هذا ماحصل لي بكليه الدمام

الزين شرقاوي · 06-16-2008, 08:33 PM

السلام عليكم ورحمه الله وبركاته
وبعـــــــــــــــــــــــــــــد
اخواني اعضاء منتدى المجالس الرومنسية صارت لي سالفه بالكليه وابي رايكم فيها وانا بقول لكم راييي
وهي بعد مانتهينا من الاختبارات يوم السبت وحبينا نداوم يوم الاحد وبنات واجد طبعا نفس الحاله
وهي اننا تفاجئنا بمنع الكليه لنا من دخول الكليه ووقفونا عند باب الكليه الخارجي من الساعه 7 الى الساعه 9 ونص بالشمس والحر والععطش لا وازيدكم من الشعر بيت ان المسؤول عن الحركه كان كل شوي يمر من عندنا وكان بعضنا كاشفين وجييهم طبعا من حر الشمس بالله عليكم هذا حل ويقولون العذر انهم مو فاضين لازعاج البنات الي ماعندهم دوام يعني تخيلوووو الرد السخيف حنا بالبدايه توقعنا انهم بيسجلون اسمائنا وبس بس تركونا عند الباب الى الساعه 9 وزياده وبعدها شرفتنا حقت الامن وعلى تهزئئ وكاننا مسوين جريمه ظ؟؟؟؟؟؟؟؟؟؟؟؟؟؟؟؟؟
انا الي ضايقني اني شفت طالبه اعرفها مفصوله من الكليه بسبب ازعاجها وكثره مهاوشتها مع البنات علشانها تعرف وحده من الامن دخلوها ولاكانها مسويه شي
باللــــــــــــــــــه عليكم وش رايكم انتم بالموضوع مو قهر لان فيه بنات جنبي اتفقو يروحون لمجمع الواحه ومن هناك يروحون لبيوتهم يعني بالله وش كان لو سجلو اسمائنا من بدري ودخلونا يعني ماتوقع ان الكليه بيصير فيها انفجار من الزحمه
ابغى ردودكم وارائكم وطبعا الي بكليه الدمام راح تكون سمعت طبعا عن الي صار

هم الزمن · 06-17-2008, 04:33 AM

الزين شرقاوي

صباح الخير

من رأيي انه اهمال وتسيب

والادارة مسؤله عن كل شي

ويجب عليها معرفة كل صغيره وكبيره

وعليهم ان يجهزوا قاعات خاصة

لمثل هذه الامور والطواريء

ارق تحية لك

نـ ع ـومة السكيـن · 06-17-2008, 03:51 PM

وعليكم السلآمـ

آانا عندي سؤال ليه تدوامي وانتي ماعندك اختبارات ولا دوام من الآساس
يعني أنتي خالفتِ النظام وجايه ..
واحنا نعلم انو أيام الاختبارات مستحيل يخلوكِ بالساحه
والطالبات يختبروا اولآ ازعاج غير كذا السرقات
لانو أغراض الطالبات كلها تحت تكون ..
وهما مو فاضيين لفوضى طالبات في أيام صعبه زي كذا
أنا اشوف معاهم حق بالي صار ..
المفروض بمجرد أنتهاء الدوام عدم الذهاب للجامعات

::
::
أنا أتذكر بـ أيام الثانويه بمجرد خروجنا من اللجنه
لايجلس أحد بالمدرسه ويجعلونا بالخارج ننتظر
فما بالك بجامعه كبيره أو كليه ونحن الان كبار ونعرف ان ذلك ممنوع ..
::
::
::

أنا لدي صديقه ذهبت يوم ألاحد لانها غلطت بالجدول وافتكرت انو اختبارها
ماكان من العميده الا انا طلبت منها تخرج لان يمنع جلوس اي شخص
بحرم الكليه فتره الامتحانات وذلك لعدم السرقات او الازعاج او غيره
فاذا كنتي انتي احد الطالبات الممتحنات ويوجد من بالاسفل يتكلم
وانواع الفوضى والصراخ والضحك اليست يؤثر ذلك عليكي
او تعرضتي للسرقه فلن تتهمي أحد سواء من كان في الحرم الجامعي
::
::
::
انا من الطالبات اللاتي لاأحب أن اخالف الانظمه حتى لاأعرض نفسي
للمهانه أو الكلام لآني لاأحب أن أقلل من آحترامي لنفسي
وياعزيزتي
يوجد اشياء كثيره نحن نتذمر منها ولكن لانعرف مالهدف من ذلك
لكن يوجد أمور كثيره تكون هيا بصالحنا ومن أجل راحتنا

