رحبا الساع
هذي قصيده للشاعرفهد مساعد عجبتني مررررررررره حتى اني
اخذت بعض ابياتها كتوقيع لي ما ادري يجوز والا ما يجوز بس
ابيكم تقرونها وعساها تعجبكم المهم وش لنا بطول الهذره
شوفو:

المراسيل

اقول:يمكن تنفرج في المقابيل
ولا ادري الا الارض تحتي تهايل

وبعد التعب والهم والحط والشيل
توي عرفت ان البخت كان مايل

مع ذاك ابو ذيك الرموش المظاليل
ذاك الغريب اللي عمل بي عمايل

جتني مراسيله تشب القناديل
ومعها سؤال(ن)جاوبته النحايل

يقول: كيف الحال بعد المراسيل
واقول:مثل الحال قبل الرسايل

عمر الكتابه ما تجيب المواصيل
ريح مكاتيبك ترى الشك زايل

ان ما حصل همس وحنان وتعاليل
واعاتبك لين المح الدمع سايل

واجلس واسولف عن زمان البهاذيل
وانسى السوالف لا نسفت الجدايل

كذااااا يصير الحب والوصل والليل
وكذا ادري انك ما نسيت الجمايل

اما كذا والا اترك الحظ للميل
واتركني فوق الارض تحتي تهاااايل

وسلامتكم وصح لسان شاعرنا وبيض الله وجيهه