إحصائية العضو

آخر مواضيعي

0 ضرب المراة الزوجة او الاخت 0 ودي اجيك من التعب ثم اضمك 0 برنامج لمن تأخر حملها (بمشيئة الله ) 0 الإعدام لأردنية قتلت زوجها لأنه رغب بالزواج من أخرى 0 برنامج صغير الحجم عظيم الفائدة...شئ خيالي..((القران الكريم))

متواجد حالياً

اخواتي
حبيت انقل لكم كلام مهم
قد يثير البعض
ولكن واقع يحصل ويتسارع في الانتشار
واقع مؤسف جدا
كتبته احدى الاخوات

واردت من نقله الحوار بين الاخوات

اتركه لكم
اقرؤه للنهايه
v
v
v

--------------------------------------------------------------------------------

السلام عليكم ورحمة الله وبركاته..




فيه موضوع مهم صراحه.. وودي من زمان اني اتكلم فيه..


لكم الموضوع..
.
.
.
.
.


كان يا ما كان


قبل 10 سنوات او حولها


كنا لما نمشي في ديرتنا ونشوف اجنبيه فاتشه


تطير عيوننا .. نقول وش هذي .. يا ساتر ..


كان يا ما كان


قبل ثلاثة ايام


افتح ايميلي واشوف رساله من قروب مشهور... صور لبنات ويتفاخرون انهم خليجيات


الخليجي فخر بس للأسف ما يستاهلون يرفعون هذا المسمى على الصور الي كانوا طالعين فيها


مثال ..


صورتين


لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات)..
ومنزلين البنطلون..ونص ؟؟؟ طالعه..


قله الحيا هذي مهيب مقبوله


10 سنوات فتره موب قليله ..


كيف وصلنا لهذي الدرجه من فراغ الاخلاق . ؟؟


قبل كم سنه.. للأسف غلطنا ورحنا لدوله عربيه وبدون ذكر اسماء ..


مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه وماكنا متوقعين ابد هالشي منها


ويلومننا ليه نكره الدول العربيه


رحنا لمطعم سقيم..طلع فيه واحد عالستيج.. ومسك المايك وقال
((احلى تحيه لشعب السعوديه))


وتصفيييييييييق..


لحقونا بعد شوي الشعب الاماراتي والكويتي..


بس السعوديه عادها يمكن 6 مرات..


جلست افكر.. ليه يعني حنا اكثر؟؟


فكرو فيها شوي.. لين يخلص الموضوع بعدين جاوبو..
......


ارجع الحين لصلب الموضوع..


ليش صرنا نشوف صور كثيره.. وعناوين الصور
((سعوديات..سعوديات..سعوديات))


لو نتفرج عالصور.. نلقى رجول.. نلقى جزم


نلقى اساور خضرا<<يعني ترا حنا سعوديات..


والفيس بوك عاد..والهاي فايف.. انواع الصور اللي مدري وش اقول عنها


شفايف.. عيون..


ونادر ما تلقى وحده حاطه وجهها..


على فكره.. اللي تحط صوره وجهها,, محترمه اكثر من اللي ترزز اشياء ثانيه


يعني عشانكم تتغطون..تروحون تصورون ذا الصور..


تمنيت اني اطيح على بروفايل احد..والقاهـ حاط اسم كتاب حلو نقراهـ..خاطرهـ حلوهـ من كتابته.. موقف مضحك مر فيه..موقف مؤثر..


او اذا كانت او كان يعشق التصوير ليه يصور هالاشياء السخيفه..؟؟ اللي ما تدل الا على سخافه تفكيرهـ ؟؟


ااذا يحب التصوير ليه ما يحترف ويصور صور فوتغرافيه احترافيه وراح يبدع فيها !


ليه كل اللي اشوفه بربسه حكي واحيانا قله حيا لا صراحه موب احيانا غالبا..


وش هالفضاوهـ في العقل لدرجه انكم تصورون يدينكم رجلينكم.. ((شنطكم الماركه))..


