قلبي سلا عنك ياللي كان يوله لـك
ياللي بكيفك تجي و تغيـب سكّاتـي
ما تشبه الطيف غير الطيف يشبه لك
تمر عابـر و تيـار الزمـن عاتـي
ياكثر ماكنت باسم اشواقي انده لـك
و انته تكابـر و تتجاهـل نداءاتـي
ماهي بكيفك تواصلني علـى مهلـك
ان كان وصلك يهين النفس لا تاتي
النفس عودتهـا للعـز لـو تهلـك
كرامة النفس هي كـل اهتماماتـي
و اليوم روّح عسى الدنيا توجه لـك
غلاك عندي حسبته حسبة امواتـي
لاشك في خاطري شيٍ بقولـه لـك
ابيك قبـل المـوادع تفهـم الاتـي
صاحبك لامن حبل الوصل مده لـك
خلك على الوصل عندك دافعٍ ذاتـي
و حذراك راع النميمه لا يتنبه لـك
نصيحتي لك هديه و احفـظ ابياتـي
لاني احسك غشيم و يغلبـك جهلـك
و لاودي اتصير هرجة كل شماتـي
و الله يوفقك و الله يحفظـك لإهلـك
ودعتك الله و لك خالـص تحياتـي
منقوول..
04-25-2008, 08:31 AM
في خآطري شي..
النمط الخطي
