وصاتي لك من بعدي= تموت فيها علشاني
ابيها تعيش وتحيا بك= واظل بالذاكره مفقود
وصاتي لك تنسيها = ملامح وجهي وتنساني
وتعزفها قصيده حب =على عكس اللي عزفته بعود
وصاتي لك تبعدها= عن اشعاري وقيفاني
تراها مغرمه بالحيل =ويشهد لي عدد الردود
وصاتي لك تسايرها= ترى فيها من الاحزاني
طلبتك لا يضيق بالك = طلبتك والطلب مردود
وصاتي لك تناديها=حياتي ..عمري..ازماني
انا عودتها دايم= ادلعها وانا موجود
وصاتي لك تعلمها =بطبيه القلب واحساني
تراها تذرف الدمعه= ودمعتها بليا حدود
وصاتي لك تحفظها = سور وايات قراني
وتخبرها عن الميت=رحل لا يمكنه بيعود
وصاتي لك ترسمها=على قبري واكفاني
ابيها لوحه تبقى= على طول الزمن محدود
وصاتي لك تمازحها=وتشوف الضحكه باسناني
سعيتك يا ضحك هالكون = طلبتك لا تصير جلمود
وصاتي لك تقهويها=من دلالي وفنجالي
تراها تعشق السمرا =ويكفيها دخون العود
وصاتي لك تركبها =على خيلي وحصاني
وربي فارسه من القلب = شهاده ماهي لشهود
وصاتي لك تسفرها = بلاد الشام ولبناني
ترى يحلالها تقطف ورده =وروده من بلد الورود
وصاتي لك تراقصها =على الحان الرحباني
وصاتي لك تحببها=في ابو نوره بعد هاني
وتنسيها ندم غلطه= انا فيها ترى المقصود
وصاتي لك تكرها =في تاريخي وعنواني
ابيها تلعن اللحظه=وتلعن كل فرح موعود
وصاتي لك تكلمها= عن المجني وعن الجاني
وتخيلني انا الظالم=وانا من حرق الاخدود
وصاتي لك تشبهني=بدم احمر قاني
وانا هالقاتل السفاح =مجرم من عصر منرود
وصاتي لك تحلفها =تتوب تحبني ثاني
ترى يكفيها ما عانت=ويكفي حيلها مهدود
وصاتي لك تنسيها = وصيه قالها لساني
انا اخبرك رجل موقف =وانت قدها وقدود
صديقي مالقيت غيرك = يعرف وشلون تنساني
امانه ضمها بقلبك =ترى خالد رحل ما يعود