انت هجرك لي حرامن في حرام=وانت غالي في ضميري لوتغيب

جتني تقول اليوم انهيت الغـرام=وانتهى ماضي هوانا يالحبيـب
ابتعـد ارجـوك يكفينـي مـلام=انتهى المشوار والدرب الصعيب
انتهينا وانسحبنـا فـي سـلام=وانتهينا من حسيب ومن رقيـب
قلت يالمحبوب ياعـدل القـوام=خابرن تاليك مالي بـه نصيـب
لاتغيـر باقيـن عنـدي كـلام=اسمعه من قلب مجروحن صويب
كم سهرت الليل في عتم الظـلام=آترجـا شوفتـك منـي قريـب
انت هجرك لي حرامن في حرام=وانت غالي في ضميري لوتغيب
وكان ودك تنهي اليـوم الغـرام=انقلع قلعـت مقيطـن فالجليـب

مرحبا يالعويمري

نورتنا واتحفتنا

جميلة جدا وصح لسانك وان كنا نريد التأكد هل هي لك حتى ننقلها لقسم شعراء المنتدى

الشطر الاول بالبيت الاول

جت بدل كلمة جتني

ليستقيم الوزن

بانتظارك