يمكن الفضاوهـ اقدر اتقبلها او ابلعها لأن احيانا نسويها حنا انفسنا من كثر الفراغ اللي حنا فيه او يمكن شكل الصورهـ حلو..


بس ان الوحده تجي تصور مفاتنها هي وخوياتها وكاشخه بالجي سترينق


والمنتديات والقروبات السعوديه تتسابق لنشرها ..


الدال عالخير كفاعله.. والشر بعد..


بعدين انتي ياللي مصورهـ انتي وخوياتك..


يعني انتي همك الوحيد ما يشوفون وجهك عشان محد يعرفك..


بس مفاتنك وشفايفك.. وغيرها عادي يشوفونه


لأن المهم عندك الناس موب الله؟؟


طيب صورتك قدام نفسك طيب ؟؟ ما تهتز انك سويتي شي حقير ووضيع مثل هالشي؟؟


اصلاً كيف صورتو صورهـ زي كذ يعني ما استحيتو من بعض يا بنات؟؟


عيب يعني يعني عشانكم بنات مع بعض عادي تورون بعض يعني؟؟


ولا اقولكم انا نسيت انكم ناشرين الصور للعيال فما يهمكم البنات..


يعني صدق شي يضيق الصد بنات سعوديات مسلمات في مجتمع مثل مجتمعنا يسوون زي كذا..


ودي اعرف امك وابوك وش بينظرون لك بعد ذا الصور؟؟


يعني حرام اهلكم ربوكم احسن تربيه..


بس انتم للأسف ما ربيتو انفسكم..


فيه شي اسمه تربيه النفس بس انتم تتبعون اهوائكم او خليني اقول مخكم الفاضي


ولا قروب ثاني سعودي برضو والصور اللي ناشرينها


ذوليك عاد متبرقعات وبعابياتهم متكحلات ومسوين حركات غبيه ومصورين..


طيب ؟ وبعدين ؟؟ ابي افهم وش الهدف ؟؟ مره وناسه ؟؟ مره يضحك ؟؟ مرررهـ كوووول انتم صراحه


طبعن ترا الكلام موب موجه للبنات فقط ! لأن يوجد عندنا وبكثره رجال عقول فاضيه ايضاً


اللي همهم نوم واكل.. وفلوس ياخذها من ابوه ولا امه


تطورو شوي ارتقو شوي اطلعو بصورهـ احلى من كذا..


انتم عارفين ان النت اكبر وسيله انتشار..


قبل فتره في ام بي سي فور تدرون ان في برنامج من برامجها عارض بروفايلات لبنات سعوديات.. باسماءهم طبعاً موب اسماء حقيقه..


بس شوفو الصور انتم شفايف وخرابيط ومدري وشو علقو على هالشي باننا متكمكمين بعبايتنا عشان كذا نروح عن انفسنا بذا الطريقه..


انشرو شي حلو حاولو تطلعون بشخصياتكم الحقيقيه موب تصيرون مثل الامعه اللي يسوي شي عشان يقلد الفنان الفلاني ولا البنت الفلانيه..


ليه بس تنشرون الشي الشين؟


انواع المقاطع الشينه تنتشر انواع الصور الشينه..


ليه؟ وش استفدت ؟؟ غير الذنب والاثم انك خليت احد يشوفها وانك نشرت شي مو كويس عن المسلمين


اقولكم شي؟


شفتو كتاب (بنات الرياض) قريته صراحه كل اللي فيه واقع اشياء فعلا تصير عندنا طبعاً لفئه معينه من الناس.. مع اني من المحاربين للكتاب


بس تدرون ان الكتب تترجم لاكثر من 22 لغه؟؟


تدرون انهم برا يدرسون الكتاب فيه دوله من الدول


يدرسونه ..! تخيلو ..!


يعني الحين اللي برا يدرسون الكتاب كنص سعودي ادبي يمثل حياة السعوديين كله سلبيات في سلبيات مثلا احنا الحين ندرس روبنسون كروزو في الجامعه على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..


