صباحكم ومساكم فل وورد وياسمين
من حدائق القوافي قطفت لكم هذه الزهره واتمنى ان يعجبكم فوح شذاها

السالفه

اطلق عنان السالفه ضحك ومزوح
فضفض عن اللي داخل القلب وارتاح

لا تشتكي من جاير الوقت وتنوح
طبع الزمن بين الخساير والارباح

شف واحد(ن)قدمك من الوقت مجروح
ذبلت سنينه والرجا ما بعد لاح

لو قلت لي مالك من الهرج مصلوح
خابرك في كل المواضيع لماح

عطني علومك يا بعد كل مملوح
جبها من اقصاها ترى الحب فضاح

باب التشرع بين الاحباب مفتوح
ان صرت وافي ما يبي منك مفتاح


الشك زايل والخطا منك مدموح
لا لاتقول ان الحطب ما بعد طاح

تبي الصحيح..............
تبي الصحيح انك من الروح للروح
لو رحت في خافقي شي ما راااااااااااااح

وسلامتكم
الشاعر تركي المريخي