على هجعة عيونٍ ماهناها النوم خمس شهور=ثلاث شهور مع شهرين جفن العين سهراني
وبعد مانزاح ثلث الليل واستبشر طلوع النور=جنون الشعر ثلث الليل تأمرني وتنهاني
تفضل ياهجوسٍ في غياهب مهجتي محشور=بعد مالاح براااق الفرج من غر الامزاني
تباشر بالنصر دام النصر قامت رحاه تدور=على بر الامان وفالامان وداخل آماني
نويت انحت صخر واقطف ثمر وسبح عميق بحور=بحوراً تستظيف بقوعها لؤ لؤ ومرجاني
أعشق الكايده وآصلها لو دونها الشرشور=لآشاش الراس قوة باس يخدم كل شيطاني
كذا طبعي وانا طبعاً لآني مغرم ولا مجبور=قراده والقراده في طريق الموت تحداني
هذا مؤجز هذي نبذه بسيطه في ثلاث سطور=ثلاث سطور والمجد العفر رمزي وعنواني
وذا كله لجل مرسول عشقٍ يلتطم ويفور=مراسيل الشكاوي بالشكاوي عند بيباني
على فراش المعزه والكرامه نوّخ المظهور=وصلت لشامخٍ عز وذرى يامنبه العاني
غلآي وسلوتي تشكي من اهل العمي واهل العور=وتندبلي بصوتٍ نبرته من هم وحزاني
تبلوها رخومٍ مالهم مجد وقصار شبور=عواذيلٍ مهمتها تفرق جمع خلاني
ماعاد ابها سكوت ولاش راي ولاستماعت شور=أبه نصراً عظيمٍ يستغيض أفلان وفلاني
تعالي لعنبو حيك وخلي خاطرك مسرور=حراماً من حزامي ماحسبت احساب عدواني
مكاني فوّل الطابور وأعشق مقّدم الطابور=على هاذي حياة العود قبل يموت وصاني
وانا حراً تسلسل من حراراً فعلها مخبور=عشايه من مخاليبي وعزي روس جنحاني
انا من عزوةٍ يوم الملاقى والسلاح يثور=لها فعلٍ عظيم وصيتها في كل الاوطاني
رجالٍ تكره البوره ولو بعض الرجال تبور= سهوم الموت لآمن ولعة شعله ودخاني
على عز ومعزه في رحاب البيرق المنشور=مواقفهم عظيمه لآحضروا في كل ميداني
عتيبه عزوتي حطت على نجد المسمى سور=زمانٍ فات يومن الحصان بسرج وعناني
لنا فالمجد مجد وفي حمانا يرتعن الخور=ويشبع من فرايسنا الفهد والذيب سرحاني
ذكرت اللي ذكرته والحقيقه مادخلها زور=وانا شاعر عتيبي وافتخر بفعول جداني
هذا قول الصحيح ولا على باق الرجال قصور=لنا فعل ولهم فعل ولنا شان ولهم شاني