لحقوا يا بنات نصايح لكــن

..][ غـــزل ][.. · 06-26-2008, 07:05 AM

اهلين يا بنات
كيف الحال انشاء الله بخير ؟؟
ما علينا المهم انا اليوم جايبه لكم موضوع يجنن
يفيد كل بنت تبي تتزوج وما جاها منحوووس وتعيس الحظ يؤ يؤ قصدي (( سعيد الحظ ))
هههههههههههه
اليك الحل السريع ...

إلى كل بنت ناشبة في حلق اهلها
وماتزوجت مع انهم حاطين معها اختها مجــاناْ

* كيف تصطادين المعرس دون اللجوء للأساليب السقيمه مثل
المغازل ، الترقيم ،
التلميح اللي ماله سنع ، الترزز بالأسواق ...... الخ .

للإجابة على هذا السؤال إليكِ مايلي :->>> صار كتاب طبخ هذا ههههههههههه

* أهم نقطة انتبهي واحذري على العجوز اللي حاطه
عينك على ولدها ثم نفذي مايلي :-

1) خليك مع امك لاتروحين مع البنات
وتتهيبلين اصبري عنهن كم شهر
لما تتم العمليه .

2) امشي وانتى حاطه راسك بين كتوفك
لاترفعينه ابد حتى لو ينكسر ( خلي
الفكس دايم في متناول اليد )
>>> عشان يقولون مؤدبه وماهي متكبرة.

3) كلمة خالة خليها على لسانك وخاصة
لأم المعرس عشان تحس بنوع
من التميز عن بقية
العجزه لامانع تنادين عجوز ثانية بخالة
عشان اذا مانجحت الخطة مع العجوز نمبر ون
تنجح على الثانيه <<< الاحتياط واجب يابنيتي

4) اذا بدت امك تتكلم طقيها بكوعك ( اشاره يعني )
عشان تدخلك بالموضوع
حتى لو مالك داعي تطبيقاْ
للمثل ( كثر الطق يكسر الحديد ) >>>ادري المثل
ماله داعي بس مالقيت غيره .

5) اخوانك الصغار لاحقيهم وطامري
معاهم وين مايروحون حتى لو ماهي
عادتك بس تصرفي
معهم كانك امهم عشان العجوز تاخذ فكرة
انك حريصة على ذريتك
>>>( جعلهم عقبك )

6) كل ما اكلت امك من اكلة زينة خليها
تقول : نفس الأكلة اللي تسويها بنتي ( حتى لو
الاكل من المطعم
الصيني أو المكسيكي!!! ).

7) اذا جيتي بتمدين ايدك جعلها للكسر <<< خربتها
توجعي وخلي
امك تقول : قايله لك وانا امك لاتنظفين
جدران الفلة الخارجية بس انتي
الله يهديك ذابحتك
النظافه <<< جعلي ما ابكيك اجل بتنظفين جدران الفلة
نظفي غرفتك أول اللي تقولين
ثايرة فيها قنبلة ذرية

8) اذا تكلموا الحريم عن العرس اكتمي
نفسك لما تحمر خدودك عشان يقولون البنت تستحي
ومالنا حق تكلمنا عندها << بس لاتكتمي نفسك مرة أخاف تروحين فيها
واصير قتلت نفس بغير حق ؟؟!

9) مهما كان موضوع الحوار حماسي
لاتبدين رايك خليك مثل الطرمان >>> لان اللقافه تجيب اجل
الخطه

10) شعرك افرديه لاتخلينه طاير وشوشه
مهما كانت الموضه لان العجزه ما يدورون الا اللي
شعورهم ناعمه والا اللي شوشهن
طايره محد يلتفتلهن >> (مع احترامي
للي لهن شوش طايره )

11) إذا أدبت العجوز (أم المتوهق) بأي راي
سواء سياسي ولا وطني ولا اقتصادي وافقي عليه
حتى لو انه ماسخ وماله داعي
مثلاْ تقول العجوز: أمس بوش متقهوي
عندنا يا فلانه قوليلها
وليه ماعلمتينا ياخالة نجي نعاونكم؟؟

12) في العروس لا ترقصين واعتبري
الرقص عيب يعني اقضبي ارضك وانثبري.