الزين شرقاوي

آلف شكر على القضيه التي طرحتيها
واعذريني اني قسيت بردي ولكن علينا نحن آحترام الانظمه
لكٍ احترامي وتقديري

الزين شرقاوي · 06-17-2008, 08:14 PM

اختي نعومه السكين ردك على ع يني وراسي ومو بس انا الي داوت طالبات و اجد الي داومو وحبيبتي انتي تقولين انهم يمنعون وجود الطالبات بالصاله شلون يمنعون وجودهم وهي اساسا فترتين الفتره الاولى من ال7 الى ال9 والثانيه من ال11 الى ال1 وطول هالوقت فيه بنات بالساحه فانتي اعذريني ماصدقتي بانهم يمنعون وجود الطالبات وقت امتحان الطالبات
وبعدين حبيبتي وش راح يصير يعني لو دخلونا من بدري اوكي اذا انتي ماتخالفين الانظمه ماتوقع انهم جريمه اذا داومنا وبالعكس كان من المفروض انهم يدخلونا ويتصرفون اي تصرف داخل الكليه مو يتركونا برا الكليه لان فيه بعض الطالبات طلعو برا راحو للمجمعات يعني برايك هم كذا تصرفهم صح او غلط ؟؟؟؟
القوانين الي كذا الي تضيع البنات وماتنفعهم الله يقلعها من قوانين

طيوووفه · 06-17-2008, 09:30 PM

هم شكلهم بيعطونكم درس علشان ما تعيدونها مره ثانيه

ان شاء الله انكم استفدتم؟؟

مع انه تصرف قاسي منهم والمفروض يلجئون لحلول افضل..

دمت بود..

نـ ع ـومة السكيـن · 06-18-2008, 01:41 AM

"{ ..
الزين شرقاوي ,’
آحنا لدينا ممنوع ذلك منعاً باتاً
سواء كانت فترتين او اكثر
لآنه طالبات الفتره الثانيه عليهم التواجد من 10 وهكذا
لذلك انا تكلمت بحكم جامعتي والانظمه التي اعلمها بها
لذلك لآاستغرب أن فعلو ذلك معنا
لانو يعتبر غلطه او جريمه بنظرهمـ ..!!
وأن أرى أني أوقف على الباب أو أجعل الدرايفر يأتي واذهب
ولاأدخل لديهم وأجد من الكلام مايجرح كرامتنا
وانا وانتي نعلمـ مدى حبهمـ للكلامـ والفلسفه و طوالة لسان كل شخص
من حراسات آمن آلى أكبرهمـ
برايفت ..!!
بيني وبينك ولآاحد يسمع
أحنا مانصدق الاختبارات تخلص عشان نفتك من الجامعه
وانتو تروحو لها بالله ايش تشووفو فيها
الناس تقول بكرا اخر يوم وبعدو نشبع نووم
وانتو تقولو بكرا اخر يوم وبعدو أحلى دوام

.. الزين شرقاوي }"

,, دائما لك طلةٌ رائعٍـه
لكِ ودي وإحتٍرامٍــي ’,

ذكراك تكفي · 06-18-2008, 09:45 AM

تستاهلون ما جاكم ليه تجون في يوم مافيه دراسه حن نفرح باليوم الي مافيه لا محاضره علشان نسحب وانتوا تجون وماعليكم شي والله عاد حاله

الزين شرقاوي · 06-19-2008, 09:27 PM

ذكراك تكفى
مرورك لم يسعدني ووجودك لم يفرحني

الزين شرقاوي · 06-19-2008, 09:45 PM

نعومه سكين ياقلبي احنا يوم افتكينا من الامتحانات معنا وحده م ن البنات كان باقي لها يوم وجينا معها انا كل الي قاهرني ليه القانون على ناس وناس وبعدين والله كان اهون لو جلسونا بغرفه وحبسونا داخل الكليه ولا انو يخلونا بالشارع مثل ------------------------
اختي الغاليه الموضوع مو موضوع ليش جيا او ليش ماجينا الموضوع ليه التصرف الهمجي هذا لانو لو درو اهالينا انا ظلينا ساعتين برا الكليه ممكن يصير تصرف ثاني الى متى وهم بالتخلف هذا كان من المفروض على قوله اخوى هم الزمن مجهزين حالهم لمثل هالتصرف ورايك على عيني وراسي ومرورك حيييييييييييييل اسعدني ياقلبي ونورتي صفحتي يالغاليه