الوجبة الضائعة ^_^ .....

احساس انوثة · 08-02-2008, 01:51 AM

الله يسعد صباحكو \ مساكو يارب ..

كيفـو ان شاء الله بخير ..^^

طبــعا كلنا بنعرف انه الوجبات الاساسية 3 وجبات

فطور

غداء

عشاء

و لكل وجبة وقت معين ونوع اكل معين ..وكل شخص فينا بيحب نوع معين

وفي منا بيستغني عن وجبات معينة والاغلب عنده بتكون الوجبة الضائعة
هي وجبة الفطور ..

بس قبل مانبدا بالوجبات لازم كل واحد يحكيلنا شو هي الوجبة المفضلة لإلو
سواء فطور أو غداء أو عشاء .. وهل في وجبة بستغنى عنها ..؟ او لا ..؟؟

راح نبدا باول وجبة وهي

الفطـــــــور

دايما بيكون بالفطور كوب ساخن سواء (شاي- قهوة - شوكلاته - حليب)
والاغلب بيشربو عصير طبيعي وطبعا وجبة معينه معاه ..

وفي يلي مريح راسو وعلى القهوة او الشاي وخلاص ..

انا هذكر نقاط صغيرة عن اهمية الفطور

1- وجبة الفطور تمثل ثلث الاحتياجات اليومية من الطاقة والعناصر الغذائية
2- تناول الافطار يرتبط بتحسن القدرة على التحمل في بداية النهار والقدرة على الاستيعاب
الدراسي والقيام بواجبات العمل .
3-أن تناول الفطور يمنع العديد من الاثار الضارة ومنها الصداع والاجهاد والتوتر .

هلأ كلامنآ اليوم والمقدمة هاي لحتى نعرف ونستفيد من خبرات بعض
حابة اعرف شو بتفطرو كل يوم وهل الوجبة اللي بتفطروها بتفضلوها
تكون :

خفيفة
وسط
دسمة
وهل ياترى في شي معين بتحبوه وقت الفطور أو لا ..؟؟

بدنا تفاعل بالموضوع لو سمحتو ..

احساس انوثة · 08-02-2008, 01:52 AM

هبلش أنآ ،،

وجبة الفطور فعلاً عندي ضايعة و خاصة اليوم يلي بيكون عندي فيه جامعة

أصلوو ما بلحق أقوم لحتى أفطر

و بالجامعة بآكل شي خفيف ،، عصير و شوكولاتة وهيك

أما اليوم يلي بكون فيه بالبيت ،، بشرب شأي أو قهوة مع بسكويت أو بيتي فور

لكن اليوم الوحيد يلي ممكن أفطر فيه فطور دسم

لما يجيبوو ( فتة حمص ) << يا سلآآآآآآآم

يعني وجبتي على هيك بتكون خفيفة

يللآ لشووف إنتوو

ورده السوسن · 08-02-2008, 11:58 AM

شكرا ع الموضوع

وبالفعل الفطور اهم وجبه باليوم

ان شاء الله يلاقي موضوعك تفاعل من الاعضاء

بالنسبة لي افطر ع قهوه الصبآآآآآح.*_*............

يعطيك العاآآآفيه

ينقل هنا