13) اذا جا طاري السوق وهو طبعا
لازم يجي الطاري لانه ملح الجلسه
عند الحريم خلي امك
تقول ( الله يعظم اجر اميمتك) بناتي
مايطلعون للسوق ابوهم يجيب اغراضهن .>>> كثري منها

))))))))) احتمــــــــــال وارد الحــــــــــدوث (((((((((

يمكن تكون العجوز حاطه عيونها على بنت
غيرك لكن بعد النقاط السابق ذكرها بتصرف نظر
عنك وعنها <<<< امزح لاتصدقين

ماعليناااااااااا المهم اللحين العجوز بتكون وقعت بالفخ

* نروووووووووح للمعرس اللحيـــــــن *

* اهجدي في بيت اهلك ولاعاد تطلعين
واذا جا المعرس بيشوفك خلي ابوك يقول والله ودي
تشوف البنت بدون ماتدري عشان تاخذ
راحتك وانا عمك وبعدين تشوفها على
الطبيعه عشان ماتقول
غشيتوني << إيه هين يالشايب والله لو بيدك لتحط مكانها
باسكال مشعلاني ولا نوال الزغبي ولا غيرها

* وقبل يجي اليوم اللي بيشوفك فيه
بحوالي اسبوع او اكثر ( على حسب شين وجهك )
اركضي من صالون
لصالون (صبغه، فرد، تنظيف بشرة ....الخ) لاتخلين على روحك
قاصر ولما يجي المعرس
خلي اخوك يوقف يمه عند الشباك عشان ما يطوّل بالنظر اليك >>> مشكلتنا والله
وذلك تطبيق لنظرية اللمحه ذبحه.

* بعدها عاد كيف بيشوفك هذي عليك
ماهوب كل شي بعلمك اياه
دبري عمرك بس خلي ابوك
بنهاية المشهد يقول : العذر والسموحه
وانا عمك << الشايب ضمن الولد يوم يقوله وانا عمك
ترا البنت حوسه (مع انك طاقه كل زينك ) بس
بهاللحظه الولد بينط على راس ابوك و يبوسه لما يشفط مخه وبيقول
متى العرس ياعم
( اللهم ارحمه فقد كان باراْ بوالديه )

عاد الله يوفقك ولا تنسينا من
حلاو العرس واياك تعلمين الولد من معلمك
هالعلوم ولا حتى باسمي اتفقنا

(((((((( تحذيــــــــــــــــر ))))))))

ابتعدي عن امهات العيال اللي متعلمات
راعيات الشنطه مثل لون الجزمه ( الله يكرمكم )
لان هذولي يبيلهم خطط بعيدة المدى

(((((((( نصيحــــــــــــه )))))))))

رفيقاتك بيلاحظون التغيرات المفاجئه
اللي صارتلك فاأنتي الله لايهينك قولي لهم انك
خلاص انسانه عرفتي درب السنع والعداله >>>> امحق سنع هههههههههه

كلوووووش منك العيال ومنه المال
وان شالله تخلفون صبيان وبنات

والموضع ملتووش لعنون اللي طايحه بكبد اهلها

تحيتي لكن

عذبة المبسم · 06-26-2008, 02:29 PM

ههههههههه حياتووو زيووونه مشكوووره ..نصايح شئ ..هههههههه

يعطيك العافيه .

سـراب الـدمـع · 06-26-2008, 05:22 PM

ميـ Myasim ـآسم · 06-26-2008, 07:11 PM

ههههههههههههههههه

شنو هذا زيونه قصم قصمات رهيب ..

يعطيك العافيه ..

ودي يسكنه وردي

أحلى جوري · 06-28-2008, 04:33 AM

يسلموروعه والله

لاتحرمينآ جديدكـ

تحياتي لك

جوري

εïз::M!Ss Mimee::εïз · 06-28-2008, 08:02 AM

يسلمووو على الطرح الرائع
يعطيك العافيه

..][ غـــزل ][.. · 06-28-2008, 09:23 AM

عـذووبــه
ايه شي وتصلح لك بعد
مشكوورة ع هيك طلــه

سراب
ويعاافيـك يالغلا
منــوورة

ميسومه
عسى استفدتي منها
وقصم ان مرورك يزنـــــــن

جورية
الارووع تواجدك يادلبـو
شرفتيني

Mimee
ربي يعاافيك ويخليك ع هالمرور
تسلمين يالغلا

.•.الجـٍـْ¤ـازي.•. · 06-28-2008, 10:45 AM

الف شكر لك ,, والله يعطيك العافيه

مع خالص شكري