره بين مسجونه وأسيره

سعوديهـ وكلي فخر · 04-01-2008, 01:42 PM

مشكور اخوي نديم الحب على

ردك الجميل وصحيح كلماك والله الحب من طرف واحد متعب حييييييييييييييييل

بس انا حبي للغالي مو حب من طرف واحد

سعوديهـ وكلي فخر · 04-01-2008, 01:42 PM

مشكور اخوي سلطان على مرورك الطيب