الحووشى المصرى<<خطيييييييير بالصور <<

@الصاعقه@ · 06-14-2008, 12:20 PM

المقادير

اما انكم تجيبون خلطة كباب جاهزة من اللحام يكون فيها البصل والبقدونس
والبهارات والملح او انكم تسوونها بالبيت وعشان تسوونها بالبيت (انا سويت الخلطة بالبيت)
اللي يجب اللحمه الكباب جاهزة يزيد عليها بالبيت حبة بطماطم متوسطه مفرومه ناعم
(عشان ما تطلع اللحمه ناشفه لما تنشوى بالفرن)
ربع كيلو لحم مفروم ناعم جدا + 15 عرق بقدونس مفروم ناعم + بصلة متوسطة مفرومه ناعم جدا
+ طماطه متوسطة مفرومه مكعبات صغيرة جدا + ملح + بهار اسود + قليل جدا من البهارات
+ ملعقتين كبار زيت زيتون(اختياري فلفل احمر بودره للي يحب الحر شوي بس).
يعني تجيبي اللحم مفروم ناعم مره وتفرمي كل شي على حده
وتخلطينهم بعدين كلهم سوا بيدك زين تخلطينهم باليد.

الطريقة :
تجيبي خبز لبناني سميك شوي مو الرقيق
تجيبيه وتفتحيه من جهة واحده شوي وتمدي فيه شوية من اللحمه وترصيها داخل الخبزة زين
بعدين تسكريها وترصيها بيدك وتدهني على يدك مسحة زيت زيتون وتدهني الخبزة
من الامام والخلف بس لا تمليها زيت بس مسسسح بيدك على خفيف (انظري للصورة)

ثم تقسميها لاربع اقسام بعدين تلفي كل خبزة با (القصدير) وتحكمي عليها الاغلاق
وتخلي اللفه المفتوحه من فوق عشان ما ينزل ماء اللحمه لتحت بالفرن
وتدخلينهم بصينية الفرن على الطبقة الوسط وتكوني مشغله الغاز من فوق
ومن تحت على حرارة 180 - 200 درجة وبعد 20 دقيقة شيكي على وحده منهم
اذا احمرت ولا لأ اذا ما حمرت اتركيها بعد شوي ممكن تاخذ وقت 30 دقيقة
على حسب نوعية الفرون ونوعية الخبز اوتشوينها بالفحم بعد ماتحطينها بالشبك

بعد ما تطلعيهم من الفرن خليهم بالقصدير مسكر عليهم شوي عشان ما ينشفوا
الخبز او ييبس وبعدين شيلي عنه القصدير وحطيهم كلهم في صحن وغطيه زين بالقصدير
او بحافظه او بكيس نايلون واحكمي الاغلاق عليهم لمدة لا تقل عن خمس دقايق،
عشان تطرى الخبزة شوي اذا كانت محمصة والطعم احلى من اي مطعم واغلبي فيه المطاعم

منقول بالهناء والعافيه على قلوبكم