عيدك مبارك يا(حبيبـي) وكـل عـام=تحياوتبقى في ضلوعـي علـى خيـر
ويبقـى غـلاك بداخلـي مـر الايـام=دلو(ن) لحقه(إ)رشاه في آخـر البيـر
لو عاش قلبي من ضنا الشوق ينظـام=لأصبر عشانك لـو تطـول المشاويـر
ولوظل صدري ممتلي ضيـق واوهـام=لأبقـى واجاهـد والمحبـه مقـاديـر
هزّيت غصن(ن) من طرف جذع الاحلام=قصدي اشوف من الغلا وش يبي يصير
واثري جفاك ينوبني طول الاعوام=وما غير تسقط لك ثمار المعاذير
حتى الفـرح فـي جيتـك قبلنـا قـام=والشـوق شمّـر ساعـده للتعابـيـر
قم ياحبيبي وافـرش بصـدري ونـام=واطلق خيالٍ ما يبي اي تبرير
الحب خيـل(ن) والغـلا كنّـه إلجـام=والحظ فارس رافض(ن) يمّـك يغيـر
حبّـك بقلبـي لـو وصفتـه بإحكـام=حب البخيـل لجمـع صفـر الدنانيـر
والا الأكيد اللي كمـا بصمـة ابهـام=فاق البدو فـي حـب حمـر المغاتيـر
وحبّـك بقلبـي لـو كتبتـه بالأقـلام=تبقـى ملاحـم تنتسـب للأساطـيـر
كلمـه وارددهـا علـى مـرّ الأعـوام=انّـك حبيبـي دايمـاً غيـر ْX غيـر
وارجع واقولك (ياحبيبي)..وكل عـام=تحيا وتبقى في ضلوعي علـى خيـر

صح لسآنك واعتلآ شانك ,, ان كانها لك مكآنها ابداعات الشعرآء اخوي