هام جداً اليوم الاحد 6ابريل اضراب عام في مصر كله

محموـد · 04-06-2008, 02:25 AM


	فيما يبدو أن أسلوبا جديدا لحشد المظاهرات والاضرابات، لجأت تيارات معارضة في مصر الى البريد الالكتروني وموقع «الفيس بوك»، للدعوة الى اضراب شامل عن العمل والتزام المنازل وعدم الخروج الى الشوارع اليوم الموافق 6 الجاري، وهو ما يعرف بالعصيان المدني. وهذا نص الدعوة إتفقت كافه القوي الوطنية في مصر علي أن يكون اليوم الأحد 6 إبريل يوم إضراب عام في مصر يوم 6 إبريل خليك قاعد في البيت أو شاركنا فى الميادين العامة أوعي تنـــــــــزل لكن شاركنا ماتروحشي الشغل ماتروحشي الجامعه ماتروحشي المدرسة ماتفتحشي المحل ماتفتحشي الصيدليه ماتروحشي القسم ماتروحشي المعسكر عايزين مرتبات تعيشنا عايزين نشتغل عايزين تعليم لأولدنا عايزين مواصلات أدمية عايزين مستشفيات تعالجنا عايزين دواء لأطفالنا عايزين قضاء منصف عايزين أمن وأمان عايزين حرية وكرامه عايزين شقق للعرسان مش عايزين رفع أسعار مش عايزين محسوبيه مش عايزين ظباط بلطجية مش عايزين تعذيب في الإقسام مش عايزين أتاوات مش عايزين فساد مش عايزين رشاوي مش عايزين إعتقالات مش عايزين تلفيق قضايا قول لأصاحبك مايروحوش الشغل همه كمان وخليهم يدخلوا الإضراب ( حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفيالضرائب العقاريه - عمال غزل المحلة - حركة إداريي وعمال القطاع التعليمي - نقابةالمحامين - حركة أستاذه الجامعات) وان شاء الله المصريين راح يكون لهم الكلمه اليوم في وش الظالم

mahmuod ashmawy · 04-06-2008, 02:59 AM

والله يامصر وسمعنا صوتك

والله يامصر وصحيت ولادك

ولاد ..... ياولاد

مصر ياولاد

اعملوا عصيان احتجوا سمعوا صوتكم للرحمن

اوعوا ياولاد

اوعوا تخربوا مصر ولا تكسروا ولا تنهبوا

اخيرا يامصر سمعنا عن العصيان

واخيرا سيظهر بدل الصوت صوتان

وتلاتة وعشرة ومية ومليون

ومليون حرام بــ 80 مليون اااااه

اااااه يقولها الغلابة من الجوع كل طلعة صبح

وااااااه يقولها الغني من التخمة طوال ساعات الصبح

والسمكري اللي بيصلح العربية للبيه والباشا والمأمور

لو كان بايده من الظلم اللي شافه

كان طلع بيه او باشا او مامور

شدي حيلك يابلد النهاردة تظهري ان كنتي بنت او ولد

ياطلاب مصر العظيمة طول عمركم شايلينها علي رؤسكم

ارجوكم

ارجوكم كونوا علي آد المسؤلية

ده انتم نورنا ومستقبلنا وامل بلادنا

يلا حبايبي في الشوارع نهتف ونطالب بحقوننا

بحقوقنا اه نطالب واللي نشوفه بيخرب في مصر

نقوله لا انت لا يمكن تكون مننا انت ضدنا

اللي يحب مصر يهتف واللي يحب مصر يحمي

يامصر ياللي جوايا حتة منك اعشقك واعشق ترابك

يارب يامصر يحميكي من بكرة ومن بعده وطول الدهر

بكرة يابكرة ارجوك بحق الرحمن لا تاتي بلون الحداد

يارب يامصر تتلمي مع ولادك وخيرك يبقي في بلادك

ونعيش يامصر ونشوفك حرة مستقلة

وربنا يامصر يحوش عنك

محمود عشماوي

محمود

تسلم ياغالي علي الخبر وشباب مصر آدها آدود

وربنا يستر من التصرفات غير المسؤلة

تقبل تقديري واحترامي

أحترت أسمي نفسي · 04-06-2008, 04:35 AM

يعطيك العافيه محمود
دمت بود

baskoota · 04-06-2008, 10:07 AM


	بجد ربنا يستر اليوم من اللى حيحصل فى ناس وخدنها بلطجه انا نزلت الشارع اشترى شويه حاجات لاقيت كل المحلات والبياعين فى الاسواق قافلين حتى اللى فاتحين فاتحين نص نص وعربات الشرطه واقفه فى كل مكان ربنا يستر وتيجى بفايده الاضراب دا تسلم ايدك يا حووده على نقل الخبر دمتـــــ فى حفظ الرحمن بسكووته

منصور30 · 04-06-2008, 10:16 AM

دائما المصريين لهم كلمتهم
دائما المصريين من يقف ويناضل
دائما المصريين من لايرضوا بالظلم فهل سوف يفعلها المصريون مره اخرى ويوقفوا كل ظالم عن حده
نرجو ذلك والله يوفقهم

ಌ اح ـلى قـمر ಌ · 04-06-2008, 10:19 AM

إن شاء الله ما يصير إلا الخير

يسلمووو حووودهـ

لك كل الحب والتقدير

احـلــى قــمــر

ورده السوسن · 04-06-2008, 10:25 AM

الله يكون في عون الشعب المصري ويقدرو يحققو الي بدهم إياه
ويا ريت كل بلد حصل فيه ارتفاع حاد بالأسعار وغلاء معيشه
يعملوا زي مصر.........(رأي خاص وليس دعوه)
شكرا على الخبر

عاشقة الدموع · 04-06-2008, 11:10 AM

انشالله اخوي محمود ربنا معكوا
وكلنا معكوا اخوي ربنا يستر من الايام الجاية
واخواننا المصريين قدها الله معكم
يعطيك الف عافية اخوي دمت بود