سبب دخولي اني وجدت في منتداكم الجميل احدى خواطري باسم العضو العطاء وبتوقيعه ولم يكتب منقول او اسم صاحب الخاطره اللي هو انا خفايا الليل ابوعبدالعزيز من الرياضوهذه الخاطره هي
خفايا القلب
ياقلب ياللي على البال تطري تخفيت من تحت الاستار
________________________________________
رحلت بوجداني وغصت في أعماقي ورحت للبحر
عند البحر تأملت هذا الجمال الرباني
ساعة شروق الشمس والسماء زرقاء
والليل ساري مع النجوم بوجداني
البحر هادئ والرمل ابيض
والسكون كأنها العروس في ليلة الدخلة
سرحت بفكري وخواطري وشعري
وقلت سبحان من خلق هذا الكون والإبداع والتصميم الرباني
سماء وبحر ورمل
وإنسان بفكري يصول ويجول
شاهدت موجة عنيفة تتجه نحوي
خفت وقلت يا رب استر عسى بس هالطوفان يرحمني
الموجه وصلت عند رجلي
وإذا بها عروس البحر الأحمر
سبحان من خلق هذا الجمال الرباني
عند البحر قابلت عروس البحر
قالت لي عروس البحر تراك أشغلت فكري ووجداني
سمعت نثرك وشعرك وأنا في أعماق البحر
وشدني فكرك وسحرني عشقك
وقلت أشوف هالصوت هو إنسان أو ملاك اقلق منامي
قالت لي من انت
قلت لها أنا خفايا الليل
قالت سمعت اسمك ومر بوجداني
سمعت خاطرك اللي زلزل كياني
سمعت وصفك وشوقك وأحزانك
سمعت عشقك وحبك وآلامك
أنا عروس البحر شفني تراني قدامك
اعشق واسمع همس وجدانك
قالت عروس البحر
يا خفايا الليل ممكن توصفني
علشان أتغنى بشعرك وخواطرك
وأسافر بشعرك ونثرك في أعماق البحر
قلت يا عروس يا ملاك يا اللي نصفك إنسان ونصفك سبحان من كون هذا الجمال
اتركيني في همي وأحزاني
أنا جيت البحر كي أنفس عن همي
ترى حانت ساعتي والرحيل وترى نفذ صبري
قالت كيف أتركك وأنت أجمل من سلاني ونساني همومي وأحزاني
كيف أتركك وأنت اللي سجنتني بسجن فكرك وأعماقك ووجدانك
قالت كيف أتركك وأنت خير من غرد ووصل لقلبي وفتح جروحي وآلامي
كيف أتركك وأنت بصوتك حنين وانين يدغدغ أعماقي
قلت خذي مفتاح سجنك وارحلي عني
تراني يا عروس يكفني اللي فيني من هم وألم وحزن وأهاتي
قالت أنا عندك قول لي وش فيك وافتح لي قلبك
قلت بس اتركيني اهوجس في خفايا الليل وانثر شعري وهمي
قالت أبتركك بس عقلي وروحي وقلبي معاك في كل مكان
من يسمع كلامك يصير أسير خواطرك ونثرك وأفكارك وأحزانك
ودعتني ودمعها تذرف وهي تقول لي
ليش الدنيا تفرق كل إنسان طيب
ليش الدنيا ما تجمعنا مع الأحباب
ليش الدنيا الطيب فيها مهموم
ومن بعيد ودعتها وأنا أقول في نفسي
سامحيني ما بي اشركك بهمي
سامحيني ما بي أشغلك بفكري
سامحيني كل شي فيها فاني
سامحيني كل شي فيها قاسي
سامحيني كل شي فيها حسود
سامحيني كل شي فيها حقود
سامحيني لو تقدرين تسعديني صدقيني ما خليتك تروحين
سامحيني يا عروس جعل أيامنا كلها فرح وسرور خاطرة وكلمات خفايا الليل ابوعبدالعزيز
04-05-2008, 06:40 AM
عروس البحر