هم يدرسون (بنات الرياض) لتمثيل المجتمع السعودي


شلون الواحد يصلح مجتمعه ؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس


بس عادي يدشرون ويخربون وكل شي بس ما ينتشر عنهم شي


غلط كل دوله بالعالم فيها الصالح والطالح..


البيت الواحد فيه الصالح والطالح..


ما تحبون احد يحكي فيكم ابد بالرغم من كل الاغلاط بحياتكم..


قبل فتره سمعت انهم رحلو هشوم الرياض.. الى ديرته الحقيقه
(سوريا)


وانه لا يمت للشعب السعودي بصله


كأن ما عندنا سعوديين من هالجنس وربي اشوفهم وبكثرهـ في التحليه وفي غيرها والي مو متآكد من صحه كلامي يروح لمقاهي الي بالثمامه بالرياض الدروازه وغيرها ويشوف الاشكال الي فيها !


ليه ما تصلحون ايميلات تعود لكم بالفايده ..!


وتحسن سمعتكم وتظهر الجانب الحلو في كل سعودي وسعوديه؟


بقولكم مثال لوحده اعرفها شخصيا قبل ما ينتهي رمضان ارسلت مسج لكل اللي تعرفهم وقالت انهم بيجمعون فلوس هي وبنات خالاتها وبيروحون يشترون العاب وحلويات ويرسلونها لجمعيه الايتام وفعلا جمعو ووصل المبلغ لين 22الف كله من بنات عشرينيات في العمر كلهم تحمسو لهالشي كلهم اشتغلو وشرو العاب وحلويات شرو ميك اب وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مرررررهـ حلو
فكرو بالاشياء اللي يحتاجونها الفقرا ويفرحون فيها بس ما توفرها لهم الجمعيات لانها مهيب ضروريه مثل الاكل والبيت والملابس يعني هالمثال صراحه اوقف واصفق له بحرارهـ هذولي هم السعوديات اللي نعرفهم


شله شباب اعرفهم هم نجديين طالعين لجدهـ في رحله بحريه وصادو كميه لا بأس بها من السمك..


تدرون لو بيبيعون هالسمك كم يبيجب لهم ؟ تقريبا 4 الاف..


بس هم كانت نواياهم اهم من الفلوس..


اخذو هالسمك وودوه لمنطقه فيها ناس فقرا وتصدقو..


برضو حمله تبرعات الراجحي..


ترا اكثر من تبرع فيها شباب..


((المواقف مذكوره عشان ابين انو فيه ناس كويسه يعني ابين الجانب الايجابيه))


يعني فيه ناس تشتغل.. فيه ناس عندها اهداف..


موب بس بالنت.. حتى برا النت,,


سواء بنات او شباب..


نبغى جيلنا السعودي الجديد ينتشر عنه كل شي حلو..


انا ما اقول انكم ما تنبسطون ما تسوون هبال بس برضو بحدود..!


موب عشانكم ورا الشاشات يعني عادي؟؟


(هياط ورا الشاشه = مرض)


الصور اللي من النوعيه اللي ذكرتها في البدايه بطلو تنزلونها النت بطلو تحطونها بالبروفايل حقكم.. ترا صدق يعني هالشي ما يبين الا فضاوه عقولكم لأن هالبروفايل يبين شخصيتك..


اي احد يشوف هالصو ولا يجيه ايميل من هالنوعيه يبطل ينشرها لأنها يساعد على انتشار هالظاهرهـ لأن التقليد عندنا اعمى


وابي اتطرق لموضوع بيخش فجأهـ بس لازم اعلق عليه(( فضيحه بنت .. الخ)) هالنوعيه من الصور والفيدوهات ترا عليكم اثم لو نشرتوها..


اولاً نشرت شي حرام ثاني شي ما سترت على بنت او ولد الناس..


ما تخاف ربي يفضحك بشي بعد سنه او 2 او 100


قال الرسول صلى الله عليه وسلم
(من ستر على مؤمن بالدنيا,,ستر الله عليه بالاخره)


اتمنى ان موضوعي هذا ينتشر بنفس الطريقه اللي انتشرت فيها هالصور..


