يوم كلٍّ في توالي الليـل هانـي فـي رقـاده=نبّني صوتٍ ٍ بْجنبـي يشبـه لصـوت المنبّـه
قال نايم قلت ايه وقـال ماهـي بلـك عـاده=ذِب عنك لحاف نومك ياسفيـر الحـرف ذِبّـه
وقبل لاينهي حديثه قـال لـي قـولٍ واعـاده=ماينـام اللـي بقلبـه للنبـي قـدر ومحبّـه
وقمت من نومي بليـلٍ بـاردٍ حالـك سـواده=وكل مافيّـه يـردد ايـه احبّـه ايـه احبّـه
الرسول المصطفى اللي مابه اطهر من فـؤاده=أعظم واكمل واجل الخلق فـي مرضـاة ربّـه
الحليم اللي أرقّ مـن النسيـم ومـن بـراده=واعذب من النهر واطهر منه واصفى من مصبّه
أشجع اللي في ميادين الوغى مِسْـرِج جـواده=واغزر من البحر مَدّ واعمق من البحـر غُبّـه
صاحب الوجه الأغرّ اللي تسيّـد فـوق سـاده=من رجالٍ لو يطب ابهـا البحـر كـلٍّ يطبّـه
شرّع الدين القويم ومعقل اهل الشـرك ابـاده=وانتهى الظلم وتبدد يوم خيـر الخلـق جبّـه
كمّلـه رب العبـاد وزاده مـن الفضـل زاده=ولااذكرلغيره سراجٍ مانطفى مـن يـوم شبّـه
جا على الدنيا يتيـمٍ وامتلـت طُهْـر وعبـاده=وراح عنها والقلـوب بهـدي ربـي مستتبّـه
وياصلاة الله عليه اعداد من يحصِـد حصـاده=وعد ماتِبْذر بذور الـزرع حبّـه عقـب حبّـه
وياقصيدي وانت طيرٍ حـر يعجبنـي هـداده=أشقر الجنحـان واللـي ينِـبّ صقّـاره يِنِبّـه
نبّنـي علـمٍ جديـد وفِـزّ مافيهـا ركــاده=لين تقضب عاتـق الغـاوي وباليمنـى تلِبّـه
وعلّم الدنمركـي اللـي زبـدة الدنمـرك زاده=لايعـرض رمـز الامّـه للشتايـم والمِسِبّـه
وعلّم اللي مـن وراه يقـول للـراي السيـاده=رمزنـا ماهـو بعرضـه للمقـرد والمسبّـه
صح حنّا مسلميـن وشعـب تَغلِبنـا الهـواده=مير دون العرض نلبس للحرايـب كـل جُبّـه
نكسر عناد المعاند وان تمـادى فـي عنـاده=والله انّ يشوف شـيٍّ فـي حياتـه مارغبّـه
ووالله لنقطع جـداه وبالـردى نِشبِـع مـراده=ليـن مايلقـى لجـرحٍ نَجْرحـه ايّـاه طِبّـه
ويالله اللـي لـك نطقنـا مومنيـنٍ بالشهـاده=لاالـه الا انـت ومحمـد نبيّـك وانـت ربّـه
نسألـك يالله تِشِـلّ وتحرمـه نـومـه وزاده=من يعرض خيـر خلقـك للشتيمـه والمسبّـه