على ذكر المواجع والحل والترحال
طويت اخر ورق عندي في دفتر احزاني
طويته ونكسر قلبي وصوتي بالمواجع سال
ودريت ان الظلام اللي تحت كف السهر جاني
جلست اجمع مسافاتي واغني للسفر موال
على صفحه من الماضي بها حلمي وعنواني
بها كم سافرت عيني ليالي والظلام اهوال
وبها كم سافرت روحي وان بالليل وحداني
حبيبي ليله البارح مشيت من الغرام اميال
واناظر رحله الذكرى هدب عينه تغطاني
حبيبي كل ما اشوفك تجي بالذاكره تختال
نهر من فايض الذكرى يجي من داخل اشجاني
تخيل يوم عانقني خيالك خاطري وش قال
تخيل قبل اسولف لك نشدني عنك وجداني
نشدني لين خلاني مدينه هزها زلزال
تخيل ما هدى حتى لقاك بوسط شرياني
نروح لسدره الموعد معاي لموعدك مرسال
واخاف انك تجي قبلي وترحل قبل تلقاني
هنا كانت ليالينا الغلا والمقبلات امال
وهنا كانت مواعيدك مطر تخضر به اغصاني
هنا كانت نواظرنا سوالف في كلام اطفال
وهنا كانت عصافيرك على دربي تحراني
هنا شفت باقي اثارك على رمل الوعد ما زال
وهنا شفت دمعه طاحت من عيونك على شاني
حبيبي لا تنشدني عن اوضاعي وكيف الحال
انا بعدك سحاب ابيض اضم الريح باحضاني
05-10-2008, 09:43 AM
رحله الذكرى
النمط الخطي
