العقل والجـــنـــوون

مقعد الدغيلبي · 05-20-2008, 05:56 AM

من فيض ماكنه هجوسٍ مارده بحراً غزير=غبة بحر ومواجها تصفق يمينه بيسره
تسعين قامه طولها وأتحير أفكار البصير=فيها لبيب المعرفه يحتار فكره وبصره
والحمد لله واشكره مالي عوين ولا خشير=الله عطانيها وأحمد الله عليها واشكره
منها أستمد القوه اللي حدها حد الشطير=سيفٍ يشيل السم بطنه والمناياء بظهره
يامفردات الشّعر غوصي واسبحي بحر الظمير=واسترسلي من قوةٍ داخل محيطه وبحره
حسبي على منهو حداني واعترظلي فالمسير=شيطان أبن شيطان زيره كل ليله ينقره
ياللي على المقفي رحاتك بالنمايم تستدير=عطني نهايتها معك واللي سواتك نستره
هاذي ثلاث سنين ساكت عن علومك ياحقير=أمحشمين الكلب من حشمة هله وانقدره
لآكنها طالت ووصلت للكبير وللصغير=واليوم من فوق الصفاء نوّخ بعيرك وهجره
نوخ بعيرك والرغى مكروه من بعد الهدير=كمٍ غشيمٍ وقّعت شلفاه في عرّض أنحره
قدام لاتصّبح على راسك عبوسٍ قمطرير=درب السلامه من بغى درب السلامه يعّبره
هاذي رساله رمزها ماهوب مجهول المصير=تارد بريدك والمعاني والحروف أمشفره
وليا قريت أحروفها راجع ظميرك واستخير=العقل مابينه وبين الجن ياغير أشّعره
وان عدتها والله لتونسها على الضلع القصير=هذي الحقيقه وانت خل المهزله والثرثره

؛؛

التنسيق مو راضي معي

امل من المشرف تنسيقها

سـلطــان · 05-20-2008, 09:52 PM

مقعد

صحيت كلك يابعدي

رائع كالعادة وكل نص لك استمتع فيه كثيرا بصراحة وليس مجاملة

نوخ بعيرك والرغا مكروه من بعد الهدير

الله الله الله

شاعر فحل

مثبته يابعدي

ترى التنسيق مايجي معي بعد !!

اسلـeslobyــوبي · 05-22-2008, 01:58 AM

•
•
الله .. الله
صـ ح لسَـانكٌ يالعتيبي
وبيض الله وجهكٌ
انــَا اشهد انك شَــاعر فحل
سلم رـاسكٌ يَــاحيي
..................

.•.الجـٍـْ¤ـازي.•. · 05-31-2008, 10:02 AM

يامفردات الشّعر غوصي واسبحي بحر الظمير
واسترسلي من قوةٍ داخل محيطه وبحره

الله الله ,, صح لسآنـــك مليون ولايسدون
رآئــع ومدآتك جزله يالدغيلبي

لاعدمنــآ جديدك

مقعد الدغيلبي · 06-04-2008, 07:17 PM

إقتباس

أرسل أصلا بواسطة سـلطــان


	مقعد صحيت كلك يابعدي رائع كالعادة وكل نص لك استمتع فيه كثيرا بصراحة وليس مجاملة نوخ بعيرك والرغا مكروه من بعد الهدير الله الله الله شاعر فحل مثبته يابعدي ترى التنسيق مايجي معي بعد !!

صح بدنك يالامير

ومرورك شرف ومشكور ع التثبيت

ولاهو غريب عليك الطيب

لك كل التقدير والود والشكر

مرتاح أحبك · 06-10-2008, 09:45 AM

كعاادتك أخوووي مقعد التميززززز..

بارك الله فيك ...وصح الله لسااانك.

دائما متشوووقين لقراءة رووعة أطروووحاااتك..

يعطيك العااافية

وتقبل خاالص احتراماتي وتقديري

امل الغد · 06-17-2008, 12:52 AM

يامفردات الشّعر غوصي واسبحي بحر الظمير=

واسترسلي من قوةٍ داخل محيطه وبحره

^

الله روعـــــــــه هالبيت

تصوير خيااااااااااااااالي

صح لسانك وعلا شانك

الشمس الذهبيه · 06-17-2008, 08:03 PM

رائعه من روائعك الجميله

يعطيك الف عافيه

bilel_2 · 06-18-2008, 08:24 PM

كعاادتك أخوووي مقعد التميززززز..

بارك الله فيك ...وصح الله لسااانك.