ان شفت احد يبكي بكيـت وتالمـت
وان شفت احد يضحك تجلت همومي
وان شفت منظر موت با الليل ما نمت
وان نمت لحظـه قومنـي حلومـي
وان اشتكى لي شخص جرحه تحطمت
تعبت مجاديفـي وبـردت عزومـي
ولا صرت انا مخطي سكتت وتبلمـت
الكـذب ابـد مـا يقبلنـه سلومـي
الحكي ماهو دايم ابلغ مـن الصمـت
والصقر حجمه عشر حجم الرخومـي
يسراي ما تدري عني ويـش قدمـت
والحال ماهـي يـا نديمـي تدومـي
باسرار جرحي كل من شفت علمـت
مـع انـي ادري مـا لهـذا لزومـي
مـا يزعجـن تانيبهـم لا تكلـمـت
مادمت انا واثـق ومالـي هدومـي
لو ما انا واثـق تشيمـت واحجمـت
ابشـرك بيـن الرجـال محشومـي
لكن وحق اللي لجل وجهـه اسلمـت
الواحد اللـي فـي عبـاده رحومـي
ماني بمتحسف على كل مـا اقدمـت
عليه لو سبيت فـي وسـط قومـي
وحلفت مره ثانيـه عقبـه اقسمـت
لا اكشف لكل الناس خافـي علومـي
بديـت جاهـل لكـن انـي تعلمـت
لوني جبان يصير ما لـي خصومـي
الاكثريـه وآسـف ان كـان عممـت
شكله صقور وداخلـه ديـك رومـي
لو جبت كل العيـد دام انـي افهمـت
بعض العرب خـل المعاليـق تومـي
05-29-2008, 09:56 AM
الحكي ماهو دايم ابلغ من الصمت
