قصيده من مبدع أهديت لمبدع
قصيده تتميز بكلماتها
وتتميز أيضاً بالشخص المهدا له
قصيده كتبها الشاعر محمد جار الله السهلي
للدفاع عن شاعر الثقلين
محمد ناصر الفراعنه
&الدهاه&

يا (نجد) شوفك عيـد وزيارتـك عيـد
مـن بـد بلـدان الخلـيـج ودولـهـا
وفيافـي (العـارض) تحليـك وتـزيـد
غـلاك .. عنـد محدثـك لا وصلـهـا
قولـي لهـا عنـي يـا دار الاجاويـد
لاهـب غربيـهـا وداعــب نفلـهـا
لا تحسبنـي فـدار اخـو مريـم بعيـد
واهـي هنـا بيـن المحانـي باهلـهـا
انـا سلـيـل معتقيـيـن المصافـيـد
اللـي حـووّا فيـك الإمـام وشملـهـا
توافـدوا للبيـعـه ابــلا مواعـيـد
وقبـل يراسلهـا لفـت لـه رسلـهـا
مـن منطلـق ديـن وقناعـه وتوحيـد
نفوسهـم كانـت علـى العـود ولهـى
مـا بايعـوا بحـصـار ولاّ بتهـديـد
الله علـى فـطـره سليـمـه جبلـهـا
كنـا ولا زلـنـا الـدهـاه الاوالـيـد
قـوم اصطفاهـا ذو الجـلال وجعلهـا:
يمنى معـزيّ لا صفـق حيـد ٍ بحيـد
دون الألـف والـلام ولــلام والـهـا
أفعالنـا تشفـي كـبـود المضاهـيـد
لـو مـا أنخلقنـا ماوجـد مـن فعلهـا
وفـطاعـة آل سعـود صـم الجلاميـد
نسـاوي قممهـا بــوادي سهلـهـا
وفـطاعـة آل سعـود جراهـد البيـد
تنبـت فخـر مـن دمنـا لا غسلـهـا
وفـطاعـة آل سعـود روس المقاريـد
نجتثـهـا قــدام تــدرك اجـلـهـا
حكامنـا والنـا الفـخـر والتماجـيـد
ان فعلنـا السـم الـذحـاح لزعلـهـا
وحنـا لهـم فعـل وقصايـد واناشيـد
واهـم لنـا معنـى الحيـاه وأملـهـا
وفـشاعـر المليـون نهايـة المـيـد
لرضاهـم حصـان العـوامـر كفلـهـا
الشاهق / المطنوخ / سقـم الحواسيـد
فكـره يعريّـهـا ويكـشـف جهلـهـا
فيـا اللـي تـزّود فالسواليـف وتعيـد
دعايـة (الصنوبـري) مـن قبلـهـا؟
بدعه.. ولا يذكـر ورى المبتـدع فيـد
واغبى مـن اللـي قالهـا مـن نقلهـا
نقـد ٍ بـلا معنـى !! حصيلـه مناقيـد
مـا يقنـع إلا روس جوفـا وبلـهـى
وان كـان تبغـى راي وافـي وتأكيـد
لا جيـت عقّـال الرياجيـل .. سلهـا:
والله مـا تبحـل ولا يمـكـن تحـيـد
بتقـول مــال الحمـلـه إلا جملـهـا
والحملـه اللـي بركّـت كـل صنديـد
فرعونـا ( ناصـر ) يقـوم بدبلـهـا
شاعر علـم : حنكـه وجـرأه وتجديـد
ينـزل قفـار ٍ ماحـد ٍ قــد نزلـهـا
فكـر وشعـر ناهـي وراهـي مواريـد
وان مالـت الدنيـا بفعـلـه عدلـهـا
فرقه عن اقرانه .. ومن غيـر تعقيـد
قصـه ابشرحهـا وابضـرب مثلـهـا:
مطامـع الشعّـار فـي نـدّر الصـيـد
تحثهـم علـى السعـي فـي سُبلـهـا
تقنـص لهـا بسهومهـا والبـواريـد
وهـذا رمـى هـذي وهــذا نبلـهـا
متزاحميـن!! وصيدهـم دايـم زهيـد
والنـادره تشـرد ولا احــد ٍ قتلـهـا
ومن خلفهم (ناصر) على حصان ابو زيد
واليـا شـرد منهـن عصيّـه ختلهـا
ولا هـي غريبـه يـا حفيـد الاماجيـد
لا شقـت مـن عيّـا عليهـا خجلهـا
الكايـده بنـت الفخـر قبلـة الغـيـد
طرقـا ً زهـى منظـر جسـدهـا حللها
وانّـا معـك دعـم ومواقـف وتأييـد
حتـى يبيّـن جدهـا مــن هزلـهـا
وان شحـت فيـاض الزمـن بالعناقيـد
عـادي يكفيـنـا جنيـنـا نخلـهـا!!
وخلاصـة الموضـوع والشـي الاكيـد
جمله و مـن قبلـي (فـلاح) ارتجلهـا
من غيـر قاصـر فالرجـال الصناديـد
(حنّـا معازيـب القصايـد واهلـهـا )

صح لسانك يابو جارالله السهلي