مساكم الله بالخير عساكم طيبين
شوفو ا والا اسمعوا بس يا ريت تعجبكم
على الطاري
على طاري صباح الورد واسمك والحلا والذوق
ذكرتك يا اجمل احلامي بقافي..........واستهليته
على دروب القصيدا سوق قلبي والخطاوي شوق
واذا مالت بي الخطوه على دربك تناسيته
يهز الشوق باعماقي عناقيد الغرام عذوق
ويقطف بالغلا فيني غرام(ن)خنت واخفيته
احبك كثر ما يشعل غرامك في حشاي حروق
واشبه زود لو يحرق ضلوعي ومت ما طفيته
احبك دمعة طاحت على خد الصباح شروق
يموت النور لو طاحت على كفي وضميته
احبك ايه احب اسمك واموت بجيدك المنتوق
وتخيل من كثر ما اكره صدودك قمت حبيته
تموت من البطا غيمه طعنها من جفاك بروق
وغشى روض الحشا وسمي جفافك وانت ما رويته
رحلت وما بقى منك سواك انت وعنا مفهوق
عنا ذاك الربيع اللي غشاني ما تمنيته
تعال اجرح على كيفك تربع واستحل عروق
تدلل والبساط احمر وانا لرضاك مديته
قم اسهج لآخرضلوعي تغلغل داخلي برفوق
حلالك ما بقي مني مع اللي لاجلك افنيته
من اللي ما غديت اجمل قصيده................ما غدا له ذوق
ومن ذا اللي كتب باسمك قصيده....................وانكسر بيته
وربي من كتبت اسمك وبروزته بقلبي فوق
وانا ما دار في بالي قصيد(ن) ما تحاليته
دخيل الدمعتين اللي غدت منها الخدود شقوق
ترفق سامحك ربي على قلب(ن)لك اهديته
اذا لك حق في قلبي انا لي في غلاك حقوق
وحقوق الشوق محفوظه وانا حدي ماتعديته
تعبت اكذب على نفسي واقو ل ا ن الطرد ملحوق
ولاني طايل (ن) حبك ولا الله عان ونسيته
يذكرني صباح الورد واسمك والحلا والذوق
واردد: يا ((اجمل احلامي)) بقافي يوم هليته
وسلامتكم
الشاعر جميل بن زريع
05-09-2008, 06:35 PM
على الطاري