يهمني الموضوع ينتشر في المنتديات السعوديه اكثر من المنتديات العربيه..


لأننا نحاول نناقش قضيه سعوديه داخليه ومافيه مجتمع ما يخلو من الاخطاء..


ابغى اذا احد قال((احلى تحيه لشعب السعوديه)) وعادها 6 او 10 مرات..


اعرف ليه قالها.. واقول معه حق..
.
.
.
.


تناقض المجتمع وتناقض الافكار ينتقل بصوره عجيبه




بنهايه موضوعي احببت ان اقول اني لاعمم في كلامي على جميع السعوديين او الخليجين وايضا لا ننسى انه يوجد بنات محترمات ومثقفات ومتعلمات وقبل هذا كله محتشمات


كل مكان في الصالح وفيه الطالح


وانا اغلب موضوعي خصصت في المجتمع السعودي لانه مجتمعني ويهمني ان اناقش قضاياهـ اهم من المجتمعات الثانيه وان يصل الموضوع لاكبر عدد ممكن


ارجوا ان تكون المناقشه محترمه وبعيدهـ كل البعد عن التعصبات




__________________

إحصائية العضو

آخر مواضيعي

0 عاجـــــــــل::لكــــــل مسلـــــــم عربـــــي 0 أروّض ألف جنّيه 0 صندوق الوارد> رسالة1 ممكن تضيفيني عندك بالايميل... ! (( موضوع حساس)) 0 والله لولا اني من فقد الغلا القلب ملهوف 0 صور الفتاة ال اتكلف مكياجها 100 الف ريال

متواجد حالياً

إحصائية العضو

آخر مواضيعي

0 أغرب لاب توب 0 الخصال الخمس للصائمين 0 ياسر القحطاني ومالك معاذ يدخلون (القائمة السابعة) لجائزة افضل لاعب اسيوي 2008 0 عذراً تم إغلاق المنتدى للأبد !!! 0 ммş باحساس الشاعر فهد المساعد

غير موجود

إحصائية العضو

آخر مواضيعي

0 أحلى جلابيات لاحلى عيون00 0 الزواج من غير المواطنه 0 أنا وش سويت؟؟00هزيت راسي ومشيت00!! 0 الــجـــازيـ تعانيـ من ظروفـ الاتصال فمدو لها يد العون تهئ تهئ<<براا 0 شرطي مع واحد مفلت هو وزوجتهـ

متواجد حالياً

إحصائية العضو

آخر مواضيعي

0 صبآحكم جميل كـ جمآل آآرواحكم 000 0 {« " ^ إكتشف قريـبـ / ــة ( الطفلـ / ــهـ ) .. من أعضاء المجالس ..!!^ " »}

غير موجود

إحصائية العضو

آخر مواضيعي

0 (( جميع كلمات اغاني البوم تامر حسني .. قرب كمان)) 0 راغب علامة يصور" سر حبي" 0 زمـــــــــــان عنكــــــــ يا روبي ((( احراج روبى فى عرض فيلمها الجديد)) 0 مايوه "دوللي" يثير أزمة 0 ميريام فارس تبحث عن حبيب

متواجد حالياً

إحصائية العضو

آخر مواضيعي

0 رحبوووووووووووووووو يا الله حيني 0 بنت البدو 0 كنز ثمين لكل فتاة إسمـه غشاء البكارة 0 الهبات والنعم الست لمن تتعب في حفظ القرآن 0 زواج الفتيات الصغيرات بكبار السن ليه ولماذا ولم وليش ومن جابك أنت ؟!!

متواجد حالياً

إحصائية العضو

آخر مواضيعي

0 اول فرقة غنائية لبنات سعوديات 0 يا قلب لاتشتكي همومك علي الناس 0 رساله من ( أمك ) .. 0 قبل أن تتزوجي يجب أن تعرفي هذه الأشياء 0 حاجات..زوجك المفروض ما يعرف عنها.؟

متواجد حالياً