لا ترخصين النفس يا بنت تكفيــــــن
بعض البشر ما يستحق المـــــــــودة
يلعب على كل العذارى بحبلــــــــين
وللدرك الأسفل يا العزيزة مــــــردة
يجهل أصول العرف والشرع والدين
ضد المبادئ والتقاليد ضـــــــــــــده
متمرس ٍ في مهنته قد له سنيــــــــن
يشدكم له و الطواري تشـــــــــــــده
مصيونت ٍ عنه جميع الفناجيــــــــن
وتنشل يمن ٍ في المجالس تمـــــــده
لا تامنين اللي موارية وجهيــــــــن
جعل الليالي السود عنك تلــــــــــده
النية القشرة لها ألف تخميـــــــــــن
وبعض النوايا المشكلة ما تســــــده
وده يحقق رغبته بالملايـــــــــــــين
وكوني على صد الخطر مستعــــدة
يا غالية ضرب الهوى للمساكـــــين
والمصلحة بأمر الهوى يبل المخـدة
كل العصور السالفة والمحبيـــــــن
راحوا معا ما راح جدك وجـــــــدة
صوني الكرامة واعدلي بالموازين
ولا بد من ميلات بقعا تكـــــــــــده
لا تخلطين الماي يا بنت بالطـــــين
الفرق واضح بين عدك وعـــــــدة
أنت ذهب يا بنت في العسر واللين
والله يعين اللي غدا فيه مـــــــــدة
08-02-2008, 08:21 PM
لا ترخصين النفس يا بنت تكفيــــــن
] 
النمط الخطي
