الشاعرة عابرة سبيل يرحمها الله

اصايل المساء · 07-28-2008, 03:51 PM


	السيرة الذاتيه الأسم : أم فهد العازمي الجنسيه : كويتية الحالة الأجتماعية : متزوجه ولديها خمس من الأبناء المؤهل الدراسي : ثانوية عامه وبتفوق سبب وفاتها : انتشار السرطان بجسدها --------------------------------------------------- عابرة ... اهلي يدرون اني شاعره بس مايدرون في جرح الليال يمنعوني من كتابة خاطرة مادروا اني من زمان بهالمجال اه00لويدرون اني ((عابره)) عندهم بتصير موتتنا00حلال ]الشاعرة تتحدث عن نفسها ... أنا لااعصر الجرح لتفرحوا بنزفه فهذا عذاب آخر بل تعصرني الجراح وتولد القصائد انا لااتصنع ولااغير في ملامح قصيدتي بعد ولادتها اذا اعلنت القصيدة وصولها لااملك لها سوى قلما ينقلها كما هي كما تجول وتتخبط في داخلي لارتوش ولامكيج ********** بطاقة شخصية ... انا عجوز مطلقة وام ورعان وايضا مدام وبنت وانس وعانس انا بدوية وعايشه عند حضران وبنت البحر وابوي زارع وغارس امية ماتعرف حروف والوان وتلميذة دشت جميع المدارس ظفره وخبله وعاقله في نقصان شرود وانطح لي ثمانين فارس خلون 00اعيش العابره دون عنوان طيف يمر بلا رقابه وحارس ******* وصيتها لزوجها قبل وفاتها .. ترى الذبايح وأهلها ماتسّليني أنا أدري إن المرض لا يمكن علاجه أدري تبي راحتي لا يابعد عيني حرام ما قصّرت يديك في حاجه أخذ وصاتي وأمانه لاتبّكيني لو كان لك خاطرٍ ما ودي أزعاجه أبيك في يديك تشهدني وتسقيني أمانتك لا يجي جسمي بثلاجه لف الكفن في يديك وضف رجليني ما غيرك أحدٍ كشف حسناه واحراجه أبيك بالخير تذكرني وتطريني يجيرني خالقي من نار وهاجه سامح على اللي جرى ما بينك وبيني أيام نمشي عدل وأيام منعاجه همي عيالي وأنا اللي في كافيني علمهم الدين تفسيره ومنهاجه ********** أمي يمه00يايمه00فديتك لاتخليني بعثرني الهم وابغى يديك تجمعني يمه افهميني تراك ان مافهمتيني مافي شخص بهاالدنيا بيسمعني ماعدت انا طفلتك00كبرت شوفيني خليك يمي ترى الاطماع تتبعني لاتدلليني 00ابي منك تدليني وابي يدينك تداعبني وتصفعيني لانهد حيلي ابي عطفك يقويني ياما كلامك على الشدات شجعني وان جيتك ابكي ابي منك اتهديني مابيك تبكين00 ابغى العقل ينفعني يامملكة عطف ياعطر الرياحيني براثن الهم 00والهوجاس تلسعني بسمتك عندي الى من ضقت تكفيني وارضاك عني عن الاحزان يرفعني اسمى العلاقات تربط بينك وبيني ياللي احضانك ان ضاق الكون تاسعني لك احترامي وحبي والوفا000فيني وفيك اروع الحب مايخطي ويخدعني ****** رساله من بدويه تعال بشرح لك أنا كل iiمغلوق تعال شاهدني مع iiذكرياتي لا لا يغرك لبس موضة iiومسحوق انفض غبار الوقت تلقي صفاتي قرب وطالع معّن الشوف iiبحدوق وزيف التطور جرده من iiحياتي بتشوف في وجهي من الماضي اطروق أخذت من بطن الصحاري iiصفاتي طفلة بثوب مخيطينه iiومفتوق تنطر جديد الثوب بالعيد iiياتي سمعت طرف اخبار عن كلمة iiالسوق وتاخذ وتسأل هو وجوده iiثباتي طفله سحبها الوقت للهم iiبرفوق حتي انها صارت من iiالعاشقاتي وجار الزمن وعرض الحب iiللعوق شرق ركايبها وهم مشملاتي واتلا عهدها فيه يركض ورا iiنوق مسرود جيب وفي يدينه iiعصاتي ويصد لكن يلتفت لي من الشوق عجلان يلخصني بعينٍ iiتحاتي وقفي وخطواته يتلن iiمعلوق وخلاني ماتنقل عظامي iiعباتي ودار الزمان ولا مشي الحظ iiبوفوق ومازلت أخفي بالظلام iiاعبراتي ولا زلت أنا العب له علي كل طاروق حتي يجيب الله موعد iiوفاتي *********************** يسألوني يسألوني عابره وين iiالجديد والاجابه ضايقه فيني iiملل راحت ايام السعاده iiوالقصيد عشتها بين التكانه iiوالجهل كنت اروض شارد الحرف iiالعنيد ماعسرني لو بغيته في iiعجل فيه اصور لوعة الحب iiالاكيد ومنّه(اشكل) ماحوى قلبي iiغزل ومعه (اسافر) عن معاناتي iiبعيد ولأجل حبه ماشحنّي من iiزعل احضنه (فرحة) طفل في يوم عيد واسكنه (روض) الخزاما iiوالنفل واحتويته ليت لي (قلب ٍ) iiبليد ماعرف (فرق) الجزاله iiوالهزل والنهايه مابقى عندي iiجديد واعذروني صارت ايامي ملل ********** مما قرأت وأشجى مشاعري

جنون العاطفه · 07-28-2008, 04:27 PM

الله يرحمها ويرحم جميع المسلمين

يعطيج ألف عافيه

سليلة النواظر · 07-28-2008, 06:21 PM

الله يرحمها ويصبر اهلها كلمتها اثارت فينى حزن

وين انا · 07-28-2008, 06:33 PM

الله يرحمها ويسكنها الجنه شاعره من أفضل الشاعرات

يعطيك الف عافيه أصايل المساء

اصايل المساء · 07-28-2008, 07:59 PM

الله يرحمها ويسكنها الجنه ...شكرا للجميع لمروكم الكريم

قـآهر غ ـرورك · 07-29-2008, 02:44 AM

إصآإيل إلمسـآإء ..}

بنقلـك فقـد عمّ إلجـو سحآبـه من إلحـزن ..

إبيـآت خآرجـه من إلصميـم ومعبـره ..

قصيـده تحكـي معآنآة شآعرتهآإ ..

رحمهآ إللـه وإسكنهآ دإر خيراً من هذه إلدإر ..

دمتي بهذإ إلتآلق ..

قـآإهر غـرورَك

اصايل المساء · 07-30-2008, 05:29 PM

يعطيك العافية قاهر لمرورك الرائع ..

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر

عدد الأعضاء الذي يتصفحون هذا الموضوع : 1 (0 عضو و 1 ضيف)