҈ سحـَ‘ــرٍ إلجمـَ‘ــإل ҈ .}

ღ.صدى الآهـات.ღ · 06-22-2008, 05:49 PM

مساإئكم / شعر

/

\

لا الرياض ولا عـــروس البحــر وجبال الجنوب
لا ولا حتى الفضـــــــا من دون عينك محقره

ديرتي .. ديره عليها لفحة انفاســـــك تجوب
وبيتي اللي تسكنينه لو يكـــون المـقـــبــره

بوصــلــة قلبي تشيرك لا شمـال ولا غروب
وين مارحتي.. خفوقي ســـايرك ما أجـــبره

لوخلق ربي بلاد الحسن واسكنها الشعـوب
كنتي انتي عاصمــة سحـــر الجمال ومنبره

يكفي انك لا ابتسمتي تبتسم كــل الدروب
وان ضـحـكـتـي تنحني لك الغصون المثمره

ويكفي انك لوهمــسـتي الصخر منك يذوب
وان نطقتي تنكسف منك الغيـوم الممطـره

ساحـــرة عين الخلايق والملا في كل صـوب
وان بغيتي تذبحيهم؟! تملـــكين المقــــدره

الجمـــــــــال اليوم فصل من دفـا كفيك ثوب
والحــــلا لولا وجـــــودك البشــــــر ماتذكره

كامله والكامل الله مـافي اوصـافك عيــــوب
كن ربي ماخلقــــــك الا قـــــمــــــر ومنوّره

وانا ياللي كان قلبي غافـــل ٍ بين القلـــــوب
من لقيتك فـــــاق قلبي من جمــــالك يامره

من زمن جدي وانا ابني بيت حبي طوب طوب
ولا سكنه انسان غيرك من قديمه وحـــاضره

جيتي ابـ سلم لحياتي في زمن كله حــروب
جيشك رموشك وقادتهم عيون ٍ ســــــاحره

استحليتي خفوقي واعترف كنت مغصــوب
من لمح زينك وربي مايقـــــــاوم منظــــــره

كيف لوانه تهنى بلمسة الشعـــر اللعوب؟!
كيف لو انه تنفس نسمــه منــــك معطـّـره

كيف لو انه بلحظـــه ضمـّـك بصــدر ٍ رحــوب
وامتلا صـــدره حنـــان بضمـــه منـّـك مبهره

صدقيني عن حياتك عمره مايسلـى ويتوب
فاعـذريني يوم شفتك طــالبك بالمعــــذره

امتلكتي مابقـــى بي ماني بقولي كــذوب
وارتكزتي وسط قلب ٍ حسنك اللي عمـّـره

نوب احبك كل كلك..واعشقك واهواك نوب
كيف لا ؟! وانتي مـــلاك ..الله خلقه وصوّره

صدقيني دون وصلك العــــمـــر همّ وكروب
ضيقة انفاس .. وكـــآبه .. والحيــاة مدمـّّـره

وصدقيني دون وصلك يشتعل جوفي شبوب
نار خوف .. ونار حزن ..ونار.!! مدري محيـّـره

وصدقيني لو اقول من الشمــال اليا الجنوب
دون عينك ياغـــرامي.. ((موطن ٍ يامحقره))

لـ /صإلح إلحميـد

"ٌُ