يا مرحبا الساع

لا تقفل الباب
يا صاحبي راجيك لا تقفل الباب
لا تزيد هم(ن) ما لنا فيه حيله

اهز روحي كني احر لا نصاب
يبغي يطير ولا لقاله وسيله

في راس كتفه غاير(ن)مخلب وناب
ولا عادت الجنحان تقدر تشيله

والدمع لولا جفون عيني والاهداب
كان اغرق الخدين يا ذيب سيله

الشمس غابت والقمر مثلها غاب
وقضيت في بحر التعاسات ليله

تلعب بي الامواج والهم غلاب
وتزيد لا عدلت ميله بميله

في بحر(ن) يحير ذكيين الالباب
من ذاق منه ضاع عنه دليله

بحر الهموم اللي لها مخلب وناب
بحر(ن) قبل يقتل يعذب قتيله

يا هم لو ذليت عطران الاشناب
وش تستفيد الا الخزي والفشيله

ليتك على الرديان يا هم تنساب
اللي يديهم بالمواقف بخيله

يالله يا من شتت جموع الاحزاب
الواحد اللي كلنا نلتجيله

فرد(ن) صمدعالم خفيات الاسباب
في ذمتي ما انضام منهو دخيله

تغفر لمن جرحه من الهم ما طاب
تبكي عيونه لك وترجي ذليله

وسلاااااااااااااااااااااااااااااااااامتكم وش رايكم
القصيه للشاعر علي الزبداني صح لسانه
اتمنى انها تعجبكم
بيت القصيد